Wele Supercorsa wetsch denn druf tue?
S git dr normal Strasse-Supercorsa und denn gits no dä i de SC-Mischige.
wennd e sc mischig druf tuesch denn isch es sicher en rechte underschiid, well de pipo eifach zu heiss wird uf de strecki wenn grad au en schöne tag isch.
han leider selber die erfahrig müesse mache, dass sportreife wwie m3, pipo eifach nüd guet laufed uf de rennstrecki sobalds chli wärmer wird.
en sc mischig supercorsa, powerrace oder bt002 RAcing isch da sicher die besser wahl.
üfwärme muesch nüd unbedingt. besser isch es aber nüd nötig.
Dr einzig Vorteil vom Supercorsa ir SC-Mischig gägeüber em Slick ir gliche SC-Mischig, darfsch en uf dr Strass fertig fahre.
also zumindest im summer chunt de supercorsa au uf de strass gnueg uf temperatur.
frägsch mal de maini de isch de jetzte recht lang gfahre und so wie mer schiint het er nie problem demit gha. einzig wenns rägnet wäri vorsichtig.
Was kostet den so ehn satz?
Rein für d Strecki isch dr Slick aber immer no die besser Wahl, isch günschtiger und het länger.
Uf dr Strass hani mit em Supercorsa eigentlich keni Problem gha, usser dass mi Satz letscht Jahr uf dr R1 nach 1150 km Landstrass hin gsi isch 
also wend en semislick nimmsch, den würd ich dir de supercorsa empfehle... isch en guete allrounder für d'strecki und d'strass...
wie de bösci seit, hetts mich dunkt de supercorsa chunnt au uf de strass zimmli guet uf temperatur und bi mir hett er na zimmli lang ghebed... 2täg dijon, 1 tag anneau und den de rescht vo de saison na uf de strass chli gheizt.
z'ledenon hani ja de pilotrace druffe gha... de hett mi uf derennstrecki eigendlich au guet dunkt, aber bi dem hesch den würkli s'problem daser uf de landstrass zwenig warm wird und uf bitumestreife zimmli schnell rutscht.
ja und bi rege muen mer zimmlich gucke... hett halt scho cheibe wenig profil uf de siite 
Klar dr Pilot Race brucht bekanntlich Temperatur, aber das Ding isch ja ou scho alt.... Anders gsehts bim Pilot Power Race us, ungloublich wie schnäll das Ding krallt.
Derzue het är en besseri Loufleischtig als der Supercorsa.
Nume das mit dr Loufleischtig isch so en Sach, ig kenne Lüt die mache das Ding in Anneau im ne halbe Tag hin.
Das mit em Räge het mit em fählende Profil uf dr Site übrigens gar nüt ztüe. Uf dr R1 het dr Supercorsa i de SC-Mischige ou bim Gradusfahe uf nasse Strasse ständig düre dräit bim beschleunige. Das si halt einfach Rennmischige ohni Silika. Dr Supercorsa ohni SC-Kennig loht sich uf nasse Strasse no halbwägs bruchbar fahre.
Nid das mir öppis dürenand bringe, dr Pilot Power und Pilot Power Race sind zwöi verschiedeni paar Schueh.
Wenn dr Pilot Power Race scho druf gha hesch, weis ig nid ob mit em Supercorsa glücklich wirsch 
Alternativ gäbs ou no Bridgestone BT002 ir Rennmischig.
Dr Pilot Power Race gits i verschiedene Mischige: soft, Medium/soft, medium.
Da hei Medum und Medium/soft Vorderpneu a de Flanke en weicheri Mischig, hinde nume dr Medium.
Wieso dass dr Pilot Power Race für d Strecki nid söll empfohle wärde, isch mir es Rätsel.
Dr PiPo gits als 2ct wo a de Flanke en weicheri Mischig het.
