Almeria 28.-31.12.2007

    Hei Jungs und Mädels


    mir wei zwüsche Wiehnachte bis Neujahr uf d Strecki chli go heize.


    Jetz hätte mir d Möglichkeit es grosses Wohnmobil z miete, wo 7-8 Lüt Platz hätte. Das heisst es hätte 8 Töffe Platz, es het 8 Bette, es het Küche; ergo brücht mer ou kei Box.


    Bis jetz si mer aber nume 3 Lüt uf sicher, was natürlich kei Sinn macht.


    Wär hät also Zit und Luscht, sech es paar Tag heize im sunnige Spanie z gönne?


    Im Mototreff gits usfüehrlichi Infos.

    hou... selli mal frage öbs für mich es schöns wienachtsgschenkli gitt? :grinning_squinting_face:


    währ ja sicher zgeil... aber denke das wird nix für mich sii... obwohl ich hett ja na 2 sätz semislicks zum fahre, die werded au ned besser mit em alter....


    aber blüemli... was isch den das für en palast uf redli wenn 8 töffe und 8 bett det drinn platz hend?

    Bremsen ist die Umwandlung hochwertiger Geschwindigkeit in sinnlose Wärme. :pinch:

    tönt gar nid mal so leid... chume aber nur mit wenn dä maini min leidensgenosse au mitchunnt und sich es wiehnachtsgschänkli gönnt :winking_face:

    Cry mich ein river ! :ugly2:

    Also Mädels


    ig cha em Maini ou grad hie uf si PN antworte...


    Also so wie ig dr Flisi verstande ha, si das die komplette Reisekoste; sprich mit Diesel und Autobahngebühre. Jedoch pro Person, wohlgemerkt.


    Derfür brücht me kei Box, wöu d Box grad integriert wär :winking_face:


    So wie ig das verstande ha, müest das es grosses Wohnmobil si mit Hänger für d Töffe. Das heisst, das me sich vermuetlich bim Fahre würd ablöse und anderi chönnte penne oder was ou immer.


    Fürs abe fahre müest me natürlich en komplette Tag rächne. Iglade würd vorussichtlich bim Flisi deheim, sprich Maisprach BL.


    S geit halt jetz ou mal drum, z luege ob Lüt do wär wo interessiert si, und denn allefalls ou en feschti Zuesag chöi mache.


    Bi dene Choschte no nid derbi isch natürlich die ganze Fressalie, Trinke, Bänzin füre Töff, Pneu etc.


    Witer isch dä Trip so wies usgeht eher für Lüt wo scho wüsse, wo dr Has im Pfäffer liegt. Sprich Lüt mit scho einiger Rennstreckeerfahrig.

    das isch ebe die frag woni mer au na gstellt han... wenn isch mer de haas im pfäffer? denke das isch den dert scho grad e chli e fortgschritteneri gruppe als bi de hostettler events oder evt bim cornu...


    aber wo lernt mer am meischte... bi de bessere natürli;)

    Bremsen ist die Umwandlung hochwertiger Geschwindigkeit in sinnlose Wärme. :pinch:

    Klar lernt me vo dene wos besser chöi.


    Nume sött me sich de nid überschätze, s git vieli wo s erscht Mal uf d Strecki gö, und meine si chöne de grad vorne mitfahre.


    Was ig eigentlich wett säge, s isch niemertem gholfe wenns innerhalb vor Gruppe Differänze vo 30sek git.
    Ig ha letscht Jahr in Barcelona ir langsame Gruppe Lüt gseh, sorry aber do würd mir no uf dr Strass ds Gsicht ischlafe. Die si de oftmals gstresst, wöu si ständig links und rächts überholt wärde und die andere si gnärvt ab dene Wanderboustelle.


    Also en gwüssi Rennstreckeerfahrig und en gwüsse Grundspeed sött eifach vorhande si.


    Wies bi dene Cornu- und Yamahatrainings ablouft weis ig nid, drum cha ig ou keini Vergliche zieh.

    maini: also so langsam simmer jez au wieder nid underwägs... bis jez simmer emmel immer bi dä schnellschte debiii gsi. i überschätze mi jez nid und säge ich chönn mit jedem mithebe aber für de event wird das locker länge wenn mir ir längsämschte gruppe startet... unterschätz dich doch nid immer :winking_face:


    also ich het durchus interessi mitzcho. s'gäld und d'ferie zu dere ziit hetti ohni problem...


    edit: han mal glueged was so für temperature sind im dezember z'almeria... 14 grad lufttemperatur....wenn d'sunne schiiint geit das wahrschinli no :smiling_face:

    Cry mich ein river ! :ugly2:

    Einmal editiert, zuletzt von Hypi ()

    Han mir das au überleit gha, wär hammer gsi... aber ich bin "leider" vom 27. - 10. Januar in Kanada am boardä. :smiling_face:

    RACING IS LIFE...ANYTHING THAT HAPPENS BEFOR OR AFTER... IS JUST WAITING