Mis erschte mal uf de Rennstrecki (video inside)

Naja, Rennstrecki isch chli übertribe...

Han am Mittwuch ganz spontan zuegseit für es "Kurveintensivtraining" und bin no am gliiche Tag uf Frankriich gfahre. D Strecki isch e Kartbahn gsii, öppe 1.2km lang. Das heisst 2. Gang inetue und nüme useneh. Meh als 120 uf de Zielgrade liit eh nöd dine.
2 Täg lang bini dete rundumegfätzt . Stürz hets eigentlich keini geh usserd dass es de Instruktor no vorem erschte Turn bi de Erkundigsrundi (vor de erschte Kurve überhaupt) ufd Frässe gleit het (Neui Pneu, eis Grad Temperatur und öppe drü Grad Schräglag ). Folge: Schlüsselbeibruch.

Ich wür gern en guete und witzige Bricht schriibe aber ich glaube für das hani keis Talent .
Stattdesse hani eifach es Video gmacht .

Klick mich

D Pneu sind halt im Moment no chli scheisse zum fahre, will mier de ganzi Dräcksgummiabrieb vo de Karts uufgläse hend. Muesi zerscht mal wider süüferli abraschple uf de Strass.

Isch alles in allem meegageil gsii und für mich sicher ned s letschte Mal uf de Rennstrecki (s nächschte Mal denn echli öppis grössers).

Greetz Boo

Zitat

Original von Hypi
wär für mich nüt... ich wott au mal chli gas gäh und schnelli kurvene fahre. aber für s'erschte mal isch so e strecki sicher nid schlecht.

Jo chani scho verstah, s nächscht mal gani sicher au uf e grösseri Strecki. Aber wenigschtens bruchts für sone chliini kei Rennreife, en Power tuets locker. Und s isch ja au es Kurvetraining gsii und keis Renntraining.

D Karts (ämel de mit de Akrapovicaalag) sind übrigens öppe 15-20 Sekunde schnäller gsii pro Rundi