Gester am 17:15 hani mi vo mim Arbetsort uf de Heiweg gmacht. Knappi 30°C heizet eim imene Töffkomi schono recht uf, wie ihr sicher us eigener Erfahrig wüsset ...
Uf em Weg han ich mir no überleit öb mer bi dere Hitz no di glichi Reaktionsziit an Tag leit wenns knapp wird und kei 5 Minute isches gange bis d'Welt mir mithilf vonere Autofahrerin en Antwort geh het. Ich fahre also mit ca 40 km/h inen Kreisel und die Dame (ca. mitte 20gi) haltets vorem Ifahre in Kreisel nöd für nötig z'luege öb öppis chunt 
Zum Glück het d'Reaktion nöd uf sich warte loh. Alles het quietscht. Mitem Vorderrad hani en öppe 10cm lange schwarze Strich an Bode gleit. Knapp d'Bremsi wider göse möge und es paar Finger breit hinder em Auto zum stah cho.
Nachdemi luut underem Helm usegfluechet han, isch mer eifach mini Frag wider in Sinn cho und ich han mitem ne Schmunzle müesse feststelle: Au bi 30° langet's no für knappi Situatione
-
-
naja, die gliich situation hani jez scho etlichi mal gha.... ich dörfs fascht nid säge und dörf au kei vorurteil ha aber vo dene 15 mal wo mr s'gliche passiert isch, isch 15 mal e frau hinder em stüür ghocked. villicht lerned die d'chreiselsituation ja ned idr fahrschuel, I don't know
so ich renn jez lieber bevor alli fraue i dem forum uf mich loschömed
-
isch es wenigschtens e hübschi xii?
edit: back to topic: bi mir isch es s'letscht mal en busfahrer xii, wo chrampfhaft weggluegt hed, woner in chreisel ine isch
-
Ja klar. Isch bi mir (leider) au nöd s'erste Mal passiert. Es isch eifach wider mal es Bispil defür wie konzentriert Autofahrer zum Teil underwegs sind. Ihne isches scheissegal, si flüget jo nöd meterwiit dur d'Luft mit ihrne Gurte und Airbags ...
Tztz -
ich schliche halt eifach um chreisel, wenn's nüd all zu grossi sind und viel verchehr herrscht. so hani fasch kei schräglag und s bremse ich keis problem.
aber mer gseht scho erschrenkend viel vortrittsfähler vo autofahrer, wo töfffahrer wo nüd extrem ufmerksam sind schnell s lebe choschte chönd.
drum immer alli auge offe hah und für alli deppe wo's no git im strasseverchehr mitdenke. denn mer chan oft fehler vo de andere vorusgseh wenn mer ufmerksam isch.
wied selber seisch bisch leider uf em töff immer de schwächer. drum gibi au sofort nah und wenni öppert richtig chreisel fahre gsehne gangi scho im vorus liecht ufd bremse dasi grad chönt reagiere.
wenni im auto underwegs bin fahre au nach mim vortritt, denn wenn mer denn eini i de siite inetunnered bi chreiseltempo zahlt si mer halt e neui lackierig, aber mir selber passiert wenigstens nüt
-
jaajaa typisch !
ben au au öppe so ines Auto inegrasslet well de ned gluegt het!
chunnt halt devo wemer de Chopf ned uf de Strass het sondern scho ergendwo andersch! -
Du seisches. Und jedes Mal chunt d'Usred: Ohni Klimaalag isches schwirig sich z'konzentriere weg de Hitz. Den muessi eifach sege, im Vollmonturkombi und underem Helm isches jo eifacher oder
Min Vater het mir eifach scho früeh igred, dass ufem Töff am gschidste devo usgasch dasses alli Autofahrer uf dich abgseh hend. Wenn so denksch rechnisch eifach mit allem und das isch s'gschidste. So isch d'Überraschig nöd soo gross wenn wider mal eine de Töfffahrer nöd gseht... -
jo esch wörkli die bescht Taktik! alli autofahrer sind bööööse
-
uiui, wenn alli autofahrer bös sind, denn muassi dr Kopf wohl izücha und nüt dazua sega.. Denn bi miar ir Tüfgarage stoht nit nur a zwairädrigi Aprilia, sondern au a 4rädriga Opel...
Aber zruck zum Thema:
Isch halt scho so, dass ma wenn ma NUR Autofahrt, weniger uf Töff luagt. isch miar au erst ez ufgfalla, dass i vil meh uf Töff und Roller ufpassa, sit i selber fahra...
Ma sött fascht alli Autofahrer dazua zwinga, dass si aimol ufema Möff dur d Stadt fahra müasstend und zwar im Obigverkehr, wenn sicher a mega Verkehr isch...
-
ja aso wenni opel und aprilia wör fahre wöri au nüt säge
nei joke.aso i be met em töff au scho mehreri mal i dere situation gsi, nume send secher 2 vo 10 mal töff gsi wo mi fasch abgschosse händ. genau so krassi mit ihrne ufpimpte rännbächer wo s gfühl händ, sie heged s töff fahre erfunde. die momentani situation im strasseverchehr chunnt mer fang fasch vor wie en chindergarte. jede wott em andere de polizist spiele
cu charlie
-
Hehe ich will jo jetzt nöd an Sportler vs. Monobiker Krieg ahfangä, aber doch öfters mol sind jo die Kränkschtä Kurveschnieder und Krüzigsinäquetscher d'Monobiker... ämäl bi üs i dä Gegend ischäs so do häts viel ziemlich Kranki Mono fahrer unterwägs wo au i dä Stadt aifach völlig beschränkt umänand fahräd.
Klar gits bi allnä sottig, aber d'Monos sind halt verdammt hantlich und den hät mä schnell s'Gfühl ich han alläs im Griff aber rechnet villicht nöd mitäm Omi im Auto uf dä Brems aifach nümä die schnellscht isch... -
aso da met em kurveschniede gebi der rächt da getts huere vell wo das mached. aber mitem is züg ineqüatsche send be eus ume d lüt met de rennsemmle schlemmer. aber ebe wie gseit es gett vo beiderlei serig wo ned wüssed wie blöd das sie wännd due. am schlimmste sind die wo beides fahred
cu charlie
-
Es isch ebe scho so... Wobi di chli knappe Manöver gönd jo no. Solang mer d'Auge offe het und Tempo und Distanze guet chan abschätze. S'gföhrliche sind eifach Lüüt wo sich überschätzet und vor allem aber ebe die wo nöd bi de Sach sind. Uf em Töff isches jo no s'einte, will mer in erster Linie sich selber gföhrdet. Wenn mer im Auto en Scheiss baut sind ebe glich no schnell anderi inen Unfall verwicklet. Als Töfffahrer macht mer jo bekanntlich immer Zweite.
-
ja bi normale tempos aber met 50 hollsch bemene auto au scho en rächte blächschade use. und fuessgänger und d länkstangegeuferi send sowieso die leidtragende wobi sich drahteselritter meistens sälber i serig situatione manövriered
cu charlie
-
"All Autofahrer sind bös"
die wo so züüg seged sind denn immer die wo ned raffed wenn ich rechts ispuure und ihne de vortritt oder extra platz lahn