A1 Prüfung im Albisgütli

am beschte nimmsch zwei fahrstunde bimene fahrlehrer. de weiss genau die streckene.

hani au gmacht aber weiss d strecki scho nümme, obwohl i kat A1 B und A im albisgüetli gmacht han. Nume d Kat C im tessin hehe

prinzipiell jaged's di gern voll in verchehr ine möglichscht zu de grosse plätz wo de verchehr schön kompliziert drum ume fahrt und's jedi mengi rechtsvortritt git. au usserorts hets es paar chlini streckene wos regelmässig fahred wo mer vorallem uf rechtsvortritt mues achte. het teilwis söttig wo mer fasch nüd gseht.

chan der die fahrschuel empfehle.
http://www.fahrschule-albisgueetli.ch/ueber_uns.htm

de claudio candinas kennt die streckene alli sehr guet. han selber paar stunde bi ihm gno und er het mer die streckene zeigt und es isch würkli genau so eini cho a de prüefig.

We de DonBosco seid. S einzig wo der werkli helft, esch en Fahrlehrer. Esch be mer genau so gsi. Ha es paar wenigi Fahrstonde gno ond mer lo zeige wo die a de Pröffig gärn dore gönd. Ond es esch notürlech genau so gsi, dass ech a orte dore ha mösse, wo mer de Fahrlehrer zeigt hed. Wäri vorhär ned met mim Fahrlehrer det dore, hätti zemli secher ein oder zwe rächtsvortrett öberluegt.

Also es lohnt sech s Gäld för ne Fahrlehrer uus z'gä.

ich han nur 1 fahrstund gno
und de fahrlehrer het mer eifach d regle erchlärt und gseit was d prüefer gern mached, z.B.: anes fahrverbot/sackgass schild here fahre loh und denn ned sege das muesch abbüge, den muesch immer guet uf die schilder luege suscht fahrsch ines fahrverbot/sackgass

Hannes
solang vor em fahrverbot no halte chasch, esch es jo weniger es problem. es ged strosse wo s fahrverbot erst relativ wiit hende azeigt esch. esch be mer a de pröfig so gsi. min experte hed amel nüd dezue gseid, wo denn s fahrverbot cho esch ond ech ha müesse chere. bede sackgasse esch es jedoch de scho chli andersch. die söttet praktisch alli scho am afang vo de stross kennzeichnet si. dete wärs de zemli shitter wennt dri fahrsch.

bi mir isches eifach so gsi das er mich ane stross anegfürt het wo zersch keis fhrverbot gsi isch und denn isch eis cho und denn hani muese rechts abbüge und er het nix gseit,d as hani demit gmeint

A jä so... Ok denn meinem jo s gliiche...

also ischs empfehlenswert na id fahrstund am albisgüetli z inveschtiere? ^_^