1000 Passkilometer

    Also. Sit letster Wuche hani mis Baby (Yami R6 05). Zum Glück het s'Wetter am Weekend mitgspilt und mir d'Möglichkeit geh wider Mal so richtig usgibig go Töfffahre.
    Am Samstig het's mi nachere chline Usfahrt id Kantön LU, UR und Umgebig irgendwie über de Gotthard is Tessin zoge. Über de Bernardino isch den di Reis wider zrug id Dütschschwiiz gange und langsam wider Hei. Am Sunntig hani den id Höchi welle. Klause, Suste, Grimsel, Furka, Oberalp und zum Schluss no Kerenzerberg. So sind insgsamt fast 1000 Passkilometer zemecho. No es paar Impressione...


    [Blockierte Grafik: http://data.go-offroad.ch/DSC00298(Original).jpg]


    [Blockierte Grafik: http://data.go-offroad.ch/DSC00296(Original).jpg]


    [Blockierte Grafik: http://data.go-offroad.ch/DSC00295(Original).jpg] 

    Wow, denn hesch jo a rechti Tour gmacht....:) Bin am Weekend zwar au apaar Kilometer gu fahra, aber grad sooo wiit bini nit unterwegs gsi :grinning_squinting_face:


    Bisch denn ganz alone gu umadüsa?

    ~~ Genieß dein Leben in vollen Zügen! In deinem nächsten könntest du ein Mann sein!! ~~

    Het sich schono id längi zoge. Insgsamt öppe 15 Stund underwegs gsi (mit Pause). Jepp, älei. Min guete Töfffahrerkolleg mit demi sust amel mini Runde gang go drülle het sin Töff (Au en R6, aber 03er) vor churzem verlohre. Typische Unfall: Töff überholt, Auto will au und gseht kein Sinn im tote Winkel -> *Bänng*
    Sobald er den sini Maschine wider het bini nümm so einsam :grinning_squinting_face:

    Hetsch mol chönä is Forum frogä... :smiling_face:
    Aber geils Türli.

    RACING IS LIFE...ANYTHING THAT HAPPENS BEFOR OR AFTER... IS JUST WAITING

    Würdi nöchst Mal uf jede Fall mache. Aber agmolde bini ja erst sit gester :face_with_tongue: Weret ihr den bereit ganz früeh usem Bettli z'stige? Ich bin ebe gern früeh underwegs, wenn der nonig all die Autofahrer d'Passstrasse blockieret :wand:

    wenn früeh för dech so am 5i am morge heisst dänki ehner ned, aber paar stonde spöter wäri scho au z ha :P! nei wenn besch denn ufgstande resp. losgfahre?

    Bang Bang Bang :rock: :rock: :rock:

    Zitat

    Original von Lexius
    Würdi nöchst Mal uf jede Fall mache. Aber agmolde bini ja erst sit gester :face_with_tongue: Weret ihr den bereit ganz früeh usem Bettli z'stige? Ich bin ebe gern früeh underwegs, wenn der nonig all die Autofahrer d'Passstrasse blockieret :wand:


    mir haueds meischtens zwüsche 6i und 7i ab ... dänn simmer so noch 6-7-8 päss je nochdäm weder zrugg, wenn alli poser chömid :smiling_face:

    So zwüschet 6i und 7ni haut öppe hi. Das isch nonig abarartig früeh, defür chasch doch no es Ziitli gedige fahre

    *gäähn* um dia Zit schlofi no min Schönhaitsschlof.. haha :grinning_squinting_face:


    Nai so zwüschadura wär sogar i bi so Zita gern unterwegs, aber naja, momentan hani no kai Gspänli gfunda, wo nit was waiss i wiavil kilometer wit weg wohnt vu Chur....


    Aber werda mi villicht mol bir ainta oder andera Usfahrt dazuagesella, wenn iar do durafetzten... :winking_face:

    ~~ Genieß dein Leben in vollen Zügen! In deinem nächsten könntest du ein Mann sein!! ~~

    Hmm also ich stohn au gern früh uf das isch voll easy.
    Ich han nur sehr sehr seltä Zit aber äbä mir gsehnds jo den.

    RACING IS LIFE...ANYTHING THAT HAPPENS BEFOR OR AFTER... IS JUST WAITING

    Jap, chasch dich sus mal mälde;-)
    Schmerike isch ja nöd würklich wit vo Pfäffike, soviel ich mich erinnere chan :grinning_squinting_face:


    Würd sus au mal mitcho, het au keis Prob mit früe ufstah (solangs amene weekend isch=)

    eeehr schöns Tüürli häsch do gmacht :grinning_squinting_face: wenni de endli en 600er han chumi au gern mal mit :grinning_squinting_face::grinning_squinting_face:


    greeeez

    Für Schreibfehler haften die Buchstaben


    Frag' nicht - Du könntest eine Antwort erhalten.


    Computer dienen uns zur Lösung von Problemen
    die wir ohne sie nicht hätten.


    R6 - Der schönste Weg der Fliehkraft in den Arsch zu treten

    Hemmer üs dem Fall verpasst. Uf dene beidne bini erst am Sunntig gsi :face_with_tongue:

    ditto ... bin praktisch jedes WE mol Sa oder So chli d'rundi chüblet ...


    So Susten - Grimsel - Nufene - Gotthard - Susten - Brünig - Glaubeberg ... oder wenn i luscht gha ha dänn noch em nufenen - lukmanier - Oberalp ... :grinning_squinting_face:


    Wer chunt s'nöchtschmol mit :smiling_face: