2 unfälle von angehörigen innerhalb 4 Wochen

    Ciao Zäme

    Ha grad en brecht gläse wägeme unfall. also do hani au öbis. MIs mami esch so 46gi (glaubs :winking_face: ) und het em april avo töfffahre. Ech ha zwar bes morn (hoffentli) au no s L aber ech fahre scho es johr.
    Mer send denn zäme go fahre...ech met mim dominator und sie met erem kawa er 6n...de esch sie ganz langsam gfahre und denn umgheit met de siite ufnesmürli. es het ehre wohl weh to aber nach 2 täg esch alles weder ok gsi. am 3. tag het sie am morge früeh mega schmerze gha, het sech öbergäh und esch churz bewusstlos worde - de hani s 144gi gholt. SIe het d reppi broche und dass send ehri folge gsi vom schmerz....sie esch halt keni 20 gi meh.

    Set 3 johr han ech etz en fründ wo ebefalls dominator fahrt. er het letscht donnstig en brutale unfall gha und esch met 120km/h uf de autobahn ine stehendi kollone grasslet und öber 2 autos gfloge..er het alles bewusst meterläbt und sech gottseidank uf die ling siite abgrollt. er het mega schwein gha, denn er het "nur" es 3fach brochnigs handglänk (wo operiert worde esch), fleischwunde, prellige, stuchige und schürfige. Si töff und s auto voredra hend e total schade.

    Morn hani mini prüefig ond be doch zemlich igschüchteret was eim so cha passiere. mech hets jo au scho mol ufe latz grüert wel mer eine de vortrett klaut het imne engpass...aber ergendwie mach ech mer glich meh gedanke jetz...

    Das lieht ide menschliche Natur, mush mal öberlegge, wenn mer jede Tag würdet vollständig bewusst läbe was chan passiere, würdet mer NÜT me chöne mache, du chash vumene flugzüg troffe werde wennd usem huus gosch und no vo 400000000 andere Sache, es chan dir quasi überall öbbis passiere.

    Es tuet mer leid wäg dene Unfäll, mir ish klar das do z zwiiifel ufchömed, aber ich denk die muemer eifach chli missachte susht hettmer a gar nüt meh spass..

    mer söll ja sis läbe läbe:)

    Listen to many, speak to few

    Das isch mir sicher bewusst...und ich fahre jo au wiiter, aber me gseht eifach wie schnell das öbis chan passiere - und ich würd bi gott s töfffahre nid freiwillig ufgäh. so lang ich no in gueter körperlicher verfassig bin und fähig en töff z länke isch sind d strosse nid sicher vor mer :smiling_face:

    Es bedüted mer sehr viel chönne zfahre (au weni ersch es johr dra bi) aber woni min sugi (gn125) han müesse wäg gäh hani wirklich träne vergosse - und dass isch weiss gott ke guete töff. eifach s gfühl dass mer es stück freiheit und läbe würd wäg gnoh wärde.....

    Guet simmer nümme sentimental - ech ha itz min domi und mache morn die prüefig und das hoffentli erfolgrich! :smiling_face:

    ich han met de aprilia af1 125 agfange ond es het mi einisch omgrüehrt! met minere r6 han zom glöck no ke onfall gha!

    met de 125 beni met 60 ofere hauptstr. gfahre ond ergend sones gottverfluechts ars****** esch useme siiteströssli ofd hauptstr. gfahre ond het em auto wo vor mer gfahre esch de vortritt gno! ond zwar so knapp vor ehm use dass das auto vor mer volle hahne id iise esch!

    ich natürli denn au ond i han vore ond hende eifach voll mösse brämse! mech hets vom töff gspickt (wells heck natürli id loft esch) ond het mi of die ander strossesiite grüehrt, also ben au paar meter gfloge ond denn hets mi ofe rögge knallt! han en dainese jacke met rögge panzer etc. agha, d jacke het emmer no d spure vom onfall min körper zom glöck nömme!

    guet mer esch au ned vell passiert! chnü esch rächt ufgschörft gsi ond ich han de fuess rächt prellt gha! also ich ben sovelli no weiss 2,3 woche omenandghomplet ond han chum chönne abstoh of dem fuess han no kröcke vom arzt becho gha ... jo of jedefall wenn det grad es auto entgäge gfahre wär häts 100% ned chönne halt scho nome wäge de reaktionsziit vo dem denn wäri jetzt äuä i de ewige jagdgründ!

    aber ebe dänke zemli vell töfffahrer händ so öppis scho erläbt ond i dänke au dass so zemli jede töff fahre sich dessen bewosst esch ebe dass töff fahre eigentlich andersch gförhlich esch aber wie du scho so schön gschrebe hesch ==> "ich würd bi gott s töfffahre nid freiwillig ufgäh. so lang ich no in gueter körperlicher verfassig bin und fähig en töff z länke isch sind d strosse nid sicher vor mer :-)"

    sprechsch glaubs us de seel vo alne liideschaftliche töfffahrer like me ond vell andere ;)!

    Bang Bang Bang :rock: :rock: :rock:

    da isch natürli nid guet, aber so wie du das schilderisch sinds selber gschuld gsi, sowas chan mer verhindere wenn mer vorsichtig fahrt und üebt üebt und nomal üebt...

    wäg de angst, es git 2 möglichkeite, entweder du läbsch wiiter, halt mitem risiko das au mal öppis chan passiere, oder du bschlüssisch di im cheller ih und hoffsch, dass di nächste 70 jahr kein jumbo uf eues huus abstürzt.

    ich säg mer immer, solangi kei chind han, gangi da risiko ih. bizli läbe mues scho sii....

    rally lugano: "du... wo sind mer da? - scheissegal, gib gaaaas!!!!!!!!"

    Hi Leute
    Wer sich über Sicherheit gedanken macht: geht mal im Januar in die Kantonalen Spitäler und schaut Euch die gebrochenen Beine an - da dürfte keiner sich mehr auf ne Skipiste trauen!

    Beim Moppedfahren fehlt nun mal jegliche Knautschzone und der Untergrund ist hart und rau - ein Absteiger wird hier schnell zum GAU, zumal viele Strecken mit Schlaglöchern, Kies und Leitplanken gespickt sind, welche doch mal zu Schweissausbrüchen führen können.

    Es ist halt immer ein abschätzen - wer Bedenken (oder gar Angst) hat mit dem Mopped zu fahren, der sollte es lieber bleiben lassen. Habe einige Kollegen welche nur noch Rennstrecke fahren, weil sie einfach zu oft von irgend welchen Autofahrern über den Haufen gefahren wurden (nicht gesehen :winking_face_with_tongue: - ich wäre für eine gesetzliche Überprüfungspflicht des Sehvermögens).

    Wenn ich die Wahl habe mit dem Motorrad oder mit dem Fahrrad über asphaltierte Strassen zu fahren, dann fahre ich dann doch lieber mit dem motorisierten Untersatz :grinning_squinting_face: - ein Abflug im Rennvelo-Dress ist auch mit kleiner Geschwindigkeit (wobei die Teile ja auch schon mal auf 50 Km/h kommen) ziemlich übel :face_with_rolling_eyes:

    Marc