Chrom-Gewonheit

De Uspuff hät ja öppis, aber suscht isch das Ding eifach nume grölig.

Zwar: für 4200Euro Würd sichs villicht fascht na lohne das Ding zchaufe und aständig ufzboue

so en behinderte siech i würd au gratis inserate missbruche für so fake-satire-inserat

i finds gar ned emal so amüsant, aber anyway

1. blöd so inserat go instelle..... sött mer sofort sperre so lüt

2. e schand e so en schöne töff so goge umbaue....

da chauft mer sich d kilogixxer als eine vo de handlichschte 1000er und baut so en reife here

Das cha jo ned ärnst gmeint si. 4200 €? Onglaublech...

Zodem es Bike nor zor Show? Esch doch langwilig. Ond wennt das teil mol fahrsch, bruuchsch nochhär drü mol so lang, zom weder alles Botze. Ond weisch we das Chratzer of em Chrom ged, wenn der do die ganze grosse Brummer druf dätsched.

Naja. Jedem das seine ond mer mini Triumph. Dä Ombou esch definitiv ned mis Deng.

de text isch aber hammer. er seit sozäge nüt demit. ussert das es kein töff sondern es fahrrad isch.

es fahrrad met vell ombboue jo haha!

nei ebe scho klar zom fahre esch de nix meh ond ebe scho klar stemmt de pris ned oder es esch eifach öppis fuul dra .. klaute töff woner wott verchauffe oder wie au emmer!

ich han au mol en arschgeili R1 gseh ... also ned soo ufgmotzt dasmer nömme chan fahre, eifach met airbrush ond so ond de hätt sie au för öppe 6000 verchaufft en 05er met 2000km oder was ... het au ganz komisch gschrebe gha, sones ossländerdütsch ond ebe absolut komischs inserat ==> onglaubwördig ond onseriös!

Die Masche kennt me aber langsam, oder nid???

Dr Text isch mit Sicherheit mit Google o.ä. übersetzt worde, dr Töff wird in Wahrheit nid ir Schwiz si sondern in England, d Lieferig isch aber im Pris inbegriffe, und ds Gäld söll me bitte per Western Union o.ä. schicke.

Ds Ziel vo dene isch, dass am Schluss immer no kei Töff hesch und ou kei Gäld me...

Aber s söll ihn doch mal eine aschribe, ob me das Gfährt cha go a luege... Bitte denn d Antwort hie poste

jo das wär ächt no en gueti idee mol schribe ond denn luege waner zroggschribt :)!