Sälü zäme,
bi ja ou scho es Wili i däm Forum, obwohl ig nid immer viu schribe.
Het ja immer wieder es paar luschtigi Biträg derbi, entweder wöu si vo Selbschtbewusstsi nome so strotze oder eifach wöu informativ.
Ig ha mer ja für die Saison mau vorgno, meh uf dr Rennstrecki z`fahre aus uf dr Landstrasse. Ig ha mir Afang 2006 e 04er R1 poschtet u die när 15`000km hie umenang, Sardinie u i de Dolomite umetriebe. Erschtens bi ni immer e chli z`schnell ungerwegs gsi u de glich ha ni di R1 nie chönne usfahre. So ha mer de gseit, was wott ig mit em ne Töff wo ni im erschte Gang 150km/h cha fahre uf de Landstrasse. So hei mer de die R1 umbout:
Has zwar scho einisch hie postet, tue aber no mau ufschriebe was:
- vo progressive Gabelfedere uf linear mit Ölwechsel
- WP Federbei Competition
- Suter Antihüpfkupplig
- Akra Komplettalag
- Powercommander
- MR Fussraschte u Lenker
- Carbon Kevlarbdeckige für Kuppligs-,Lima- und Nockewelle dechu
- Rennverschalig
- Racingkühler
Uf das ache, hei mer das Gschoss mau im März in Cartagena usteschtet:
Isch enorm gsi, was di Umboute bracht hei. Grad im Punkt Fahrwerk isch einiges stabiler gsi. Kes pumpe vom Hingerrad meh, kes Itouche vo dr Gable. Süsch isch haut no nid so schnell gsi, es Ischiesse uf e Töff haut. Ha dert ou miner erschte Renne gfahre, isch eifach geil gsi. Ha zwar ke Bluemetopf gwunne, z`Adrenalin isch aber glich gstiege.
Zwüsch iche bi ig de no einisch mit em Plüss u Discovery the bike gsi, gloub im April. Isch meh aus entüschend gsi, isch i dr schnelle Gruppe aues angere aus flüssig gange. Das ha ni usem Jahr 06 angers i Erinerig gha. Schad, e chli usegschossnigs Geld...
Im Mai isch de zersch Mau Richtig Brünn, geil so ne richtigi Rennstrecki. Brünn isch de haut scho öppis vom geilschte, richtig flüssig u schnell. Leider hets de ou öppe e chli gschiffet, mir si aber glich gnue zum fahre cho. Bi dert leider ou i dr Instruktoregruppe agmäudet, isch chli müehsam gsi zum hingernachejoggle. Ha de glich no chli chönne ufdreie, e 2:21 isch de zur Beschtzyt worde. Das isch so ungeres Mittelmass...
Afangs Ougschte bi ni de Ledenon gfahre, wie geil isch de das. E asphaltierti Crosstrecki 
Isch würklech geil, het Spass gmacht. Dert isch numau würklech wichtig wie gfahre wird. Bi dert 3 Tag mit dr R1 gfahre, het e 1:36 aus beschti Rundezyt usegluegt. Für 1 Turn ha ni em Brüetsch sini 675er Daytona gno. Isch gopferdelli wie nes Velo unger em Arsch, dr Kurvespeed wo de chasch fahre isch hammer. Bi de lediglech 3 sec. lengsemer gsi u das nach 1 Turn. Es söu es Erlebniss si, wo no Folge wird ha...
Mitti Ougschte si mer de zum Lausitz gfahre. Für mi isch es de kurzi Sach gsi. Dr erscht Turn nid chönne fahre, wöu Kühlwasssrdechu nid ganz zuegschrubt u gseicht. Im 2. Turn nach 8 Runde uf dr Fresse gläge. Ha eine gjagt, eine wo mer z`Brünn hei kenneglehrt u immer öppe 1 sec schneller. Genau z`Richtige um schneller z`werde. Bi dere Links vor dr Apcoa Kurve hei mer e chli witer usdüre müesse, wöu eine i dr Kurve steit. Auso witer ushole um spitzer iche. Dä vor mir isch de übers Vorderedli abgstiege u vor mir düre, ha überbremst u ou übers Vorderedli is Grass. Het mir nid viu gmacht, leider het aber es Kühlwasserröhrli gseicht u aui Kleb, Verschweissversüech fehlgschlage. Wurum dä seich us Plastik muess si. weiss ig ou nid. Süsch het mir dä Lausitzring nid so gfaue, het es paar schöni Stelle drin, aber ou es paar Spassbremse.
Nachdem mer de dr Töff ume gflickt hei, bi ni de im September nomau Brünn gfahre. Leider ou wieder e Vormittag Rege, süsch chaut. Si höchstens mau 15 Grad gsi, eher chäuter. Die Bilder vo dene Reifeleichene si grausam gsi, ou bi mir isch 1 Satz Metzteler Racetech K2 nach 1 Tag düre gsi. Bi de uf Bridgestone YCY u Dunlop 758 umgstiege u die heis de ou gha. Hingerdri ha ni de vom mim Mech (isch mau SM gfahre) erfahre, das me bi chaute Asphalttemp. eher weicher söu mache. Heisst nid, weichi Pneu sonder Druckstufe mau 2 Klick ufmache. He nu, im Renne ha ni Startplatz 13 gha. Am Start gloub ig 1 Platz verlore, derfür 2 gschänkt wääge Usfall. Also ha mi mau fürekämpft ufe 10. I dr letschte Rundi versueche ig no dr 9. izhole, het ou klappt aber nome für öppe 3 Kurve. Inere rechts, Kurve hängt nach usse abe, ha ni zviu usebeschleunigt, z`Hingerredli isch mer abgschmieret. Auso scho wieder im Kies 
Wenigstens het no e 2:17 aus Beschtzyt usegluegt.
Schade a mir nid schlimmer aus vorher u Sturzteili am Töff. Ig ha am ganze Event e chli a mir g`haderet, bremse immer no z`früech u zwenig knackig. Bremse zwar scho i Kurve iche, nimme aber zweni Speed mit u muess so meh Usebeschleunige.
Es Videöli vo dr Katastrophe gits hie, schlechti Qualität da vo youtube apasst:
Auso ha ni mir mau wieder Gedanke gmacht u di Biudli vo Ledenon si wieder obsi cho. Agfange mit Brainfurt het sech de immer meh usekristalisiert, das ig es gschider mit ere 6er probiere u de när wieder uf 1000er umstiege. Quassi miner Lehrjahr uf dr 6er mache u das dert glehrte uf dr 100oer besser cha umsetzte. Das hie isch mer de zum Verhängniss worde u ha poschtet:
Isch eini vom Cup 07 u isch scho umbout:
- Gilles Fussraschte u Lenker
- Carbon Kevlarabdeckige u Carbonrahmeschützer
- Öhlinsfederbei u Gableumbou Öhlins
- BOS Komplettalag
- TTSL Verschalig
Ha ni im Dütsche müesse go hole u natürlech ou no verzolle. Dr Staat het de ou no chli öppis vo mim Ersparte u gängelete wöue. Na ja isch e Gschicht für sich...
Itz steits si bi mim Mech, für ne Powercommander resp. Leistigsprüefstang. Wird de ou no grad uf Schäde ungersuecht, wo ig villech nid gseh ha.
Leider muess ig mini englischi Fründinn verchoufe, ha eifach ke Zyt me für Sie:
Somit isch Landstrasse für mi gstorbe, entweder oder. Ha ke Luscht meh mi da go ufzrege wäge irgendwelche 20km/h zviu oder nid oder zueparkti schöni Töffstreckine.
Afangs November geits de afa Mau nach Misano, go 6er usprobiere 
So, we dr bis da häre sit cho, isch ja doch nid z`läng oder z`längwilig gsi.
Ig wünsche euch e hiube
