50ccm töff - chli spezielli situation

hallo iCstyle

also wenn du de ganz roller oder de ganz töff zahlt bechonsch wördi of all fäll grad zo de TZR griffe!

ich fende 50ccm töff 1000 mol geiler als sonen gschwür roller ond wie du gschrebe hesch lehrsch au grad chli s töfffahre kenne met schalte usw.!

gsehsch au öb sonen racingtöff s rechtige esch för dech oder öbd doch lieber denn es monobike wotsch oder so!

ond vell türer esch sonen 50ccm töff jo au ned sovell ich weiss!

edit: ond ich fende das chonnt absolut ned möchtegärn öbere! ich mein met somene 50gerli chasch jo absolut ned protze!

also ebe ich wörd of all fäll grad en 50ger-töff chauffe wennd die au vell geiler fendsch als roller.

Zitat

Original von Tom
ig würd sägä kouf dr ä billigä roller u spar dis geld bis 18 oder 20i u när choufsch dr ä richtigä töff.

Isch ja ebe nöd siis Gäld, lis mal chli gnauer;-)
Ich wür mer i dem Fall au chli öppis edels zuetue, wenns öpper andersch zahlt .

D Frag isch nur, öb der s Gschäft au e TZR zahlt, isch ja kein Roller und scho chli tüürer und "pflegeintensiver". Aber süsch isch e TZR ken schlächte 50er. Aageber oder nöd, who cares? Wänn er dier guet gfallt und er vom Gschäft zahlt wird, chauf en doch.

Greetz Boo

log generel esches so dass italienischi fahrzüg afälliger send, d.h. türer em onterhalt esch schnäller mol öppis kabott, suffed vellecht chli meh öl/benzin etc.!

ich han mer aber trotzdem en aprilia 125 kaufft woni 18ni gsi ben weli ne eifach de geilscht gfonde han ond meh leistig gha het als anderi!

i wörd eifach mol in 1. linie luege weli dassder vo de optik här am beste passt ond denn ebe wie sie fahrt/tönd ond wies so met em onterhalt usgseht! d tzr esch secher eini vo de pflegeliechtischte!

125er chönntsch glaubs plombiere ond met 16ni fahre aber kenn mi do ned so guet us! aber en 125er esch halt nomol öppe 2000,3000 türer als sones 50gerli!

125er dörfmer nüme plombiere und mit 16ni fahre...

da chamer sit öpe 3-4 johr nümme

greez

legal, nei

Vo Derbi rati dir mal ganz fescht ab, han selber eini gha, hesch nume problem mit dene gschwür.

d'TZR leischtet für e 50ccm gnueg, dörfsch sowieso erscht denn uf d'Autobahn wenn 18i bisch.

was d'mache chönntsch wär es chliners ritzel ( ketteblatt vorne ) denn zieht sie vo une use besser, fahrt aber nüme so gschnell. Oder tuesch hine es grössers Ketteblatt druf, denn beschlüüniget sie langsamer fahrt aber schneller.

tuninguspüff oder Zylinder etc. würdi nöd mache, wenn's di mal usenand nemed stascht dumm da und günschtig chunnsch denn au nöd devo.

@ iCstyle: Zerst mal sali =)

hehe genau i dinere Situation bini vor paar Mönet au ghocket....

aber zum dir mini meinig uufzschriibä gächts vill z lang =) lueg mal di priivate nachrichte ah...

yamaha dt 50 sm würi der empfehle.

gueti bremse
guets fahrwerk (für e 50er)
d glich motor wie d tzr

ha früener au mal eini gha

[Blockierte Grafik: http://de.static.netlog.com//p/oo/006/699/6699497.jpg]

[Blockierte Grafik: http://de.static.netlog.com//p/oo/003/448/3448193.jpg] 
dä töff isch zueverlässig, gseht guet us, und macht ned so d wannabe R6 iidruck

Ä 50ger? sonä schissdräck.... klar jedem das seine! aber lieber velotöffli fahre bis 18ni u när ä 125ccm... isch super! so ha igs gmacht....

mit velotöffli und 125 chasch super erfahrige mache! sonä 50ger louft nüt, isch afäuig, und chasch nüt mitnäh wie im nä roller! und z ussehe... naja... was wosch mitem nä töff wo zwar rattescharf usgseht aber nüt louft....

aber äbä, jedem sini meinig!

Zitat

Original von Porter
Ä 50ger? sonä schissdräck.... klar jedem das seine! aber lieber velotöffli fahre bis 18ni u när ä 125ccm... isch super! so ha igs gmacht....

mit velotöffli und 125 chasch super erfahrige mache! sonä 50ger louft nüt, isch afäuig, und chasch nüt mitnäh wie im nä roller! und z ussehe... naja... was wosch mitem nä töff wo zwar rattescharf usgseht aber nüt louft....

aber äbä, jedem sini meinig!

die ussag unterschrieb ig grad 100%

Zitat

Original von iCstyle
uf höchschtgschwendigkeit beni ned so us, sondern scho eher uf beschleunigong. wörd drom es chliiners retzel nä

isch luut richtlinie 2b legal, sofern d drehzahl respektive gschwindigkeit i keim gang meh als 8% gändered wird.

han selber a minere kilogixxer und a de beide 600er woni vorher gha han jewils au es chlinners ritzel gha. au a de drosslete 600er het mer's recht guet gmerkt. a de 1000er bisch halt i de undere gäng nume no mit em vorderrad ir luft wennd gas gisch aber isch au guet => spart reife

aber öb mer da bimene 50erli merkt? glaube ussert eniger topspeed hesch nüd würkli en grosse unterschied. aber chan mi natürli au tüsche
bin selber nume 50er roller gfahre. aber wenn ich gsehne wie viel mal scho muesch schalte dass nume uf 50 ufechunsch würd ich das nüd welle. well mit eme chlinere ritzel muesch denn no meh schalte so wirsch vermuetli am endi no weniger schnell beschlünige welld eifach mit de gangwächsel chum meh nache chunsch.

ach ja und au wenns über die 8%gaht.....han bis jetzte no nie eine gseh wo inere kontrolle gaht go s ritzel freilegge und afangt zähnli zelle