Umstige uf A, wenn was?

    Also i ha mini A1 Prüefig am 2.7.2002 bestange. Und wet logischerwiis am 2.7.2004 grad sofort chönne afa fahre, nume weisi grad nid so was ig wenn mues mache.

    I ha dr grösser Töff ja scho, plus e Fahrzüguswis vomne angere Kanton wo mit "annulliert" abgstemplet isch. Mini Mito isch bis Endi Jahr versicheret, und für d Ducati weti d Versicherigsgsellschaft wechsle. I ha no dr alt Fahruswis, auso dr gross Blau.

    Muesi itz dr Uswis für d Ducati scho vorher verlange? Oder macht das d Versicherig? Chani z Numero bhaute und eifach umschrube wes so wit isch? Wenn muesi dr Lehrfahruswis bsteue?

    Ha irgendwie nid so dr Überblick :confused_face:

    Zwei Dinge sind unendlich: Das Universum und die menschliche Dummheit. Nur bei dem Universum bin ich mir noch nicht so ganz sicher. (Albert Einstein)

    Weiss niemer öpis? Oder gits e Internetsite wo eim chli würd ufkläre über so Ilöse/Versicherig etc?

    Zwei Dinge sind unendlich: Das Universum und die menschliche Dummheit. Nur bei dem Universum bin ich mir noch nicht so ganz sicher. (Albert Einstein)

    Also zum Versicherigsproblem würi eifach mal de Versicherig aalüte :).

    Das mitem Lernfahruswiis isch glich wie bim Auto dänki mal. Mun dänn nögschtens au mal no s'Stva kontaktiere wott das jetzt au mal richtig wüsse.

    "Ich glaub wemer aständig fahred fallts glaub nöd so uuf oder?" (Zitat: V|rus zum Yoshimura RS3)

    Zitat

    Original von Milhouse
    I ha dr grösser Töff ja scho, plus e Fahrzüguswis vomne angere Kanton wo mit "annulliert" abgstemplet isch. Mini Mito isch bis Endi Jahr versicheret, und für d Ducati weti d Versicherigsgsellschaft wechsle. I ha no dr alt Fahruswis, auso dr gross Blau.

    Muesi itz dr Uswis für d Ducati scho vorher verlange? Oder macht das d Versicherig? Chani z Numero bhaute und eifach umschrube wes so wit isch? Wenn muesi dr Lehrfahruswis bsteue?

    Damit de Töff chasch ilöse, muesch en Versicherigsnochwis ha. De chunsch (wer chunt druf?) vo de Versicherig über.
    Wenn'd chli en gschide Versicherigsheini hesch goht de grad selber uf's Strosseverchersamt und löst de Töff i wenn du kei Zit hesch.

    Zum ilöse bruchsch wie gseit de Versicherigsnochwis plus de usgstempleti Fzg-Uswis, denn isch da uf em Stva e Sach vo 5 Minute (+ 45 Minute astoh :grinning_squinting_face: ).

    I ha d'125er und die grossi mit Wechselnummere gha . Sprich beid Töff gönd uf di glich Nummere, zahle tusch glaub nur die türer Versicherig/Strossestühr plus e Wechselschildpauschale.
    Denn chasch d'125er eifach uslöse wenn si mol verchaufsch, und d Wechselnummere wird wieder zu ere "normale".

    Öb da aber au goht wenn de einti Töff bi Versicherig A und de ander bi Versicherig B hesch weiss i nöd, do muesch d'Versicherig froge...

    Edit: De Töff chasch natürli scho ilöse, bevor de Uswis hesch. Nur fahre törfsch halt nöd :loudly_crying_face:

    Gruess

    Zitat

    Original von Wildcard

    Edit: De Töff chasch natürli scho ilöse, bevor de Uswis hesch. Nur fahre törfsch halt nöd :loudly_crying_face:

    Aha OK, das isch eigetlech die entscheidendi Frag gsi! Merci viu mau für d Hilf, itz weisi gloub öpe wienis mues mache. I verchoufe dr 125er eh vorher, de chani eifach d Versicherig künde und speter e neui löse :grinning_squinting_face:

    Zwei Dinge sind unendlich: Das Universum und die menschliche Dummheit. Nur bei dem Universum bin ich mir noch nicht so ganz sicher. (Albert Einstein)

    zitat :

    ....... verchoufe dr 125er eh vorher, de chani eifach d Versicherig künde und speter e neui löse :grinning_squinting_face:

    zitat ende !!

    da i ja bir winterthur-versicherig mini lehr mache, chani dir da schüsch mal öppis rate ...... :

    eifach uf e agentur i dire nöchi ga, beidi Fhz-uswiise mitnäh und dört ds problem schilderä !!

    die wärde dir när säge dass das keis problem isch, wüll me eifach e fhz-wächsel cha mache !! d.h. du bhaltisch dis nummero, chunnt aber eifach e neui maschine dra !! :grinning_squinting_face:

    hoffe du weisch wasi meine

    Han au no e Frag...

    Ich han mini A1 nach de neue Regelig gmacht, das heisst ohni praktischi Prüefig.
    Wänn ich jetzt die Praktisch wür nahhole, chan ich dänn nach 2 Jahr A mache?? :confused_face:

    <center>Wenn eine Frau fünf Minuten nichts sagt, ist es an der Zeit Wiederbelebungsmassnahmen zu ergreifen.

    am beste machsch itze A beschränkt !! das heisst em maschine mit über 125 ccm aber nume 25 kw !!!!

    wenn de die prüefig hesch, de chasch nach 2 jahr ids A uufstige !!!

    aber i dene 2 jahr chasch die blombierig eh usenäh, wüll das tüesi eh nid prüefe, äs mues eifach im uswiis stah !!! hoffe weisch wasi meine :winking_face:

    Ja, das weissi scho.... aber ich han kei stutz für en neue (oder halt occasion) Töff, und mini DT wett ich eh nöd verchaufe! Han mich i de Töff verliebt, :grinning_squinting_face: und scho z'vill Gäld drih gsteckt! :face_with_tongue:

    <center>Wenn eine Frau fünf Minuten nichts sagt, ist es an der Zeit Wiederbelebungsmassnahmen zu ergreifen.

    ahhh ok !! de hani di falsch verstande !!! ja i liebe mini "valetina" o, aber gäge ne honda CBR 600 RR k3 würdi se gloub scho häre gä..... :grinning_squinting_face::grinning_squinting_face:

    Zitat

    Original von Scooby
    Ich han mini A1 nach de neue Regelig gmacht, das heisst ohni praktischi Prüefig.
    Wänn ich jetzt die Praktisch wür nahhole, chan ich dänn nach 2 Jahr A mache?? :confused_face:

    Wenn de A1 nach de alte Regelig gmacht hesch, chasch nach 2 Johr de A (unbeschränkt mache).

    Wenn en nach de neue Regelig gmacht hesch, isch er "nüt" wert. Denn chunsch nur via A beschränkt uf A.

    Zitat

    Original von Wildcard

    Wenn de A1 nach de alte Regelig gmacht hesch, chasch nach 2 Johr de A (unbeschränkt mache).

    Wenn en nach de neue Regelig gmacht hesch, isch er "nüt" wert. Denn chunsch nur via A beschränkt uf A.

    Hmm i ha grad z Formular vor mir. Da steit aber nüt vor alte Regelig, sondern eifach nume dass me entweder 25i mues si oder 2 Jahr mit A beschränkt gfahre si! :confused_face:

    U muesi itze e neue Sehtest mache obwohl ig Kategorie B scho ha? Und was zum Tüfu isch "Einwohnerkontrolle"? :confused_face:

    Zwei Dinge sind unendlich: Das Universum und die menschliche Dummheit. Nur bei dem Universum bin ich mir noch nicht so ganz sicher. (Albert Einstein)

    also. du hesch doch pröfig vor de neue regelig gmacht. oder? de hesch du jetzte a beschränkt.

    Triumph - Egal ob Unterwäsche oder Motorrad :engel:

    Jo hani. Aber i ha mi Uswis nie igschickt zum Umwandle, hani itze trotzdem A beschränkt?

    Zwei Dinge sind unendlich: Das Universum und die menschliche Dummheit. Nur bei dem Universum bin ich mir noch nicht so ganz sicher. (Albert Einstein)

    Milhouse: Wenn d' 125er Prüefig mit de alte Regelig gmacht hesch, gilt d'Zweijohresregelig genau glich wie wenn jetzt d'A Beschränkt machsch.

    De Toretto hett das genau so gmacht (125er nach altem System, 2 Johr gwartet, grossi Prüefig nach neuem System gmacht).

    Solang de Füehrerschi nöd umträge losch, dörfsch no kei 25kW Töff fahre.

    Einwohnerkontrolle: Muesch uf'd Gmeind go und det säge dass do die Bestätigung bruchsch für de Füehreruswis. Die hacked's denn glaubs grad uf's Formular ue. Chostet bi üs 5 Stutz :smiling_face:

    De Sehtest muesch sowit ich weis nomol mache. Frogsch am beste bim Strosseverchersamt, aber ich glaub de isch nur irgendwie 6 Monet gültig oder so...