16-Jährige in Zürich mit Armeewaffe getötet

Es git nit numme 300 und 50 m Schiesse... es git sehr viel verschiedeni Diszipline und en Pumpi macht halt eifach Fun zum schiesse. Das isch öppe so wie wennd würdsch Frage: Was bringts der das din Uspuff lüter tönt.

naja...
die diskussion bringt glaub nüt, drum seg ich jetzt nüt me

Zitat

Original von Mercutio

ich nime ah, du seisch mir das bi glägeheit au is gsicht. döfsch au dini waffe mitnäh

vowäge topic ned läse. gaht glaub ned drum, wer wievill waffe und munition dehei hed, dass das vill z'eifach isch, weiss jede...

Ich glaubs de Server seit dir das gern persönlich is Gsicht au ohni Waffe... Ganz unrächt hät er ja nöd. Dini Meinige cha mer ja immer in vornherein scho asäge. Das mein ich nöd zum dich persönlich agriefe aber es isch halt scho so, dass es amigs ziemlich offesichtlich vorhersehbar isch was de Mercutio schriebt / schriebe wird.
Waffe daheim oder nöd. D'Risiko ischetzig usw. Isch glaubs ä sinnlosi Disskusion. Da gönd dmeinige so massiv usenand. Ich gib mini Waffe ufjedefall nöd ab und falls ich muen, hol ich mir legal ä anderi. Wieso und überhaupt mues jede sälber wüsse...

mir hend da ja au hobbyschütze. und ich wett ned es gsetz meh und dene s'hobby wegnäh. ich ha s'gfühl, dass die lüüt meischtens au en verantwortigsvolle umgang mit waffe glehrt hend.
aber d'tatsach, dass jede wo is militär gaht e waffe hei näh muess, find ich ebe scho bedänklich.
de typ (wo's ja i dem thread ursprünglich grum gange isch), hed ja mit sinere armeewaffe eifachso für luschtig öpper verschosse. und so wie ich das iischätze, hed er das gmacht, will er e waffe hed.
ich vermuete, wenn er kei waffe gha hett, het er das au ned gmacht.

Ebä... ändlosi diskussione...

Viellicht isch scho so, dass wänn mer so öpis wot machä und ä Waffe daheime isch, dänn macht mers au mit derä. Was wär aber wänn eine so öpis wet machä und kei Waffe daheime isch??? Git glaub gnueg alltäglichi Sachä wo mer chänt verwände... oder???

Abschlüssend: Känn ich gnueg lüht wo ä Waffe händ legal und nöd vo de Armee. Vieli vo denä setet besser keini ha...Somit gseht mer, dass es wahrschinlich nie wird ä optimali lösig gäh.

Zitat

Original von Mercutio
mir hend da ja au hobbyschütze. und ich wett ned es gsetz meh und dene s'hobby wegnäh. ich ha s'gfühl, dass die lüüt meischtens au en verantwortigsvolle umgang mit waffe glehrt hend.

Ich schlüssä mich da am Mercutio ah.
Es git sehr vil Hobby Schützä woni au mun sägä, fini kei tolli Sach das diä tFlintä diheim händ, aber leider isches immerna vil so. Dä richtig Umgang mit Waffä muän vo grunduf glernt werdä und das Verantwortigsbewust!!! Ich würdi jetzt für fasch jedä vo minä Jungschützä tHand is Füür leggä und für diä wonis ned würd machä, diä bechömed au tFlintä ned hei über. Basta!
Und zur Munition, diä bechunt jedä persönlich vomä Jungschützäleiter abzellt, da chunt kei Mun wäg.
Ich dänkä mir, irgendeinisch munmer scho ä Lösig findä mit dänä Armeewaffänä, aber dä schlau Chopf wo da di perfäkt bringt mun waschinlich zersch na geborä werdä.

Es isch statistisch erwisä, dass wän du tChanc häsch ufen Schusswaffä, tHemmschwellä beträchtlich tüüfer isch als binrä "bluätigä" Tatwaffä wi zb sMässer, vo dämhär isch da waschinlich scho au na öpis drah. Da wäredmer wider bim Ahfangspunkt vom Mercutio, es mun eifach en verantwortigsbewustä Umgang da si und wän dä ned gwärleistet isch, dän mun au tWaffä wägg. Ich mein, Hundehalter vo Kampfhünd münd au Wesenstest und Ghorsamkeitsprüäfigä ablegä mit ihrnä Tier, warum ned so was ihfüärä? Ich weises ned... aber es mun scho mal was gscheh, susch wirt tschwiizer Waffälobi na lang stunk ha und mir Schützä als vermeindlichi Killer anägstellt. Ich dänk mal wer mich kännt, würd au ned als ersts anä Waffä dänkä, au wän da welchi ih mim Schrank stönd, es sind ned alli so wiä diä 4 negativä Biispil wos gäh hät das Jahr... aber mer ret ja numä vo dänä.
Und lüt wo ned vil dävo verstönd... liäber am server sim Motto folgä... Wenn man keine Ahnung hat einfach mal Fresse halten..

Lg Stubi

was ich wichtiger finde als die blöd waffe di heime oder nöd diskussion isch d'frag, warum so eine überhaupt tauglich isch für s militär und a de waffe usbildet wird.

well wenn ene eifach öppert abknallt, denn isch das nüd eifach so spontan churzfrischtig i dere person ufecho, sondern en langfrischtige psychologische schade, wo au scho bi de ushebig vorhande gsi isch. Und s militär het ja soo vieli tolli teschtli a de ushebig, wo's au schüüli stolz druf sind, wie guet sie psycho's angeblich chönd erkenne...

aber irgendwie schiint das system nüd ganz so würkli z funktioniere. han ja selber das zügs gmacht und mues sege, dass das eifach lächerlich isch was die da so teschted.

drum sött mer minere meinig früehner asetze und lüt wo irgend en schade hend gar nie anere waffe usbilde, geschweige denn eini hei gäh. defür mues mer denn nüd all waffe izieh, well de normal gsund mensch de töted nüd eifach so e person, wo er nüd mal kennt.

wenns us eme konfliktfall oder plant isch, denn isch das e anderi sach, doch so öppert finded so oder so e möglichkeit zum ane waffe oder ähnlich's herezcho.

vo dem her isch i mine auge wichtiger, wem mer e waffe avertraut, und vorallem wer mer a de waffe usbilded und nüd, dass eifach niemert meh eini diheime hah derf. well das wird chum öppis ändere

@stubehockerin

mit statistike mues mer extremscht vorsichtig sii. studiere ja medizin und da isch die ganz psychosoziali medizin uf so statistike ufbaut und insgesammt mues mer eifach sege, dass mer immer e passendi statistik finded zum grad das bewiese wo mer halt wett.
statistike als bewies herezieh isch eifach nüd mögli

S'Beste isch Jungschütze??? Waffeumngang?? Haäää??!! Die träffed viellicht ä schiebe plus/minus uf 300m aber de Waffe umgang isch no wiet entfernt. Abgseh davo zellet die für mich au zu Hobby Schütze.

waffene stell ich uf die glich stufe wie zeckene... es objekt wo eifach total sinnlos isch i dere welt...sigs im schützeverein/im militär oder süscht wo.

de mensch isch leider immernonig usem primatezitalter usegwachse und scho gar nöd d'schwizer mit ihrer paranoia-bünzli istellig.

ich warte eigentlich immerno uf dä zitpunkt wo d'menschheit e geischtig höcheri stufe erreicht het was ich bi däne vielne primate um mich ume mit ihrne prähistorische wertvorstellige wahrschinlich nümme erläbe wird.

mir baued eus euses eigne mittelalter... ohni das würdemer wahrschinli scho lang de weltruum besiedle aber anstatt das seckle mer settige unwichtige problemli hindenache und schaffed eus immer neui.

wenn ihr mal no über de event mit dere 16jährige hinweglueged und eu mal d'dunkelziffere vo dä selbschtmörd alueged wo mit armeewaffene begange werded und mir damit glichzsetzä sind mit dr USA!! denn würdi mir mal es paar ernschthafti gedanke mache über sinn und unsinn.

lueged eu mal aaa wie gross s'universum isch und wie unbedütend euse chli schlammegge isch und was machemer anstatt de weltrum z'erforsche?? milliarde und abermilliarde für d'rüstigsindustrie usgäh und eus uf möglichscht primitivi arte ufe grind z'gäh. muesi säge...super gmacht Mensch....super gmacht Schwiiizer!!!

so jez chönd ihr mi wie immer zueflame

[Blockierte Grafik: http://www.unl.edu/rhames/courses/current/chimpanzee-glock.jpg]