Anneau am 8.09. und 9.09

Boo

fahrsch du use oder hend mer zäme en transporter welle miete?

Oder het oder brucht susch öppert no e mitfahrglegeheit? Denn chönted mer zäme en transporter miete. eventuell ja au eine wo drü töff drinne platz hend.

ihr sind ja aber nume ein tag dete oder?

isch ebe scho chli blööd....

maini

kennsch du d dimensione vom Transit? Well eigentli luut paar us em racing4fun forum müssti mer versetzt drü töff dribringe in en ford transit. Wär eventuell ebe würkli mögli wenni bi de gixxer de uspuff usw. abmontiere und die denn zwüsched die beide schlanke yamis stelle.....

falls das gah würd hetted mer ja denn eifach kei platz meh für all de ander grümpel, doch denn würdi eifach de töff euch mitgäh und no mit em A6 vo de eltere usefahre zum all de zuesätzlich plunder wie zelt usw. mitznäh. het au de vorteil, dass mer denn de transporter uf em gländ in anneau stah lah chönted und denn mit em audi go campe oder is hotel...was au immer

nei s choschtet nid alli welt, aber wenn chanis hole????

bi sixt usw. chasch am sunntig abig ja nid abhole, also müssti s ganz wuchenend und denn bis am mittwuch zahle, obwohl en nume zwei täg brücht. würd mi 380CHF choschte und das isch z viel. wenns 200wäred ok

hänger bringt mer nüt, welli kei hängerkupplig han und eini für an A6 choschtet einiges über 1000stutz

han jetzte mal no paar töffhändler agschriebe ir hoffnig, dass irgendeine es büssli vermietet. well ebe usefahre isch nicht mögli mit dem ganze grümpel woni han und de rennschale

ja logisch, aber nachher liit d originalschale irgendwo ume....neee das isch zu heikel

aber ich han nach wie vor s gfühl dass de transit wo de maini und ich s letscht mal anneau gha hend eigentli für drü töff platz hah müsst....

ihr hend en ja für dijon oder? denn chönd er ja mal usmesse. well wenn die beide yamis an rand inestellsch und denn d gixxer mit demontiertem heck rückwärts versetzt zu de beide yamis dristellsch müssti das eigentli platz hah

aber ebe luege jetzte mal no, dasi en transporter bechume

*edit*

düend eifach wenn er alles glade hend für dijon mal usmesse und bilder mache. well han jetzte scho vo einige lüt ghört, wo im alte ford transit drü töff ohni problem versetzt dribracht hend.

also han jetzte nach weig langem sueche und sicher 10absage es büssli gfunde.

Hetti also no en platz frei ab Züri für beid Täg. Wott öppert mitfahre?

Müsst sich eifach schnell entscheide, welli susch s chliner büssli nime wenni alleige bin.

nee ich denke ich fahr am mäntig morge use. gaht ja nid soo lang. halt am sechsi losfahre, defür di heime no im bequeme bettli pfuuse

aber ihr chönd mir ja denn fallsi z spat achume es plätzli reserviere. am liebschte grad i de nächi vo de stromaschlüss

chunt jetzte halt no durf ah, weles büssli ich bechume und wenn ichs chan go abhole. je nachdem chmti vielicht au scho am abig vorher use, well en ford transit oder grosse peugeot mit eim töff drinne und uf de andere siite e bequemi matratze isch au ganz easy zum pfuuse. denn würdi au am abig mit euch usefahre. halt ersch relativ spat. sprich so 8i oder 9ni zabig abfahre, so dass mer so geg die 10ni halb 11 in anneau sind.

viellicht chunt ja öppert trotzdem am mäntig scho mit use au wenn er denn ersch am ziischtig fahrt.

Also han jetzte min Transporter und chan en au am Abig vorher go hole.

Denke also würd mit em Maini und em Hypi am Abig vorher usefahre. Platz hetti immer no im Büssli falls öppert no wett mitcho.

Han jetzte au so en schöne Hochdachtransit chöne reserviere. bi dem weissi wenigstens dass sicher alles platz het und au aständig verzurrt werde chan

um weli ziit hend ihr denn so wele usefahre? Scho ersch so geg der abig oder? Also irgendwas geg die 7ni 8i vo da weg?