50ccm töff - chli spezielli situation

    hoi zäme!


    zersch mol vorwäg: warschinlech geds scho 1000i vo threads wos om 50ccm töff god, aber mini situation esch äbe chli speziell, drom hani dänkt ech mach glich en neue uf.


    ech be 17ni ond ha grad de nothälfer hender mer. s'formular vode amäldig zom lehrfahruswes werdi am mettwoch uf d'gmeind brenge, han d'theoriepröfig also nonig. im momänt machi es praktikom als informatiker, nochem sommer foni de d'lehr ah. etz eschs eso: vor 2 woche semmer uf rain zögled ond ha etz eider chli en wiite arbetswäg, aso wiit ned ombedengt aber met ÖV hani öppe en stond ond de no scheiss verbendige. damet ech also ned am 6i mues ufschto ond am 9ni heichome (öbertrebe gseid) esch s'gschäft so nätt ond wot mer en roller zor verfüegig stelle, priis speli kei rolle :face_with_tongue: . ech mus äbe au mobil sie, drom bruch ech zwengend etz en roller, ged also keis warte bes 18ni... am samschtig beni be paar händler gse go roller aluege, ond de esch mer de yamaha tzr ufgfalle :ugly: ech natürlech mega "öhh voll fett" ond grad dänkt "das esches". am sonntig hani de halb tag demet verbrocht uf youtube videos devo azluege ond dänkt dä muesi ha. noch es paar gspröch met kolege/inne beni aber chli onsecher worde... sie hend gmeint, es chämi mega möchtegärn öbere, wemmer met sonere maschene azfahre chond, wo fett usgsed aber wienes wäspi tönt... ond etz weisi voll ned, uf de eint siite hends ergendwie scho rächt, aber uf de ander siite wördis ned schlächt fende wemmer scho erfahrige macht metemene töff, au s'schalte ond so... zodem weni scho gratis dezue chome, wieso ned? ond näi d'kolege send ned nidisch, de eint fahrt en yamaha r6 (halt no drosslet). was säged ehr dezue? wie scho gseid, warte chani ned, ech bruch etz eine. ond priis spelt au kei rolle.


    merci schomol :grinning_squinting_face:

    ig würd sägä kouf dr ä billigä roller u spar dis geld bis 18 oder 20i u när choufsch dr ä richtigä töff.

    hallo iCstyle


    also wenn du de ganz roller oder de ganz töff zahlt bechonsch wördi of all fäll grad zo de TZR griffe!


    ich fende 50ccm töff 1000 mol geiler als sonen gschwür roller ond wie du gschrebe hesch lehrsch au grad chli s töfffahre kenne met schalte usw.!


    gsehsch au öb sonen racingtöff s rechtige esch för dech oder öbd doch lieber denn es monobike wotsch oder so!


    ond vell türer esch sonen 50ccm töff jo au ned sovell ich weiss!


    edit: ond ich fende das chonnt absolut ned möchtegärn öbere! ich mein met somene 50gerli chasch jo absolut ned protze!


    also ebe ich wörd of all fäll grad en 50ger-töff chauffe wennd die au vell geiler fendsch als roller.

    Bang Bang Bang :rock: :rock: :rock:

    Einmal editiert, zuletzt von -=TS=- ()

    Zitat

    Original von Tom
    ig würd sägä kouf dr ä billigä roller u spar dis geld bis 18 oder 20i u när choufsch dr ä richtigä töff.


    Isch ja ebe nöd siis Gäld, lis mal chli gnauer;-)
    Ich wür mer i dem Fall au chli öppis edels zuetue, wenns öpper andersch zahlt :evil2: .


    D Frag isch nur, öb der s Gschäft au e TZR zahlt, isch ja kein Roller und scho chli tüürer und "pflegeintensiver". Aber süsch isch e TZR ken schlächte 50er. Aageber oder nöd, who cares? Wänn er dier guet gfallt und er vom Gschäft zahlt wird, chauf en doch.


    Greetz Boo

    Einer ist immer schneller - zum Beispiel ich :winking_face:
    Quod gratis asseritur, gratis negatur

    wow scho 3 antworte 8o thx :face_with_tongue:


    öbi en tzr bechome weisi noni, ha ufjedefall dä höt mol im chef vorgschlage, är klärt etz ab för wievel är ne bechond :grinning_squinting_face: was esch eigentlech met desne 50ccm töff: aprilia rs50, rieju rs2 matrix pro, derbi gpr? öppis empfählenswärt oder doch lieber de tzr? :confused_face: mer gods hauptsächlech ome sound :smiling_face_with_horns: ond sösch geds kei alternative oder? aso ergendwie en 125er plombiere oder so.. döf mer aber ned ab 16ni fahre oder?

    log generel esches so dass italienischi fahrzüg afälliger send, d.h. türer em onterhalt esch schnäller mol öppis kabott, suffed vellecht chli meh öl/benzin etc.!


    ich han mer aber trotzdem en aprilia 125 kaufft woni 18ni gsi ben weli ne eifach de geilscht gfonde han ond meh leistig gha het als anderi!


    i wörd eifach mol in 1. linie luege weli dassder vo de optik här am beste passt ond denn ebe wie sie fahrt/tönd ond wies so met em onterhalt usgseht! d tzr esch secher eini vo de pflegeliechtischte!


    125er chönntsch glaubs plombiere ond met 16ni fahre aber kenn mi do ned so guet us! aber en 125er esch halt nomol öppe 2000,3000 türer als sones 50gerli!

    Bang Bang Bang :rock: :rock: :rock:

    han zwar ersch de tzr live gse, aber au im internet gfallt mer de tzr met abstand am beschte. schad das mers nömm döf metem 125er plombiere, wär eigentli ideal gse... ech dänke ech go mol en tzr ide ferie go probefahre.


    wie gseds eigentli met "tuning" us? chammer do öppis legal mache (abgseh vom optische)? könn mi halt noni so us, aber han ghört das mer d'öbersetzig cha entweder uf beschleunigong oder geschwendigkeit trimme, esch das erlaubt?


    mech interessiered natürlech au no anderi meinige wo för/gäge en 50ccm töff spreched :grinning_squinting_face:

    Einmal editiert, zuletzt von iCstyle ()

    legal, nei :grinning_face_with_smiling_eyes:


    Vo Derbi rati dir mal ganz fescht ab, han selber eini gha, hesch nume problem mit dene gschwür.


    d'TZR leischtet für e 50ccm gnueg, dörfsch sowieso erscht denn uf d'Autobahn wenn 18i bisch.


    was d'mache chönntsch wär es chliners ritzel ( ketteblatt vorne ) denn zieht sie vo une use besser, fahrt aber nüme so gschnell. Oder tuesch hine es grössers Ketteblatt druf, denn beschlüüniget sie langsamer fahrt aber schneller.


    tuninguspüff oder Zylinder etc. würdi nöd mache, wenn's di mal usenand nemed stascht dumm da und günschtig chunnsch denn au nöd devo.

    @ iCstyle: Zerst mal sali =)


    hehe genau i dinere Situation bini vor paar Mönet au ghocket....


    aber zum dir mini meinig uufzschriibä gächts vill z lang =) lueg mal di priivate nachrichte ah...

    uf höchschtgschwendigkeit beni ned so us, sondern scho eher uf beschleunigong. wörd drom es chliiners retzel nä.. aber das esch eigentli au ned legal oder? falls ned, wie gross esch d'chance dass sis merked ond was passiert denn?


    ha im internet no öfters ghört das s'fahrwärch vom tzr schwammig bzw. sehr weich seg... esch do öppis dra?


    metemene cross chani ergendwie ned so vel afo, obwohl ech zersch mol eine mösst fahre om das besser z'beurteile.

    Einmal editiert, zuletzt von iCstyle ()

    Ä 50ger? sonä schissdräck.... klar jedem das seine! aber lieber velotöffli fahre bis 18ni u när ä 125ccm... isch super! so ha igs gmacht....


    mit velotöffli und 125 chasch super erfahrige mache! sonä 50ger louft nüt, isch afäuig, und chasch nüt mitnäh wie im nä roller! und z ussehe... naja... was wosch mitem nä töff wo zwar rattescharf usgseht aber nüt louft....


    aber äbä, jedem sini meinig!

    Wer später bremst, bleibt länger schnell

    Zitat

    Original von Porter
    Ä 50ger? sonä schissdräck.... klar jedem das seine! aber lieber velotöffli fahre bis 18ni u när ä 125ccm... isch super! so ha igs gmacht....


    mit velotöffli und 125 chasch super erfahrige mache! sonä 50ger louft nüt, isch afäuig, und chasch nüt mitnäh wie im nä roller! und z ussehe... naja... was wosch mitem nä töff wo zwar rattescharf usgseht aber nüt louft....


    aber äbä, jedem sini meinig!



    die ussag unterschrieb ig grad 100%

    Zitat

    Original von iCstyle
    uf höchschtgschwendigkeit beni ned so us, sondern scho eher uf beschleunigong. wörd drom es chliiners retzel nä


    isch luut richtlinie 2b legal, sofern d drehzahl respektive gschwindigkeit i keim gang meh als 8% gändered wird.



    han selber a minere kilogixxer und a de beide 600er woni vorher gha han jewils au es chlinners ritzel gha. au a de drosslete 600er het mer's recht guet gmerkt. a de 1000er bisch halt i de undere gäng nume no mit em vorderrad ir luft wennd gas gisch aber isch au guet => spart reife :grinning_squinting_face:


    aber öb mer da bimene 50erli merkt? glaube ussert eniger topspeed hesch nüd würkli en grosse unterschied. aber chan mi natürli au tüsche :face_with_rolling_eyes:
    bin selber nume 50er roller gfahre. aber wenn ich gsehne wie viel mal scho muesch schalte dass nume uf 50 ufechunsch würd ich das nüd welle. well mit eme chlinere ritzel muesch denn no meh schalte :wand: so wirsch vermuetli am endi no weniger schnell beschlünige welld eifach mit de gangwächsel chum meh nache chunsch.


    ach ja und au wenns über die 8%gaht.....han bis jetzte no nie eine gseh wo inere kontrolle gaht go s ritzel freilegge und afangt zähnli zelle :mad:

    SUZUKI - selbst unter zweifelhaften Umständen klappt´s immer
    SUZUKI - SUche ZUverlässige KIste
    SUZUKI - Schnell und zügig um Kurven irren
    SUZUKI - So ungestüm zieht überhaupt kein Italiener

    Einmal editiert, zuletzt von DonBosco ()