Knee Slider

raschte schliefe isch bir gixxer nüd so e sach.

denn die sind verstellbar und i de tüfschte position chömed die no schnell mal uf de bode. wenn mer sie aber inere normale oder höche position het denn vergiss das. de fuess isch mögli, wennd halt nüd schön mit de spitze uf de raschte stahsch.

und das schräg agschliffne hani bi de erschte versüech au gha. das chunt devo, dass eifach umsverrecke wotsch s chnü uf de bode bringe und denn eifach bi wenig schräglag möglichscht wiit vom töff hangsch. zudem chas au andere falsche position ligge. chasch d schliifer mal chli wiiter unde montiere. denn passts vielicht au scho besser.

jungeeee, hör uf das uf öffentliche strasse z'üebe...jez bisch ja mal abbecho aber heb dr dä de rescht für d'RS uf!

dass du nur de egge abschliffsch lit a mangelnder schräglag. du strecksch s'chnü meh use nur zum an bode abe cho... aber wennt jez au no versuechsch die sieche horizontal abzschliffe muesi am blüemli rächt gäh...dänn chasch dr wahrschinli bald mal en neue töff sueche vor allem wennt so züg ohni rennslicks oder zumindescht semi slicks usprobiersch

Easy greeny, nimms nid persönlich. Aber öppert wo ez scho es zweitmol so schier unglaublichi Sache useloht de muesme eifach blöd aazünde. Sowiso weme so schriibt, dasme als Leser fasch mues es Gfühl ha me isch en Profi. Das muesme nämli sii zum e Gixxer nur annähernd ad Limite zbringe. Und du mit diner vermuetli nid allzu grosse Erfahrig bringsch das nur ane wennt es absoluts Uusnahmetalent bisch. Vilicht bisch das jo, denn würki grosse Respekt! Aber denn würder empfehle ufde RS go fahre und hoffe, dass dich dött öppert entdeckt wo dich im Rennsport cha fördere

Ganz ehrlich, ich ha das Talent nid. Ich bi öfters gröber ufd Fresse gheit wili immer möglichscht schnell ha wele sii, unbedingt dRaschte an Bode bringe und Angschträndli am Vorderpneu wägfahre. Hät es Ziitli brucht bisi gmerkt ha, dass Schnelligkeit erschtens Erfahrigssach und e Froog vode Risikobereitschaft isch und zweitens ufde Stross sehr relativ isch. Me gseht nur ufde Rennstrecki öb öppert würki guet cha fahre. Ufde Stross fanget dLüüt a Kurve schniide und ufde Graade Gas ge, nur zum zeige dass chönd schnell si. Aber das hät ja denn nüm vill mit Fahrspass ztue.

Zitat

Original von greenvr6
..aber ebä, ich weiss ja nanig wo s limit isch..

De Haage isch, das ersch würklich weisch wos Limit isch wenns überschritte häsch und das isch sälbscht uf de Rännstrecki nöd so luschtig. Uf de Strass häsch s'Problem dases en huufe Iiflüss git wo nöd beiflusse chasch, wo aber wesentlich zumene zimmli schnälle Abläbe biiträged.
Uf de Strecki häsch me Reserve und chasch wenn di Verbrämsisch au mal en wiitere Boge fahre ohni das grad ame Auto chläbsch oder im Schwarzwald im Bachbett une liisch.

Mir händ zwei Tag Rännstrecki me bracht wie alles woni je uf de Strass probiert han. Mer chan sich voll ufs Fahre konsentriere, dreit en huufe Runde und chan sich schön langsam dra heretaschte und spersönliche Limit wiiter schiebe.
Uf min Fahrstil uf de Strass häts eher wenig iifluss gha (mal vom höchere "Chopf-Limit" wenns knapp wird) willi döte teilwiis fasch scho bitz überforsichtig fahre. Wott eifach nöd blind mit 120 ine Kurve inefahre wenni nöd weis öb nöd en Traktor dötestaht oder irgendeine iibüügt, da hani echt gnueg Situatione erläbt wos knapp gsii isch. Miner Meinig na hanget schnäll fahre uf de Strass letschtlich praktisch nur vode Risikobereitschaft ab.

Green:

Mier müend unbedingt mal zäme go fahre. Ich han i Fore scho zig Lüüt kenneglernt wo genau so gredet hend wie du. Irgendwie chumi immer höllisch Respekt über wenni sowas läse, will ich mich sälber ned als so guet iischätze. Aber uf de erschte gmeinsame uusfahrt het sich bis jetzt immer usegstellt dass die eifach vill besser chönd schnure als fahre. Nöd dass die nöd schnäll oder schräg chönd fahre, aber GUET fahre isch no chli öppis anders.
Das söll nöd heisse, dass ich dich für en bluffer halte. Aber ebe es git vili wo ihri Fähigkeite masslos überschätzed.

Und jetzt zum chnüüschliifer. Ich bin au nöd de gröscht und miini Schliifer sind meh oder weniger flach aagschliffe (natürlich (fascht) nie uf öffentliche Strasse). Isch e frag vo de technik, de Form vom Schliifer und vo de Schräglag. Wemmer unbedingt wott bringt mer s chnüü schnäll an Bode und wemmers denn no fescht anedruckt sind d Schliifer au bald dure. Ich bin jetzt 2 Täg uf ere Kartbahn gsii und dete hani s chnüü au fasch permanent uf em Bode gha, aber d Chnüüschliifer gsehnd no zimli bruchbar uus.

Und zu de Schräglag: die eleige macht dich au nöd schnäll gell. Bin uf dere kartbahn ere R1 naagfahre. De siech isch sicher dütlich schräger gfahre als iich, trotzdem isch er doch dütlich langsamer gsii als iich.
S wichtigschte isch dass d Linie stimmt und dass mer rund fahrt. Denn isch nämli au s chnüüschliife vill liechter.

I gloub du hesch eifach ä super Schlifmaschine... die cha chnöischlifer genau so guät aschlife wie Fuessraschter

Spike, bisch nächschz Jahr mau am Start uf der Strecki?

Pollito, hööör uf... dein ruf eilt dir voraus! Du chasch wini ghört ha guät fahre! Ämu wasi vor beulen-bandit ghört ha! hehe

Ah ja no appropo churzi bei, i bi 174 und ha ou z churzi bei für mi körper ha d schlifer aber ou mit der 125ccm uf der strass grad abgschliffe... ja ja.... das waren noch zeiten... Uf der Strass mitem 125ccm... da gäbts mängs luschtigs gschichtli...

Zitat

Original von Porter
Spike, bisch nächschz Jahr mau am Start uf der Strecki?

Ich hoffes ja. Im Novämber hani sStudium fertig und wenni en Job finde söttis vode Finanze her dänn wider lange.

Green: ja die fötteli sind eigentlich nüt a schräglag willi i dere kurve nie würkli gross abe bin ;)... isch au nur uf anneau gsi und s'erschtmal uf dr strecki aber anyway... z'lédenon hani erläbt wo s'limit vo dr R1 isch mit semi slicks und bin voll ufe sack gheit wäge dem waghalsige fahre
und jo, du weisch erscht wos limit vom töff und vo dir isch wenns di ufe sack haut i hoff eifach für dich du wirsch das uf dr RS erfahre und nid uf dr strass wo einiges schlimmeri verletzige entstönd

Also ich haltä mich kurz...
Spill chli mit dä Position vo dä Schlifer und den gsehsch wenn das er obpitmal abgnutzt wird und wenns uf einärä sitä dunä sind dreien aifach um!
Kauf dir kei Magnesium ihsätz!!! Isch extrem beschissä han hinder so eim müäsä nohfahrä.

Zum raster, bi mir ischäd dä Gangschalter wo ahchunt, muäs mol luägä was ich döt chönt machä.