Jetzte ofiziell

Ciko

ja ohni dB killer isch er abartig zluut. aber de vorbsitzer het de dB killer kürzt, so das nume no so 10cm vo dem übrig blibe sind und das isch so viel wie nüt. macht zwar scho no öppis us, aber eher chli wenig. git emal au flämmli bi tüfe drehzahle wenn d drehzahl schnell fallt.
aber min vater nimmt mer jetzte mal s dB messgrät vom gschäft mit, denn chani mal messe, wie viel das es zviel wäred.
chan ebe sii, dasi no i de toleranz drinne ligge. inkl. toleranz sind uf de kilo 103dB erlaubt. mit killer het er 97dB und ohni 107. und mit dem kürzte chönts ebe sii, dasi genau no innerhalb vo dene 103 bin. denn wär easy

@ray

guet du bisch vorher wenigstens scho sporttöff gfahre. mich hets glaubs scho grad e chli überfordered d leischtig vom 1000er und glichziitig no d umstellig vo ufrechter tourerposition zu sportler. well es isch scho chli es anders kurvefahre.
aber jedem das seine. aber i dem fall chunsch denn au mal mit em hypi und mer in schwarzwald

ja bin jetzte au grad no schnell es ründeli go fahre und mues mi scho no chli ad leischtig gwöhne.

s isch zwar es agnehms fahre, well halt immer leischtig da isch au wenn sie nüd extra drucksch, aber wenn'd mal schnell eis zwei autos überholsch und s gas glich ufmachsch wie bir 600er, denn merksch scho, dass halt 180ross under em hinter hesch und vorallem über 100Nm

au eifach mal so schnell chli gas ufriesse wenns innerortsschild ufghobe isch isch au nüd ganz so eifach mögli...also mögli scho, aber hesch denn halt s armature ruck zuck uf gsichtshöchi hehe

nei isch s modell eis vorher.

die neu gfallt mer nöd mit dene beide fette töpf. Zudem het s eltere modell unde use meh leischtig, defür obe irgendwie 5PS weniger, was mich aber so guet wie gar nöd chratzt. und ussert bi rege, wo ich eineweg nüd fahre würd mer ja eh immer im volli leischtigs modus fahre. susch müsst mer sich ja nüd so en hobel chaufe

ja bin voll zfriede demit. wenn sie neu us em lade chämt würd sie au nüd schöner usgseh...nume viel türer wär sie. weiss nüd wie de vorbsitzer die 5000km gfahre isch aber es het würkli nüd ei einzigi spur am töff wo mer dra merke würd, dass de überhaupt schomal gfahre worde isch. bin ja selber au chli en putzwüetige und halte min töff immer top suber, doch de isch sogar a stelle, wo mer gar nüd herechunt zum putze blitz blank

und ja d leischtig vo dene neue sportler isch scho heftig. aber viel faszinierender als d leischtig ansich findi d fahrbarkeit vo dere leischtig. eifach extrem suber abrüefbar und total lineare astieg. und halt andauernd über 90 und ab 4500U/min sogar über 100Nm

er isch scho kriminell luut. de vorbsitzer het zwei mal es stückli abgsägeled, so dass eigentli nume no de enger usgang vom dB killer da isch. Sozäge eifach e atrappe das es vo usse usgseht als wär er drinne aber eigentli isch gar nüt wo dämpft drinne. aber ebe misses denn mal aber under volllascht ghörsch scho eifach absolut nüt meh ussert de uspuff. nüd emal meh d airbox wo ja au nüd grad lieslig isch bi de gixxermodell.
Duen halt s einte stückli wieder draschweisse und denn passt das. Im schwarzwald fahri denn ja eineweg ohni killer. aber bis dete here wotti nüd vo jedere streife aghalte werde.

Hypi

hesch eigentli entli dini geckocam? wott mal luege was da alles us em uspuff a flamme useschüsst ohni de killer
mach defür denn au paar hypotischi powerhüpfer. die gönd ab 60kmh ganu locker eifach mit gasufmache. bin hüt churz chli husstrecki gfahre und halt us paar kurve ähnlich am kabel zoge wie mit der 600er und da bini denn jewiels eifach uf em hinderrad uf die gerade usegschosse 8o aber macht no froid hehe

und de porter schicked mer denn eifach jewiels no e extraschlaufe go mache

ja würdi au mal meine.

mach dem typ chli dampf under em .....

wott doch endli es paar schöni videos in neue spezielle campositione mache

guet ich han bis jetzte halt d erfahrig gmacht, das es eigentli nume messed, wenn du nüd iwandfrei papier hesch, oder denn wenns di scho vo wiitem ghöred oder halt gsehnd dass kein dB eater drinne hesch.

wenn die richtige papier hesch und de dB killer drinne isch denn wennds gar nüd meh wüsse. solangs die richtige papier vom richtige importeur sind. Die wo ich han hend sogar motor und rahmenummere vo minere kilo druffe, so das es eigentli wenig chönd sege. und das abgsägete stückli schweissi wohl wieder ah. und defür denn jewils im schwarzwald ganz ohni fahre. denn het er no chli en dumpfere klang, wo er mit killer ebe nüd so heftig het. gasstöss ohni töned ebe so richtig heftig. vorallem wenn mers i de garag macht....autsch mini ohre