znöch und rechts überhole

Nei das zieht nid wennt es Auto gschäftlich bruchsch. Es cha höchstens Milderig ge went es Vergehe mitm Töff gmacht häsch so wie bi mir. Ich ha noch de Helfti vom Fahrverbot wieder dörfe autofahre dasi min Job cha verrichte, nur de Töff isch nomol solang stoh blibe

Aso weme es Auto würki gschäftlich brucht muesme halt sin Fahrstil so apasse dass eim nüt ahaa chönd. Hör mol uf über die Behörde z'motze. Au wenns Abzocke isch, du häsch dich selber em Risiko verwütscht zwerde uusgsetzt. Do cha niemert öppis defür ussert du sälber

Zitat

Original von Pollito
Hör mol uf über die Behörde z'motze. Au wenns Abzocke isch, du häsch dich selber em Risiko verwütscht zwerde uusgsetzt. Do cha niemert öppis defür ussert du sälber

rächt hesch!

wie de pollito scho seit hesch chum e chance wegem autouswies bhalte well'd en prueflich bruchsch.

da heissts denn selber tschuld.

au LKW fahrer wird de uswies weggno. du hesch eifach teilwies en chürzere entzug und chasch sege wenn dass de söll sii.

glaub so die wenige würkliche usnahme sind persone im rettigdienscht. also wennd notarzt bisch und täglich im isatz denn chönds der de uswies vermuetli nüd wegnäh, well sie damit sozäge de uswiesentzug über s menschelebe stelle würded und das isch gsetzlich gseh nüd möglich da menschelebe s höchschte guet aber wie das umgsetzt wird weisi au nöd. aber helfe wirds der wohl au nüd würkli viel.

Demfall nomol glück ga im unglück

Scho Aber ab wenn esch eigentlich rechts überholle? wen uf de links site stau esch und ich rechts verbii fahre und ergent einisch weder links ispuure mach ich mech den scho strafbar??

Greetz

also wenn uf de autobahn im stau stosch und du rechts ide kollone bisch und die kollone schneller isch als die ander wirsch für nüt bestroft. wel das legal isch.
und wenns irgendwo ( innerorts, usserorts, autobahn) 2 spure het, also z.b eini wo nach rechts got und eini gradus, denn dörfsch glaub au a dene verbifahre, es müend eifach 2 trennti spure sie

Jo ebe leider well es geht viel lüüt wo links wie schnägge fahre und de darfsch sie ned mol überholle tztz..Aber ebe was wotsch mache...

Greetz

darum gang ig uf die 3ti spur ou wenns keini het..

isch doch en huere seich mit dene gsetz!

für töff sötted eifach anderi verkehrsregle gälte...

wie isches eigentlich mit LINKS überholen?
also ich mein jetzt anere stehende oder fascht stehende kollone (zum bispil binere baustell) links verbifahre und ganz vorne ane...

so wiemers eigentlich normal immer macht
isch das legal?

oder wen uf de autobahn stau isch ide mitti dure?
isch das legal?