Back 2 Topic!
Also ab Werch hani au kei Powerwheelies gschafft, höchschtens mit de Gas-zue-Gas-uf-Methode. Nachem Abstimme und so wiiter schafft sie jetzt ganz guet Powerwheelies im erschte (Originalübersetzig). Im Zweite bi ungünschtigem Gas gee wirds vorne au ab und zue seeehr liecht.
Am Afang hanis au paar mal provoziert, aber lang hebe isch da nöd würkli! Mittlerwiile hanis ufgee Wheelies z'üebe, bringt eh nüt ussert peinlichi Versüech und wo möglich na en Totalschade 
Ich schaffe kei Powerwheelis. Zwenig Leischtig und zfill Gwicht und das no Vore irgendwo. Mit sehr churzer Übersetzig chani im 1 Gang voll ufrisse und es langet grad, dass de Länker aafang Pändle.
Zu dere Ganze Drehmomäntgschicht:
De Boo hät rächt 
. Die Aagabe im Leischtigsdiagramm sind vom Motordrehmomänt wo sich durch Radleischtig und Drehzahl uusrächne lat. Im Leischtigsdiagramm vom Lancezh staht niened das s'Drehmomänt im Hinterrad isch, nume d'Leischtig.
Wemmer über d'Hinderradleischtig usw. Rächnet chuntmer au uf söttigi Drehmomäntzahle am Hinderrad ;).
Wheelies hani scho mit es paar Maschine gmacht (GSX-R 1000, Yamaha Tricker 250, Suzuki DR-400Z), aber nume es paar Meter. Mit de Enduros bim Aafahre und mit de Gixxer im 1. Gang bi ca. 8000 r/pm chunnt er ufe. Wo denn's Vorderrad gstiege isch, hani schnäll glueget, das es wieder abe choo ischt. Ich cha also nöd würklech ufem Hinterrad balanciere. Mitem MTB üeb i da ab und zue, aber der entscheidendi Durchbruch isch mer nonig glunge. Wen i denn mal en billigi Schwarte han, denn üebi da sicher. Mit der Kawa isch's mer z' riskant.
