help-bin neuling

Hanni-bal

Hmm jo aber so eifach esch das ned Und jetze ist es noch härter Naja aber ich wönsche allne glück wos billet möche

greez Mige

NiReDrAoB

Hanni-bal
warum isches härter?

All
kennend iar guati Autohändler wo au Occasiona hend im schöna Bündnerland? I waiss scho apaar, aber ob ma dena vertraua kann in dena Sacha, waissi halt würkli nita... *grübelgrübel*

Wheeler

hach ich lieb de dialekt eifach:D

aso i würd au a- mache, muesch zwar en lehrfahruswiis beaträge und muesch au na en praktischi prüefig absolviere, aber hesch eifach meh spass=)

NiReDrAoB

das i A1 beschränkt macha, das isch schomol klar.. Sus wäri jo blöd, will zahla tuani fascht glich vil, wia bir "normala" A1 ... Und dr Vorteil: noch 2 Johr kriagi ohni Prüafig etc. ds A1 unbeschränkt in da uswis itrait.. *freufreu*

maini

Zitat

Original von NiReDrAoB
maini
tja, vu mairsch wirsch vermuatli no meh khöra, im bündnerland isch das a viel bruchts word.. *lol*

who the fuck isch "mairsch" ?

öhm und na was... du wettsch ned A1 beschränkt mache, und du bechunnsch nach 2 jahr scho gar ned A1 unbeschränkt!!!
sondern

du wettsch A- mache und i 2 jahr bechunnsch A

fraue und kategoriebezeichnige *schnellwegbin*

öh... ne namal eis... wiso en autohändler? bisch na uf de suechi nachme auto oder hesch en töffhändler gmeint?

[SIZE=1]pppppppps: ja ich weiss, han zviel MOnk gluegt und bin jetzt au en kategoriebezeichnigsspingelist :D[/SIZE]

maini

ah ja... wasi na ha welle sege...

NÄTTS FOTI

Charlie

aso bündnerland wär dür mich nume eis in frag cho. gaht au als chlineri person zum fahre esch nume üebigssach. und zwar es MONO. aber wennt susch en töff wettsch wöri würkli en hornet oder en sv oder en bandit näh send netti töffli hend guete priise und bechunnsch au gueti occasine.

cu charlie

NiReDrAoB

maini

mair aifach mit n anstatt mir r lesa
Tja, au Bünderina könt Schribfehler macha.. haha

Hmm, i hans nur so erklärt, wias miar dia vunera Fahrschual erklärt het.. und dia het aidütig A1 beschränkt gsait!
Villicht isch au sie abiz beschränkt und hets miar aso wella mittaila? Nai saich, so gemain..

Ooook, i han TÖFFHÄNDLER gmaint..

Pünktlischisser du!

Hanni-bal

Zitat

Original von NiReDrAoB
Hanni-bal
warum isches härter?

All
kennend iar guati Autohändler wo au Occasiona hend im schöna Bündnerland? I waiss scho apaar, aber ob ma dena vertraua kann in dena Sacha, waissi halt würkli nita... *grübelgrübel*

Jo ich meine me hät doch alles uf prov oder ned ?? Und die Theorii fürs Auto usw.... weis ned aber Ag und Gr esch sicher ned so verschiede oder??

skali2

Zitat

Original von NiReDrAoB
maini

mair aifach mit n anstatt mir r lesa
Tja, au Bünderina könt Schribfehler macha.. haha

Hmm, i hans nur so erklärt, wias miar dia vunera Fahrschual erklärt het.. und dia het aidütig A1 beschränkt gsait!
Villicht isch au sie abiz beschränkt und hets miar aso wella mittaila? Nai saich, so gemain..

Ooook, i han TÖFFHÄNDLER gmaint..

Pünktlischisser du!

de ganz Tegscht bestaht ja nur us Schriebfehler nei Seich
EDIT:
Wegem Töffhändler chunnts natürli drufa öb du en Occasion oder en neue Töf chaufe willsch Occasione finsch am liechtischte öbers I-Net . Den chunts natürli au weder druf a was fören Töff dast willsch. Geht ja Suzuki Händler Yamaha Händler usw usw

NiReDrAoB

Jo wiaso Theorie? Dia muass i jo nüm macha... und VKU und Nothelfer au nüm. Isch nuno Grundkurs und praktischi Prüafig woni macha muass.. ?!
Sus het miar dia nett Dama am Telefon jo an kompletta schaiss verzellt...

skali2
joah, also i han eba no gaaaar kai Ahnig, was für a Gfährt mi denn begaistra wird... und denn gohni doch am beschta mol in as Töffgschäft, nita?

oder wia hend iar das so gmacht? I han bis jetzt eba no nit würkli Ahnig, was guat isch, uf wasi achta muass etc....

Mercutio

zerscht muesch wüsse, was mit em töff wotsch mache -> reise, tagestoure, rennstrecki, crosse, i'd stadt go poschte,....
wenn das weisch luegsch i de entsprechende kategorie, was es für töff zur uuswahl git, denn fahrsch vilicht eine, zwei probe und chaufsch der denn e günschtigi occasion. die vertiggsch denn irgendwenn wieder und weisch defür genauer, wass d'wotsch. und denn nimsch chli chole i d'hand und chaufsch der en geile töff.

PS: wenn en töff wotsch, wo alles chasch mache demit, denn chaufsch der e LC8

NiReDrAoB

hey mercutio!

hmm, also ikaufa bruchi kai Töff.. do muass ds Auto dra glauba...

Ne i will na aigentli für so Tagestourena und so Usflüg halt brucha.. Han nit vor zum ufd Rennstrecki goh, aber abiz pfupf sötter glich ha..

Jo das hani au denkt, i kaufa an günstiga occasion und weni denn abiz erfahrig han und so, denn waissi mir Zit sicher au besser, was so mini Favorita sind etc...

Danka diar für dini Tipps!