aso nach dem wasmer de Fahrlerer im VKU gseit het (weises nur bide autos esch warschindli eh sglich esch) chunnsch zersch ma en Bues vo 8000.- öber und döfsch denne d autoprüefig ersch 2 jahr später mache!!
das heisst denn führen ohne führerausweis. ich weiss zwar nöd was für e buess dases gnau git, aber saftig isch si sicher! und wenn ich dich wür verwütsche, (falls dini frag au dich betrifft) gäbts no en satz heissi ohre gratis dezue und hoffentli dihei no e tracht prügel vom papi 
aaaaaahhhhhhhhhh 8000.- da isch jo MORD!!!!!!!!! Wetsch mi verarsche 
meischtens setzeds söttig strafe aber zur bewährig us.
das würd denn zum biespiel so usgseh, dass für 2 jahr gsperrt bisch und 4jahr der nüt erlaube derfsch. wenn doch muesch die 8mille bläche....
aber bin mer nüd sicher. nume eifach sofort grad 8mille findi au chli viel...
aber warum stellsch die frag überhaut? mach d prüefig wie all normale lüt au und denn hesch gar nüd so problem
oder isch das en neue trend bi de junge und extrem cool wenn mer ohni uswies fahrt 
Cool isches sicher nöd!!!! Aber ich chum ebä im Summer id Lehr als Beck-Konditor....dänn wet i ebä richtig fahre chöne!!!! Isch doch au doof wenn uf em Wäg id Lehr am Morge so ca.04.00 Uhr plötzlich öpis mit em Töff los isch das er nüme goht und i han den kei ahnig defo 
Um die Ziit hend no kei Meche offe......... I fahre jo nöd all Tag ume und wenn den extrem Vorsichtig und selte uf Hauptstrosse.
Wenn mer halt eimol gfahre isch, denn chan mers eifach nöd lo 
e fraag.
Wie chunsch du ohni führerschii as nummere schild ahne ?
bi mir hends scho dumm tah als ich de entzug gha han und mer mis neue ha auto versichere lah wölle? ( und zwar nöd wägem grund wieso en nöd gha han, sundern willi en eifach nöd i de händ ghalte ha )
Kei Ahnig wie das lauft......
Han ebä ganz en neue Töff kauft und denn hendsmern mit Nummereschild und L brocht. Do ich nonig 18 Johre bin stoht im Fahrzüguswis döt bi Name, Adresse usw. de Name vo minere Muetter.
Und denn stoht no Häufigster Lenker....döt stoht denn min Name.
Chan jo jetzt sowieso nüme umefahre....bruche zerscht no oel und Benzin für de Töff....also moni irgendwo go schaffe das i Geld han...da ich aber wieder Schuel han wirds schwierig X(X(
tja mer kann hald nöd alles ha 
isch immer guet, wenn mer sgeld für prüäfig und kürs uf dä siete het, bevor mer sich än töff kauft
ZitatOriginal von STREETFIGHTER
aaaaaahhhhhhhhhh 8000.- da isch jo MORD!!!!!!!!! Wetsch mi verarsche
nei esch eso und i fendes au guet so wer fahrt ohni Uswis het eine am Öpfel
jep esch scho so ... also ohni uswis fahrt mer ned ome! also ich ben au 2 mol go fahre woni de töff noni drosslet gha han, das esch jo au fahre ohni uswis aber ich ben nor chorz i mim dorf go testfahre! esch öppe 5 min. gsi ond ofere str. wo sozäge kei autos dore chömed! vo dem här das chamer also no verantworte fendi!
eifach halt ned normal ome fahre wie wemmer en uswiis hättI!
SVG Art. 95.2
Wer ein Motorfahrzeug führt, obwohl im der Führer- oder Lernfahrausweis verweigert oder entzogen wurde, wird mit Haft von wenigsten zehn Tagen und mit Busse bestraft.
gilt aber nöd für dich. finds eifach luschtig. lütisch mal dä schmier a, die chönds der gnäuer sägä...
also das mitem umefahrä ohni Lehrfahruswiis würi au nöd mache! usser es isch uf dim buurehof. 
irgendwie isch es chlises wüsse über dä strassäverkehr scho dvorussetzig. au am morge am 4i gältet rächtsvortritt und so...
ja und vorallem wird denn wohl chum e versicherig öppis zahle wenn du öppert über de hufe fahrsch oder selber über de huufe gfahre wirsch.
und wennd d choschte vo eim muesch übernäh wo wege dir nachher im rollstuehl hockt, die sind denn en ca drüstellige faktor mal höcher als die 8000CHF buess...sprich du chasch denn dis lebe lang so viel schaffe wie d wotsch aber wirsch trotzdem nie meh für dich geld hah. vo de ganze schuldgfühl mal abgseh. die hesch allerdings au wennd e versicherig hesch.
aber ebe chli es wüsse über de verchehr chan nüd schade au am morge am 4i.
