soooo fertig kastriert! :D / was gits neus?

so bin no d k5 gixxe go fahre und d aprilia mille.

d gixxe isch halt eifach unkompliziert und sau schnell. aber fräge mi öbi das so luschtig finde....well mer isch eifach immer z schnell. alles under 100kmh isch eifach nume langwiilig mit dem töff.

ganz anders d aprilia. es schüttled tönt und zieht bi StVO konforme gschwindigkeite eifach spektakulärer.

Ach ja und wasi nie glaubt hetti isch de heftig underschied wo die liechte OZ Felge usmached. Het es genials handling, obwohl sie schwerer isch als d Gixxer.

guet chan au am schlechte reife glege hah bi de gixxer, dass sie eher träg vorcho isch. (BT014)
uf de aprilia isch en Metzler Sportec M3 druffe gsi.

naja mues no chli drüber schlaafe, aber momentan tendiere doch fasch eher zumene 2zylinder

d mille het genau so gschmiedeti OZ felge. dini sind aber glaubs vo marchesini oder wie die au immer heissed.

nei es duci öföf gits sicher nöd, welli mer das schlichtweg nüd leischte chan. aber d aprilia isch sowiit bezahlbar mit 14mille

mues jetzte no chli usefinde, wie tür de ganz underhalt isch usw. em längeri serviceinterväll als d japaner het sie so viel i weiss.

ja teili wod mitbechunsch sind alli ersti sahne.

-federbei, lenkigsdämpfer, gable alles öhlins
-alles in radialgepümpel zum bremse und kupple vo brembo
-OZ schmiedefelge
-alli teili wo chönted plastik sii sind scho in carbon usw.

jetzte mal aber chli abwarte. die ganz motorcharakteristik vom V2 findi halt eifach irgendwie passender für'd schwiiz. autobahnheize wotti eh nöd und für de schwarzwald isch d mille emal au no gnueg schnell.....

aso i find d mille allei au vum usgseh her es ganz schöns öföf

i weiss etz halt nöd wie sich sonen tuusiger ( geschweige denn en V2) afühlt, aber i find das ganz es edels ding

ich tuä mal chli hinterfragä.
wänn mer vo mir us gsee än rännmaschinä kauft, dänn hätmer wie dä namä scho seit en rännmaschine. und bekantlicherwiis sind diä gmacht für ufd rännstrecki. schönä uf dä strass isch eifach dasmer überus zvill leischtig hätt und es sehr guets fahrwärk. Guet, die eintä fahret au wägem Vanlentino gfühl wo derbie villicht ufchunnt. ob 600 oder 1000 kubik, wänn am gas dreisch bisch scho im knast bevor ufä tacho chasch luegä! und wänn drähmoment willsch, rat ich en Bandit 1250, GSX1400 oder öppis ählichs zchaufä! Di nüü bandit lauft ab 2000 tourä wie en diesel und bis mit änerä ad gränzä chunsch bisch au scho vill schnäll! bi si das jahr mal gfahrä und das ding isch genauso hantlich wie än 600er supersportler!

@don bosco: wie währs miterä speedtriple, MV brutale, TnT caféracer?? oder für dini grössi sogar en boss hoss! Yeah, dänn hetsch sovill leistig wie alli im forum zämäzellt!

örgälä oder nörgelä!

naja mir gfallt ja eigentli ddie sportlich haltig und die ganz optik vo de sportler.

bin ja extra drum no superduke gfahre und mues sege es gfallt mer sehr guet, aber sportler hani doch no lieber. also blibts bi dene paar 1000er woni mer usgsuecht han

so fertig spekuliere.

Han chli zviel im aprilia forum gläse und da isch mer echt grad schlecht worde....

han jetzte d suzuki nomal 400CHF billiger becho. Somit isch klar ich fahre demnächscht e schwarzi kilogixx mit yoshi tricone uspuff. Bilder folged denn no *froi*

was beiflussbar....

ich hett d aprilia gno, wenns au würkli es 06er modell gsi wär. Doch bim 04er modell hani angscht, dass sie nachher nume i de werchstatt staht. s problem mit de hinderradbremsi het sie ja scho gha woni probegfahre bin und de mech hets denn eifach chli abegschwetzt, als bekannts problem wos im griff hend. Im apriliaforum het das denn ganz anders usgseh. und ich chauf mer sicher kein töff, woni scho im vornherein weiss, dass i immer wieder problem wird hah mit sicherheitsrelevante teili. au wenn mer d hinderradbremse chum brucht.

und nei es isch kei neui k7 sondern die guet schön k5. gseht eigentli wieder genau glich schön us wie mini 600er eifach het sie chli meh pfupf und en saumässig luute yoshi tricone...da muesi no luege öbi das mine mitmensche chan zuemuete