wot e 1000er

ouh geil...ich chauf mir en töff damit i nachher grad nomal geld chan usgeh zum dä uspuff ersetze will de hersteller vom töff ja so viel ahnig het devo

apropos unterhalt... komischerwiiis sind mini gixxr services und ersatzteili immer türer cho als bi dr r1 hmmm guets argument, vor allem will der serviceintervall bi yamaha grösser isch als bi sugi ;)... und die minime unterschied in sache leischtig und handling sind au en sehr guete grund sich füre gixxer z'entscheide momoll

isch doch schnurz piep welle töff er nimmt solang er demit klar chunnt.... aber mit zahle müend ihr ja gar nid acho, isch jo zum lache

für mich zum lache isch nur es R1. oder besser gseit, dlüt vo eifach nöt zugeh chönt das es öpis besseres git als das eigene rössli

Als ob dir das merket würdet die paar unterschied vore R1 oder gsxr oder ere honda...

Da isch eifach nur eis smile richtig und zwar:

Zitat

Original von SERVER
Als ob dir das merket würdet die paar unterschied vore R1 oder gsxr oder ere honda...

Da isch eifach nur eis smile richtig und zwar:

Dass mier normalsterbliche merked, weles Bike i welere Hiisicht besser isch, bezwiifli au.
Aber en Unterschiid merkt mer uf jede Fall, grad will die bikes halt i jedem Detail en chliine Unterschiid hend. Im Gsamtpaket macht sich das sicher spürbar.
Ich sälber bin erscht uf de verschidene GSX-R gfahre und uf de R1 06 (die vom Valten ). Ich chan nöd säge uf welem Töff ich schnäller underwägs gsii bin, aber ich bin sicher uf jedem Töff anderscht gfahre und ich han der au konkreti (subjektivi) Unterschied chönne nänne.

Schlussendlich isch es aber wahrschinlich in erschter Linie e Frag vo de Optik und vo de Sitzposition, will s fahrverhalte isch eh bi allne genial.

stimmt.

d option im lotto gwünne und e 1098R chaufe hesch vergesse.

die isch echt mal gaaaaanz goil.

meinsch mer chan die irgendwo mal probefahre, oder isch die eifach zu tür defür? würd mi doch schüli wunder näh wie da d traktionskontrolle so funktioniert

Zitat

Original von Lümmel

DTC isch relativ easy.. misst vorne und hine, und tempo und unterschiedlich wird eifach abgriglet, chasch eigentli vollgas usem boge use, dä brämst de scho

genau das wili ja mal usprobiere. wie's theoretisch gaht weisi scho.

allerdings müends ja no paar ander sensore hah, well susch würds ja au bi jedem chline wheelie bim usebeschlünige sofort igrieffe und das wär denn ja recht kontraproduktiv

Zitat

Original von gixxxer79
für mich zum lache isch nur es R1. oder besser gseit, dlüt vo eifach nöt zugeh chönt das es öpis besseres git als das eigene rössli

dito gixxer i säg gar nid dass r1 besser isch als alles, für mich passt sie und de grossi leischtigsunterschied wo du da plagiersch merksch weder du no ich

ich ha no nie öbbis für husgmachti hobby-zahleakrobate übrig gha und wirds au nie ha aber die unterschied bezeichne ich wiiterhin als minim und nichtsägend

Boo: /signed

interessant hypi

well i dem fall vo de r1 und de gixxer isch es nämli so, dass die reine zahle so guet wie kein unterschied zeiged. irgendwie 5PS unterschied wo mer würkli nüd merkt.

aber was mer würkli merkt und zwar dütlich sind d durchzugswert. bisch mal e k5 kilo gfahre oder nume die neu k7? well die neu k7 het würkli a druck vo unde verlore, defür meh spitzeleischtig.

aber emal binere 04er r1 und ere k5 kilo merksch de unterschied doch ganz dütlich, wennd bi so 60kmh imene höchere gang de hahne voll ufmachsch. muesch mal usprobiere

obe use chönd mir hobbypilote einweg kein unterschied feschtstelle und werded mer au nie chöne, aber genau d elastizität vom motor chan mer merke und isch i mine auge au s wichtigschte uf de landstrass. uf de rennstrecki aber wiederum absolut egal

Tja Bösci, denn cha ig dir mit guetem Gwüsse d 98er R1 empfähle...

Die chasch so öppis vo schaltful fahre, do chasch d k5 ipacke

ipacke wohl nüd grad, aber die alt r1 het sicher ähnlichi wert. emal gfühlsmässig rupft sie fasch no heftiger

aber es isch da ja d red vo de 04er r1 und da merkt mer eifach en underschied minere meinig nache

Chunnt ufs Isatzgebiet a... Dr Flisi und ig si vor zwöi Jahr gnueg mängisch im Elsass gsi.

Wenn ig mit dr R1 im 2. us dr Spitzkehre ufzoge ha, het dr Flisi mit dr K5 äntwäder d Möglichkeit gha, ou im 2. z fahre und gwaltig Meter z verliere oder i 1. z schalte und mit em Vorderrad z kämpfe.

So richtig d Leischtig usspiele cha d K5 ersch so ab 180 würd ig säge; also nid unbedingt die Gschwindigkeit wo alli witzig finde uf dr Landstrass

Vor Landstrasseperformance här finde ig die alte R1-Motore so ziemlich s genialschte.

Z schnäll bisch so oder so immer, und ig stah irgendwie grundsätzlich mit de Speedlimits uf Kriegsfuess.... Drum hani fürd Strass nume no es 80Ps-Töffli

bösci: klar rupfts villicht bi dä gixxer unne use chli meh aber ich find das ehrlichgseit ehnder en negativpunkt... git villicht lüt denne gfallts, mich lats aber relativ chalt. muesch mr halt mol dini gäh zum probefahre