Klina Sturz....

    So i meld mi au wieder mol.. :smiling_face:

    Han mini Ameldig für dia praktisch Prüafig grad am Donschtig abgschickt... uiui, und was passiart miar am Donschtig Obig?

    Bin im Fahrsicherheitszentrum gsi (Driving-Graubünden,git a tolli Websita), kli über Schleuderplatta gu fahra und kli Kurva gu fetza...Naja, han uf dia linka Kurva ufpasst, wili immer wieder mitem Uspuff am Boda gschliffet han.. :grinning_squinting_face: Aber rechts hani mi meh gwoogt und tja, isch denn halt ds viel gsi....... Inera enga Kurva ds viel inaglega und schwups bini am Boda grutscht und han gar nit recht gschnallt, was passiart isch..

    Mini Hosa sind total futsch gsi, miar hets zum Glück nüt gmacht.gester kli ghumplet, mini Zicka ischmer jo au voll uf da Knöchel gfloga.. aber jetzt alles wieder palleti und apaar blaui Flecka als Erinnerig... :winking_face:

    Minem Baby hets nit viel gmacht, rechti Blinker kaputt, baidi Bremsena kli verboga, halt apaar Krätz uf dr rechta Siita und jo, das wärs au scho gsi.. Nomol glück kah..;)

    Naja,i gsehns Positiv: liaber döt dr ersti Sturz erleba als uf dr Stross! :winking_face:

    So das wärs vu miar gsi... ez hoffi, dasi mini Zicka wieder ds richta kuma zum nokli gu slalom üaba, bevors denn au and Prüafig goht.. *zitter-zitter*

    ~~ Genieß dein Leben in vollen Zügen! In deinem nächsten könntest du ein Mann sein!! ~~

    jo das isch sones chlises stürzli wo wahrschinli jede mal erläbt :smiling_face: dir isch öbbe s'gliche passiert wie mir uf dr strecki nur han ich en einiges höchers tempo druf gha :smiling_face: und es chlises stückli vo mim fuesschnoche abgsplittered :winking_face:

    take care bim nächschte mal!! :grinning_squinting_face:

    Cry mich ein river ! :ugly2:

    Einmal editiert, zuletzt von Hypi (15. September 2007 22:24)

    jo isch würkli no glimpflich usganga, do drüber bini sehr froh..! Aber jo, wia du scho saisch, das muass wohl jeda Töff-Fahrer/in mol erlebt ha... *smile*

    ~~ Genieß dein Leben in vollen Zügen! In deinem nächsten könntest du ein Mann sein!! ~~

    hehe, i han am letshte mittwuch abig au mich überschätzt und han d brems kontinuirlich feshter drückt obwohl i weiss das das tödlich isch binere vollbrems und schwups bini senkrecht zum bode gsi und denn zum glück ufd siite abe:D töff hets nix gmacht da sturzpads und mir au nix


    passiert halt no recht schnell;) besser ufpasse!

    Listen to many, speak to few