help-bin neuling

    Hallo zema!


    I wett jetzt noch langem überlega, d Töffprüafig endlich macha.. Kribbelet miar scho lang, aber hans no nit sowit brocht, zums würkli durazücha..


    Mini Frog: i han dr Uswis B sit am September 04, bin 22i (im Juli). So wia i das jetzt glesa han, kann i erst d 125er , also A1 beschränkt macha? Han i das richtig ufgfasst? Gits sus vorussetziga woni wüssa muass?


    Kuma us dena neua Regla etc. nit drus... :confused_face:


    Denn hani miar überlait, dass i a Strossa-Töff will. An biz an spritziga, also aswas "cools" halt.. *lol*
    Do i aber eher a klini Person bin (1.63) werdi nit an risa Mocka heba möga etc.. Z.B. Dr Honda NSR 125 wür miar vum Usgseh gfalla.. aber jo, kai Ahnig uf was i achta muass etc?


    Könd iar an speziella Töff-Typ empfehla, wo guat isch für mi?


    Und mit was für Kösta muass i öpa rechna, also nur für Prüafig maini? Töff und Versicheriga isch klar, das gsehni jo denn. und Versichrig luagi mit minem Versichrigs-Haini a:)


    Danka viiilmol für euri Hilf!! :grinning_squinting_face::grinning_squinting_face:


    I danka eu für euri Hilf! :grinning_squinting_face:

    ~~ Genieß dein Leben in vollen Zügen! In deinem nächsten könntest du ein Mann sein!! ~~

    Zersch mol hoi...


    Also du muäsch nöd mit dä 125ccm ahfangä. Sondern chasch A beschränkt fahrä, sprich alläs wo mä chan uf 34 PS drosslä. Empfellä würd ich dir äs Naked bike wenn möglich mit ABS. Villicht mol Kawasaki Er 6n ahluägä oder so. Oder für Ahfänger au sehr geignät Honda CBF. Den zwei Johr mit 34PS umäfahrä und nocher ufmachä und offä rotzä. Strossämaschinä isch nöd z'empfellä, scho gar nöd went chli bisch, aber goht würds uf all fäll au. :smiling_face:
    So ich hoffä han dir chli chönä hälfä und suscht aifach witer frogä...


    Edit: d'Prüäfig weiss ich nümä wiä viel di kosät, aber muäsch no diä oblig. kürs machä wo meistens ca. 600.- kostäd also 3X 200.- und villicht machsch den no 1 Fahrstund oder so.
    Und äbä aifach no d'Köstä vom Töff halt.

    RACING IS LIFE...ANYTHING THAT HAPPENS BEFOR OR AFTER... IS JUST WAITING

    Einmal editiert, zuletzt von Toretto ()

    danka diar!


    han ez au Infos vur Töffschual kriagt..


    Grundkurs für A1 unbeschränkt, isch 12 Lektiona, kostet 650.-. Denn kunt no Gebühr zum iträga loh im Uswis (50.-) und Prüafigsgebühr, öpis um dia 100.- oder so.


    Töff isch klar, das werdi ez mol luaga, obi no a guata Verkäufer aswo finda, wo mi au no abiz berota kann.. Aber dini Rotschläg helfemer au scho, danka diar!


    Was mi no intressiara wür: wenn i d A1 unbeschränkt macha und an Töff mit zwüscha 11 - 25kw Motorlaistig hola, mag dä au guat a zwaiti person hinadruf zücha? Oder gits do au wider öpis bestimts woni beachta muass?


    danka diar für dini Hilf! :top2:

    ~~ Genieß dein Leben in vollen Zügen! In deinem nächsten könntest du ein Mann sein!! ~~

    Die 12 Lektione sind de aber Einzelunterricht, oder? Das wär susch schweineteuer wenn das ir Gruppe stattfinde wür...


    Zum Töff: Ich glaub min Supermoto-Rat chani mer bi dine 1.63m as Bei striche :face_with_tongue:

    Einmal editiert, zuletzt von Battousai ()

    nai das wärend gruppena. also dia ersta 8 lektiona. dia letschta 4 sind denn in zweier-gruppa..
    aber total 650.- also inkl. versicherig etc. han ez apaar andri no verglicha, prisa sind öpa glich bis türer!

    ~~ Genieß dein Leben in vollen Zügen! In deinem nächsten könntest du ein Mann sein!! ~~

    Jo wördi au säge wen töff den was wo fägt und ned so ehn zwiiibackfrässi....



    Greez Mige

    No Risk No Fun


    Wenn du Gott siehtst, dann solltest du bremsen

    Zitat

    Original von NiReDrAoB
    Und vur Laistig her törfti diar fahra, oder? Also mit dr A1 unbeschränkt denn maini ...

    da ich min name jetzt scho 2x i dine threads glese han, hani denkt ich schriib min senf au dezue.



    also d'kategorie sind glaub chli durrenand grate... es gitt:
    A1: da müestisch du jetzt glaub 8h theorie/praxiskurs mache und den bechunnsch e bestätigung, mit dere gahsch ufs strassi und scho hesch du die kategorie. mit dere kategorie chasch du au scho einigi 125erli fahre eifach bis 11kw leischtig.


    A- (A beschränkt): mit dere kategorie chasch du es möppi mitere leischtig vo 11-25KW fahre. da muesch den ebe die 12h kurs abklappere, den wird din lernfahruswiis verlängered und den wend di wohl und sicher fühlsch, chasch ad prüefig. na en chline bonus... nach bestandner prüefig fangt e uhr a ticke... sobald du 2 jahr gfahre bisch, ohni scheiss z'baue, chasch du gad die gross kategorie (A) beaträge und muesch kei wiiteri prüefig meh mache.


    A (A) :grinning_squinting_face: : Königsklasse... chasch du eh nanig mache, bisch na zjung defür :winking_face: erscht ab 25. oder ebe nach 2jahr A-


    ich würd dir empfehle A beschränkt zmache (glaub die kategorie hesch ja au aapeilt, eifach undere andere kategoriebezeichnig).
    den würd ich dir au wiiters empfehle e 600er zchaufe und die drossle zlah (oder occ eini wo scho drossled isch). es isch es entspanters fahre, da du sicherlich meh drehmoment hesch als mitere 125er. und wend den die 2 jahr abgsesse bisch, chasch der bim mech schnell die leistungskur geh und mit de grosse prüefig offe umefahre.



    öhm ja... das währ den so miin sänf dezue gsi... chunnt den evt mal na meh;)

    Bremsen ist die Umwandlung hochwertiger Geschwindigkeit in sinnlose Wärme. :pinch:

    Einmal editiert, zuletzt von maini ()

    Schön gseit maini...
    Chauf kei 125 das isch alläs scheiss!!! SV650 isch würcklich än guätä Töff und äs git au guäti Occasione. Also isch ä Suzuki SV650. Ich würd wiä gseit äs Nakedbike neh, will erschtens sind d'Renner immer relativ höch und zweitens mühsam bi dä Prüäfig.
    Luäg suscht mol uf Motorradhandel döt findsch recht viel züg und chasch no kategorie ihschränke.

    RACING IS LIFE...ANYTHING THAT HAPPENS BEFOR OR AFTER... IS JUST WAITING

    hey merci für euri Tipps!


    Also so wia miar dia vur Fahrschual gsait het, törfi nur an 125er fahra. also weni prüafig für A1 beschränkt macha, denn muass as zwüscha 11kw -25 kw si. törf nit drüber si. Aber drosselt isch denn erlaubt? das het sie eba nit gsait..


    Hey iar sind super, bin froh hani mi bi eu agmolda!!! :grinning_squinting_face::grinning_squinting_face:


    maini
    tja, vu mairsch wirsch vermuatli no meh khöra, im bündnerland isch das a viel bruchts word.. *lol*

    ~~ Genieß dein Leben in vollen Zügen! In deinem nächsten könntest du ein Mann sein!! ~~

    wör aso au uf jede fall en 600er kaufe und drossle miteme 125 wersch äuä ned lang freud ha :grinning_squinting_face: so mach ichs emel d 600er choschte zwar meh aber i denke wend zersch en 125 und den en 600er chaufsch choschtets fasch s dopplet!
    greez skali

    Für Schreibfehler haften die Buchstaben


    Frag' nicht - Du könntest eine Antwort erhalten.


    Computer dienen uns zur Lösung von Problemen
    die wir ohne sie nicht hätten.


    R6 - Der schönste Weg der Fliehkraft in den Arsch zu treten

    also.
    Met de Autoprüefig chasch en paar stöndige kurs mahe, denn dafsch 125er bes 11kw fahre


    A- (beschärnkt) heisst, dass du jedi maschene fahre dafsch wo zwösche 11-25kw esch ond es gwössnigs gwechts leistigsverhältnis(noch em allfällige drossle) ned öberstiigt.
    Met der Prüefig chasch noch 2 johr fahre, vorusgsetzt kei grösseri sache wie höchi gschwendigkeitsöberträttige oder omfall, de atrag of A stelle.


    A chond för dech jo eh noni e frog...


    hoffe, dass du verstosch was ech meine.

    Triumph - Egal ob Unterwäsche oder Motorrad :engel:

    Gang aifach mol zumänä Mech und säg du bruchsch än Hobel für A beschränkt. Also 25 KW. den zeigt er dir was möglich isch. Zum dä Uswis bstellä muäsch würklich A beschrenkt neh. Und den bim Fahrlehrer verbi goh und du bisch däbi. :smiling_face:

    RACING IS LIFE...ANYTHING THAT HAPPENS BEFOR OR AFTER... IS JUST WAITING