Lernfahrausweis weg

Zitat

Original von DtDriverAg
Salü zämä!

Bin au do neu im Forum wel ich Rat bruche oder Seelischi Unterstützig hehe. Eigentlich isch es ned zum lache aber de Sachverhalt.

Bin hüt en Kawa Zx-6r (25Kw) Version go miete. Natürlich grad uf de St.Urban wen da öper kennt und wele luege wie viel das Ding obeuse lauft. Es esch mer aber de scho mumelig worde und be bi 140 abem Gas weli na fasch dänkt ha das die Cheibe stönd. Jedefalls händs mi per laser mit 134Kmh blitz und witer fore grad usegno. Mit ehm Abzug vo 4Kmh beni also 50Kmh zschnell. De Lehrfaruswis hends mer emu grad wegno.

Etz mini Frag:

1. Da es es schwers Vergehe isch wie lang muessi warte besi ne weder überchome? 3Mönet oder länger?

2. Agno ich muess jetrzt 3Mönet warte i dere Ziit wär min Lehrfaruswis abglaufe weli ich de Kurs nanig bsuecht ha. Muessi de den Lehrfaruswis erneut bstelle und Theroie namal neu mache!?

Hoffe es kennt sich öper us oder het das au scho müesse erlebe und chan mer witerhelfe.

Merci vielmal und lönd eu ned verwütsche es isch trurig wen meh sech ned uf sini Maschine chan setze....

Alles anzeigen

zu punkt eis: i bi mir zwor nöd sicher, aber es werdet VIEL meh als 3 mönet si! und en saftige buess wirsch au no übercho...

punkt zwei: du muesch d'theorie so viel wie i weiss nöd nomol mache, muesch aber de lernfahruswies nomol chaufe (glaub 60.-)!

mfg
Asskicker©

ps: mis biileid häsch...

st.urban isch doch rächt bekannt für blitzer so wieni das amigs vernoh han....anyway....

i han gmeint du bechunnsch e 2 jahressperri für jeglichi lernfahruswiiis.

aber mal susch e frag, was würsch du mache, wenn du en offeni maschine hettisch und möchtisch s'gliche teschte??? wenn ich das uf schwizer strasse wür mache hätti wahrschinli dä fötzel für s'lebe lang weg

Ja ja dr St. Urban.... Die Strecki isch ja sooooo iladend, und das wüsse die Lüt mit de gstärkte Mütze äbe ou....

Mach di mal uf en längeri Zit als Fuessgänger gfasst.

ou shiit, jo do bisch äs wieli länger gsperrt als 3 mönet...wie lang gnau weissi nöd, aber han au mol was vo 2 johr venoh...

mies beileid, aber irgendwie selberschuld nöd?

jo ebe weller halt de lehrfahruswiis no het!

Jo das werd tüür ond lang nüd wärde met ech Check.

Zitat

Original von MichiR6
mies beileid, aber irgendwie selberschuld nöd?

Wot rächt hesch, hesch rächt.

vo ez a s gäld i gueti schueh investiere....

weiss ja nöd öbi das richtig verstande han, aber hesch du nume de lejrfahruswies und bisch sozäge s erscht mal richtig go töff fahre ussert vielicht es 50erli vorher und gahsch 1. grad e ninja go teschtfahre und 2. s erschte wo mer teschte mues isch de topspeed????

Wenn das so isch denn würd ich der de uswies wegnäh und denn mit 25wieder atrabe lah für es verchehrspsychologisches guetachte.

Tönt hert, aber genau das verhalte wo du da an tag gleit hesch isch eifach liechtsinnig und lebensgfährlich. Mit andere wort nüd tauglich zum füehre vomene fahrzüg.

Punkt schluss aus. (mini persönlich und teil medizinischi meinig )

söll nüd heisse dasi nie z schnell fahre aber topspeedteschte hani no nie gmacht und woni s ersch mal ufeme grosse töff ghocked bin mit em lernfahruswies het mi alles andere interessiert als de topspeed.

ach ja d buess wird wohl scho geg de 1000er bereich gah und denn no e buess uf bewährig wo schnell über 5mille gaht. das heisst wennd der sofern überhaupt i de nächschte 2 jahr derfsch irgend öppis motorisierts bewege öppis tschuld cho lahsch chasch die komplett summe bläche wo je nach ikomme usw. halt schnell mal id direktion 10mille chan gah. 8o

harte Worte
aber leider nicht ganz unberechtigt

Habe schon vor langer Zeit mal geschreiben, dass man, zumindest in der Schweiz, durchaus mit leicht motorisierten Maschinen glücklich werden kann. Wer sich als Einsteiger eine Rennsemmel kauft, der muss nun mal damit rechnen, dass er den Ausweis abgeben muss - wie man sieht, reichen selbst 25 Kw noch lange dafür aus (nicht auszudenken was hätte passieren können, wenn ein Einsteiger "nur mal so zum schauen" eine offene Kilogixxer im 6. Gang in den roten Bereich gedreht hätte - ich vermute stark, dass das gerade mal für ne Schlagzeile in der Zeitung gericht hätte, wenn man die Reste irgendwo von einem Baum gekratzt hätte

Blöd gesagt: eigentlich noch mal Schwein gehabt

Wer mal Gas geben will, der sollte doch schon etwas Fahrpraxis haben. 0-100 geht in unter 3 Sekunden bei potenten Sportbikes - Bremsen auf 0 geht mit der Reaktionszeit dann schon mal bisschen länger - und wer mal 250 auf der Rennstrecke gefahren ist, weiss wie ewig lange es selbst beim harten Bremsen geht, bis die Karre für die nächste enge Kurve wieder auf 60 runtergebremst ist. Sind halt so Sachen, welche man erst "erfahren" muss (eventuell inkluisve Abflug - hoffentlich ins Kiesbett und nicht in die nächste Leitplanke) damit man sie nicht so schnell vergisst.

Ich wüde mal behaupten, die Kontrolle hat Ihre Wirkung getan - und der "Übeltäter" wird so schnell nciht mehr in Versuchung geraten die Leistung auszukosten. Wer weiss: vielleicht sogar ein Grund vom Leistungs-Fetischischmus abzukommen und eine gemütliche Tourenmaschine zu kaufen, wenn der Ausweis dann irgendwann mal wieder im Haus ist?

Marc
übrigens: der Autoausweis ist natürlich auch gesperrt (ist ja der selbe Ausweis), vielleicht mal wieder Fahrrad fahren

Also ich meinä ich finds au nöd grad guät was er gmacht hät, aber hallloooo... übertribäd ihr jetzt nöd äs bitz? Mini persöhnlich und zum teil medizinisch meinig??? Er hät usserorts 140 druf gha und nöd 250! Und scho gar nöd ä Kilogixxer im 6. Gang im rotä bereich. Und äbä er hät au kein Unfall gha und hät uf Zeichä vo dä Polizei hi wieder chönä haltä, sprich er isch aifach z'schnell gsi wiä einig vo üs au scho. Sis Pech isch halt das er mitäm Lernfahruswis so zügs probiert. Verstönd mich nöd falsch, äs isch total bescheuert und er wirds au lernä, aber also diä Reaktione wo do zum teil chömäd chan ich also au nöd ganz ernst neh. Scho gar nöd wenn d'Umständ nöd kärt sind. damn...

jo, de speed isch ja nid unendlich höch gsi, für sone gschwindigkeit muesi gschnell am kabel zieh und scho hanis druffe. ich han dä speed halt eifach viel schneller druffe und drum bini au nöd eso lang schnell

drum findis ehnder liechtsinnig das z'teschte will er halt eifach viel z'lang brucht zum uf topspeed cho...anyway.

chaufsch dr halt es töffli für d'rennstrecki only. det chasch sie au ufmache und voll ummebrätsche

Toretto

das mit de medizinische meinig isch nüd ganz ernscht gsi.

und de speed isch würkli nüd bsunders viel gsi. (lauft mini im 1. gang no meh) aber mer macht so sache eigentli nöd wenn mer s erscht mal uf eme töff hockt und de nume schnell probefahrt. das spricht für mich eifach für e unriefi und somit defür dass öppert nid tauglich isch zum es fahrzüg füehre. kenne natürli nüd all hindergründ sondern nume das woner brichtet het. doch us dene info's schlüss ich jetzte mal das.

wenns nüd so isch umso besser.