letschti bi ich vo seebach uf d autobahn richtig Bern, uf eimal gsesch vowietem en mega qualm und den het sich au scho ziimli schnell de trafic verängt... uiuiui, ich ha immer gseit wen so es auto imne kinofilm brennt, dasch doch völlig unrealistisch, das cha doch nie so brenne het ja viel zviel metal und über haupt sind die autos hützutags so konstuiert das sie nümme sötte explodiere und so.. na ja ich bi wieder mal eines besseren belehrt worde.. rechts, scho ufem pannetreife sind 2 Auto gstande, eis het normal usgse und de 2i isch en kombi gsi, lichterlo am brenne, es isch eifach massiv gsi, d haar stellts mer jetzt no uf weni dra denke, und so wies usgseh het, sind d insase no nid use cho, isch uf jedefall niemert susch ume gsi ufem pannestreife und d fürwehr plus polizei oder en chrankewage isch au nid vor ort gsi.. was ebe au mega schief isch, isch das de kombi kei krassi spuhre ufne unfall vorgwise het, also ich cha mer nid erchlehre wie de so het afange chöne brenne, de het ja scho würkli fascht müsse zerscht explodiert sii..
scheisse cha ich nume sege..
und mis biliid a möglichi hinderblibeni..
bränends Auto uf de Autobahn
-
hoppla, heftig
bi eus ide nöchi häts so schrebergärte und uf dem parkplatz hani auschomal en gländewage gsee bräne. k.A wie die das fertigbringed de chareabzfackle. sind uf jedefall fill lüt rundumegstande und brännt häts öppe 2-3m höck halt eifach grad ue.
-
Scho krass.
Es söll lüt gä, wos schaffed en zigerettestommel halt ned werkli zom fenster us z specke. De landeter of der röckbank. Ond bes do gmerksch was lauft, esch es de halt scho z spot. Das chönt doch en möglechkeit si för söttig fahrzügbränd.
-
die sind z'zweite z'nacht underwägs xii vo olte nach züri. irgendwo hets uf de autobahn en plastikteckel oder so am bode ghaa. wo's drüber gfahre sind hets nur churz chlöpft.
öppe e minute spöter hends im rückspiegel funke xeh und a de leitplanke rächts het's orange glüchtet. de eint (biifahrer) het denn warmi füess überchoo und xeit, es wär jetzt besser rächst ane uf de pannestreife.
wos denn gschtande und usgstige sind, hets bereits dur d'fahrertüür ine zünglet. und nach öppe enere halbe minute isch de ganz chare in flamme gschtande.vermuetlich het de plastikteckel es loch i'd bänzinleitig gschlage, s'bänzin isch uf de heiss uspuff tropft und de rescht isch klar.
da schade zahlt übrigens niemer, wills kei vollkasko händ.
hett au gröber chönne i'd hose gaa.
-
Zitat
Original von Peak
Scho krass.Es söll lüt gä, wos schaffed en zigerettestommel halt ned werkli zom fenster us z specke. De landeter of der röckbank. Ond bes do gmerksch was lauft, esch es de halt scho z spot. Das chönt doch en möglechkeit si för söttig fahrzügbränd.
Wän ich das nur scho läse, wird ich scho hässig...
D'Strass isch kein Abfallchübel! Wer im chare rauche mues, chan de stummel au in äschebächer tue. Aber ebe, aastand isch hüt halt nüme sälbschtverständlich, zumindescht i sottige sache.
Reg mich jedesmal tödlich uuf, wän ich das gsene. :motz: -
-
Zitat
Original von Mercutio
vermuetlich het de plastikteckel es loch i'd bänzinleitig gschlage, s'bänzin isch uf de heiss uspuff tropft und de rescht isch klar.8o da musch huere Päch ha.
Die mit de Zigerette sind scho luschtig. Vor allem wensders nacher no halbe an Chopf blast.
Genial sind au die wo dVelo nöd richtig befeschtiged und die nacher nurno mitem Hinderredli am Träger hanged und de rescht am Bode na schliift. Wenn so es Teil abgheit und fahrsch drüber, dänn guet Nacht. -
do wersch worschindlech ned me als einisch dröber fahre. ech ha scho mängisch dänkt, we gwössni lüt eri auto laded, das esch scho kriminell.
-
Zitat
Original von Peak
do wersch worschindlech ned me als einisch dröber fahre. ech ha scho mängisch dänkt, we gwössni lüt eri auto laded, das esch scho kriminell.das stimmt, hami ou scho mängisch gfrogt was sech die lüt ächt überleit hei..
