Chrankebsuech?!

I mue da Kortison neh, wels die bescht Therapie isch. Klar ischs nid guet, aber wenn i chan wähle zwüschet Kortison und defür wider chan halbwegs laufe, isch klar dass i mini Bei halt wider wet chöne bruche und nid uf de Rollstuehl agwise sii.

Und ja, es isch jetzt definitiv, wet au gar keis Gheimnis drus mache, dass i demit wird möse läbe dass i MS han. Wie sich d'Chrankheit wird verhalte i de Zuekunft weiss me nid, chönd mer au d'Ärzt nid säge, das wird i möse erlebe.

I hoff natürli, dass niemeh sonen Schub wird cho, dass i nüme chan laufe und so.

Aber we gseit, da mues i eifach warte und hoffe, dass es guet chunt.

Momentan bin i no im Spital, aber wenn nüt dezwüschet chunt sött i morn hei chöne.

Und tja, i bi deswege glich no die glich gstört Nues, ob i jetzt MS han oder nid

Für die wo nid wüssed was MS isch: Multiple Sklerose

Zitat

Original von coolmiligirl
Hey chicca

und lebt de töff na??
hesch s chugellager scho gwechslet??

hey tuesch mer meega leid, chum di gern wieder mol go bsueche!!

gaaaaanz dicke gnudddeeelll

ha di meeeega gern!!

Radlager meinsch
Ne, isch noni gmacht, ha kei Werkzüüg gfunde im Spital ussert minere Nagelfiile

Jo die Chirurge, hend jo eh nie Ziit
Mit em Zahbürsteli chönt is no versueche.

Zum Hüpfe ischs no z'früeh, chan langsam wieder uf eigne Bei stoh, aber zum laufe bruch i glich no Hilf, aso zumindest en Stock, de Christbaum oder susch was, weli mine Bei eifach noni chan vertraue.

A derä Stell no es herzlichs Danke a alli, wo mi da i derä Situation so understützed. I denke, die woni meine wüsseds au, wer gmeint isch.

Und au wenn i ab morn dehei bin, hock i glich nur dehei ume, aso dörf me mi au dehei go bsueche cho

Hm, het am Sunntig noch de Usfahrt agfange, dass mir am Obe d'Bei weh ta hend und sich agfühlt hend, we wenns e Tonner schwer wäred. Ha zersch gmeint seg halt vom viele Fahre oder so.

Mäntig bin i no normal go schaffe, mit em Verdacht halt uf Muskelkater oder sowas. Ha den scho gmerkt gha, dass grad so bim Stege ufelaufe i extrem Müeh gha han und au mol abegfloge bin.

Den bin i am Zischtig eifach mol zum Huusarzt, de het mi grad zunere Neurologin wiitergschickt, und die het mi den für am Mittwuch is MRI (aso id Röhre) agmeldet. Bis det ane han i kei Ahnig gha was het chöne los si. Vom Mittwuch weg han i den gar nüme selber chöne laufe, also bin uf mini Stöck agwise gsi, und mängmol ischs nid mol meh mit dene würkli gange.

Die vom MRI hend mer eifach gseit, dass i im Ruggemark und im Hirn Entzündige heg, da han i mer eigetli noni all zu viel Gedanke gmacht, weli gar nid gwüsst han was es chönt si.

Den die Wuche am Mäntig halt wieder zu de Neurologin, den hends sone Ruggemarkpunktion gmacht und so Nerveflüssigkeit abzapft. Bis det ane han i no immer nix gwüsst, dass MS in Verdacht isch.

Also, ab in Spital am Zischtig, so tuusigi vo Untersüech, hends gmeint mit mim Herz seg no was nid in Ornig, also nomol tuusig Untersüech (isch aber alles i.O.) und chli warte, bis die blöde Ergebnis endli mol cho sind.

Has erscht fängs hüt morge gwüsst. Zwar scho am Zischtig abig erfahre, dass ebe Verdacht uf MS da isch, und jetzt isch es halt scho so...

Des weiteren dörf i mi no mit mim Cortison vergnüege, so spezieller Physiotherapie und viel Geduld.
Het gheisse, chön bis zume Johr go, bis i wieder völlig richtig chan laufe und wieder Chraft han i de Bei.

Das wärs öppe, und wenn Frage da sind, eifach fröge. Ha gneug Ziit

Ja ja, i realisiers au ersch langsam jetzt.

Wen ihr denked, i nimms so eifach, die tüsched sich. Im erschte Moment nimmt mes eifach noni wahr, aber je länger und umso meh i dra denke chumi Schiss über we nüt.

Vorallem so under d'Lüt z'go isch nid würkli eifach, also eifach de Weg is normale Läbe wider z'finde....

So ihr Liebe Lüt, mue mich da a dere Stell wohl mal wieder abmelde. Dörf wider chli id Ferie, mini Cortisoncocktails go gnüsse

Hööö ja, schöni Zit ohni mich, tönd doch d'Sunne dusse chli gnüsse für mich

Und wenns nid wieder so Lamas sind im Spital han i irgendwen vilicht au wieder en Internetaschluss bevor i hei chan, wer weiss