Uvex Visier, es sisch nöd eifach.

Spike

Ich will es Verspieglets Visier (schön hä?) a min Uvex Wing RSII here. Also am nögschte Händler mit Uvex-Sache (i mim Fall http://www.toefftotal.ch, chani nume widerempfehle, bsunders de Service ) aglütet. Si müeses bschtelle, segi i 2 Wuche da, si lüted a wenns da segi. Sowiit so guet, brav gwartet. Nach 5 Wuche han dänn ich mal aglütet, "isches für en boss4000? aha, ou het ich das sölle bschtelle, ich luege mal"....si lueged und lüted mir a wenns da seg. Nach 8! Wuche han widerum ich aglütet...."ja, es göngi halt amigs 2 Wuche bises da segi"....aha, 2 Wuche?!...zum Glück warti nöd scho sit 8. Oh, es tüeg ne leid (jaja, du mich au), si tüeged luege was da los segi (scho?) und mir no die Wuche bscheid gää (mal öppis neus!).
Jetzt sind 9 Wuche verbii....ich han immerno keis Telefon übercho, keis Visier und bald kein Summer me, zumal ich jetzt wider schaffe und soweso numeno am We chan goge fahre.

Ich findes immer wider toll wie guet de hüttig Service isch und wie fill Inträsse gwüsse Händler a ihrne Chunde händ. Weiss nöd was die mached aber Sache verchaufe chas irgendwie nöd sii.

Naja, anschinend händses ja nöd nötig.....Ich überlege grad was gschider isch, aalüte und Dampf mache, oder bimene andere Lade bstelle (gaht filich au noma 9 Wuche) und mich wennses dänn händ miteme "Oh, han ich das bstellt?" z'entschuldige....dänn chönts vo mir us uf das Viser drufhocke unds usbrüete.

"Der Kunde ist König"...hani mal irgendwo ghört, aber isch scho lang her.....

:Dark_Force

Hehe, seeehr guet gschribe
[ironie] Und komischerwiis chunt mer das au i keiner wiis bekannt vor [/ironie]
Am beschte du wendisch dich a eusi nette Nachbere mit hochdütschem "Akzent" (*fg) und luegsch det mal nacheme Händler, die sind meischtens na zuvorkommend und Entschuldiged sich wänn mal öppis nöd ganz stimme sött. Hani sitt de Laser-Bschtellig nume na so gmacht, die behandled Kunde eifach würkli besser und sind au na fill schnäller im Lifere. Ich bin ja suscht nöd so de Dütschlandfan, aber in Sache Kundefründlichkeit sinds würkli nume sehr schwer z'toppe !!!!!!

Spike

Han scho 222.motorradwelt24.de aglueget, aber die händ nume es schwarzes. Döte isch de Service de Oberhammer, chunsch sogar am Suntig innert 3 Stund antwort uf Mails über.

Aber glaube ich wirde das jetzt echt so mache.

Biker Boy

Isch scho ä frechheit än Chund so z'behandlä.:motz:
Statt 2 Wuchä muäsch 9 Wuchä wartä und häsch immer no nüt. Bi denä werd i bestimmt niä öpis bstellä.

Spike

Zahlt hanis zum Glück nonig, susch würi nöd 9 Wuche warte.....aber bstellt hani döte aus sletscht mal öppis, höchschtens Lagerverchauf (aber ez bini igschnappet, füle mi schlächt behandlet, unverstande und nöd ernschtgna :P, understütze die sicher nöd no 8)).

Milhouse

I finges vorauem scheisse dass d Händler duurend motze me söus nid im Usland bsteue und scho gar nid direkt vom Hersteller. Selber tschuld

Spike

Zitat

Original von Milhouse
I finges vorauem scheisse dass d Händler duurend motze me söus nid im Usland bsteue und scho gar nid direkt vom Hersteller. Selber tschuld

Aber echt, als Chund git das kein Sinn, ussert dases schnäller und zueverlässiger häsch und sich sich nöd jede Zwüschehändler no öppis devo abzieht.

Peak

Etz weis ech weder einisch me, worom ech en chliwärkstatt ha Det esch de Service guet ond wersch au werkli guet behandlet.

Der Kunde ist König. Das hets mer au scho tröimt. Esch jo ned nor bem Töffhändler so. A velne ort wo mer eigentlech gärn wörd sis gäld plaziere werd mer eifach scheisse behandlet. Tja, päch gha. Ech chome mini sache au no amene andere ort öber.

Pogo

Hehe ja ja die Gschichte känn ich au.... ich han mal es Ersatzteil für min 2. Suomi Helm müese ha (häts mer bin schnäll fahre abgwindet ).... detä bstellt (choscht öppe 60.-), öppe 3 wuche gwartet und aaglütet... churz um öppe die gliich gschicht wie bi dir... bin dänn uf Uster inen Shop gange, und die händ sones teil sogar detä gha! Isch zwar nöd die ganz richtig farb gsi, aber das isch mer gliich gsi... und s'bescht isch, ich han das dänn au no gratis überchoo !!
Han nie me öppsi vom töff total wäge demm teil ghört, und has dänn au debi belaa

:Dark_Force

Zitat

Original von Pogo
Hehe ja ja die Gschichte känn ich au.... ich han mal es Ersatzteil für min 2. Suomi Helm müese ha (häts mer bin schnäll fahre abgwindet ).... detä bstellt (choscht öppe 60.-), öppe 3 wuche gwartet und aaglütet... churz um öppe die gliich gschicht wie bi dir... bin dänn uf Uster inen Shop gange, und die händ sones teil sogar detä gha! Isch zwar nöd die ganz richtig farb gsi, aber das isch mer gliich gsi... und s'bescht isch, ich han das dänn au no gratis überchoo !!
Han nie me öppsi vom töff total wäge demm teil ghört, und has dänn au debi belaa

ROFL Isch ja mal krass

Also mit miinerne Töffhändler hani bis jetzt au nie würkli Problem ghaa ! Ok, bin mitem jetztige trotzdem me zfride als mitem andere, obwohl de ander au suuberi Arbet gmacht hät. Aber ich han halt eifach immer s'Gfühl ghaa, das weni miteme Problem zum ex Händler bin, das er mich nöd so recht ernscht gnaa hät, was bim jetztige überhaupt nüme de Fall isch ! Chan echt nur guets säge was de abelangt, und de isch au nöd grad chlii. Also es müend nöd immer nume die chliine Werkstätt sii, womer guet behandlet wird

Spike

Zitat

Original von Pogo
und s'bescht isch, ich han das dänn au no gratis überchoo !!

es bestaht also na Hoffnig :D:D:D

Spike

[Blockierte Grafik: http://home.zhwin.ch/~neukochr/documents/bilder/helm/Bild059.jpg]
[Blockierte Grafik: http://home.zhwin.ch/~neukochr/documents/bilder/helm/Bild062.jpg]

:Dark_Force

Xeht mer da überhaupt na öppis dure ? :auslach:

Spike

Joa, isch tiptop 8). Öppe so wie en normali Sunnebrüle.

Biker Boy

Gseht huärä geil us

Stilfser Joch

Ausfahrt vom 13.04.25

Ausfahrt vom 12.04.25

Kettenpflege 🛢

Neulich an der Tankstelle

Uvex Visier, es sisch nöd eifach.