600ccm, cbr 600rr, R6 oder doch die Ninja?

die neuschte baujahr oder welli meinsch?

es sind alli glich

glich schnelll glich schwär und glich guet. isch also rein en designfrag.

chasch der au en alti 600er chaufe und glich allne um d ohre fahre, chund nur uf de fahrer drufah.

han sälber en GSX-R 600 K5 und bin sehr zfriede. aber wie scho gseid, hüt gids kei schlächti töff meh.

Gseh ni au so, isch reini Gschmackssach, hock eifach uf alli 3 druf, fahr Probe sowit es geit (25kw isch chli Problematisch) und chauf denn das wo der am beste passt.
Und Ja Gixxer wär natürli au öppis feins voralle K6 in schwarz find i.

Und BTW. hesch nit gseit du bruchisch üsi Hilf nit bim ussueche?!

CBR bini no nie gfahre, het aber anschiindne immer es bitzeli weniger Leischtig als die andere 600er, die neu isch allerdings wesentlich liechter.
Die alte Ninjas hend uneuse chli meh druck gha, wäge de 636ccm, die neui isch e mega drehorgle.
D GSX-R chasch uf de Landstrass no am beschte bruuche behaupt iich, aber ebe, s isch eh nur de Fahrer wo schlussendlich s Tempo bestimmt, d Unterschiid vo de Töff sind scho extrem gring.
Ach ja, d R6: wird vo mier boykottiert, zu extrem uf d Rennstrecki abgstimmt und für s Gäld vonere R6 chunnsch e GSX-R 750 plus en Satz Reife über .

Schlussendlich wird d Optik und dini Vorurteil entscheide.

jep ebe probefahre ond anahnd vo dem uswähle! well ofd leistig chonnts eh nömme drofa be söttige maschine vorallem well sie eh plus minus paar kilo ond paar PS genau glich leistigsstarch send!

Zitat

Original von Boo
CBR bini no nie gfahre, het aber anschiindne immer es bitzeli weniger Leischtig als die andere 600er, die neu isch allerdings wesentlich liechter.

D 06er CBR isch zum Teil schneller gsi im Test als d 06er R6, chunnt ufd Strecki a...
Und im Alltag merksch jetz aue die paar wenige PS.

ja het mer gmerkt well ere d leischtig i der mitti fählt. jedoch isch da die neu r6 no chli schlimmer.

aber uf de landstrass isch eineweg s drehmoment wichtiger und da hend alli recht wenig devo.

ich würd mer mal no d daytona 675 aluege. die druckt ganz nett für so en chline sportler.

ansuschte wie d vorredner gseit hend chunts bi de aktuelle modell uf din gschmack druf ah und wie guet du uf em töff sitze chasch. denn das sind wohl die gröschte unterschied.

ich chan zum biespiel uf ere CBR 600 RR keini 20km am stück fahre ohni dass mer d oberschenkel saumässig afanged weh tue.
bi de ninja gsehni d armature gar nöd well d schiibe dezwüsched isch und spieglet und d r6 isch mer au zu extrem.

d gixxer het mir am beschte passt drum isch es au die worde (600er k6)
leider isch s drehmoment aber nüd meh worde imene jahr drum hani müesse de motor chli ufblase

Zitat

Original von DonBosco
ja het mer gmerkt well ere d leischtig i der mitti fählt. jedoch isch da die neu r6 no chli schlimmer.

Ich ha vor 600RR gred im verglich zu de andere. Mir dünkt die einzig wo mer chli spürt das besser lauft im mittlere bereich isch d Kawa.

Wiä gseit, gangs go testä. Die neu RR vo Honda han ich huärrä geil gfundä, aber isch halt au gschmacksach...
Gixer fan bin ich sowiso, Kawa hät mir persöhnlich vo dä Sitzposition nöd passt und die neuscht R6 bin ich niä gfahrä, dä Bro. hät aber ä 03er gha und diä isch au ganz geil gsi. Daytona aber unbedingt au go fahrä wiä dä Bosco seit, isch äs super Bike!!