A beschränkt....wänn offe?

Prüefigsdatum, also das Datum wo im Uswiis staht.

chasch jo d drosselig widr usenäh..! s isch jo nid so, dassi das wie mit de töffli eifacht gschnäu ufem röueli chöi luege öbs zschnäu isch. wennsi wei luege öb d leischtig iihautisch müesesi dini maschine ufe prüefstang due, und das chöisi nid eifacht mit jedem töff mache wone grad übere wäg louft/fahrt..
und im uswiis steit jo de immer no 25kw..
und usserdäm merktme das jo amne töff nume aa dassr drosslet isch wennmene druffe gfahre isch.. usem polizeiwage chöisi das nid guet beurteile..

Seinzig problem isch das das fahre ohni Fahrerlaubnis isch und ime fall vome Unfall dVersicherig(falls si das naprüefed) nöd zahlt. Chan brutal id Hose ga, bsunders wenns mit Personeschade oder so isch.

Jo, genau da isch s'Problem.
Wenn im Vertrag 25kW stönd, und din Töff z.B. 80 kW het, isch de Vertrag ungültig.

D'Versicherig mues zwar glich zahle (Versicherigsrecht, en "normale" Vertrag wär denn ungültig), sie cha (und wird) dich denn aber i Regress nä, sprich du dörfsch ihre d'Schadenssumme wieder zruggzahle.
Und wie de Spike scho gschribe het: Bi Personeschade cha da RICHTIG tür werdä (do liged au 7stelligi Summene drin).

Alli Agobe ohni Gwähr

PS: Es söll Lüt ge wo mit 25 kW au scho Töff mit meh Leistig überholt hend

Zitat

Original von Wildcard
PS: Es söll Lüt ge wo mit 25 kW au scho Töff mit meh Leistig überholt hend

Das gaht au scho mit weniger als 25kW. Mer mun halt susch chli me Iisatz gä :). Chunt halt immer chli drufa wasmer fahrt.

Zitat

Original von Spike

Das gaht au scho mit weniger als 25kW. Mer mun halt susch chli me Iisatz gä :). Chunt halt immer chli drufa wasmer fahrt.

Am beschte e DT, mit 9kW!!

@ spike & wildcard:

abr s git jo härstöuer wod töffe müese blombiere, dassi z.b. vode abgaswärte überhoupt dörte iigfüert wärde id schwiz, bzw dassi chöi typeprüeft wärde, verchoufe düesise do abr när offe, abr im uswis steit d leischtigs aagab blombiert..

odr lig ig do fausch mit däm??

Ja das isch eso. Mini z.B hät 33kW im Uuswiis. Ich bruche au Kat. A zum fahre.
S'Problem isch das niemert die mit 33kW fahrt, git glaubs nöd mal de Drosselsatz uf 33kW. Mer chan si offe vorfüere, Polizei weiss dass all offe sind ABER mer chans nöd anders iiträge la will mir da ide Schwiiz so glatti Bürokrate händ wo halt a ihnre Forumular hanged öbs jetzt Sinn mach oder nöd.

Wies mit de Verischerig uusgset weissi aber ehrlichgseit au nöd, aber ich han dene nöd müse agää wifill Leischtig das si hät. Ich han das eigendlich mal welä fröge aber wider vergässe

Prüefig für Kat A chasch mit somene Töff nöd mache, han zwar me als 25kW, aber will die us Gründ wo ich nöd chan nahvollzie (das isch echt soooowas vo bireweich) no e zweiti Bedingig iigfüert händ, (min 0.16kW/kg) und miini chischte 240kg schwär isch langets da nöd. Da die zwei Sache so "glücklich" gwählt sind isches ez halt so das ich dezwüsched lige (1 erfült 1 nöd), sprich Kat A ha mun zum fahre aber Prüefig nöd mache dörf.

jo dasch eh e witz, vor churzem isch eine bim vatr im töff kurs gsi, dä het e 600er suzuki gha, e öuteri maschine, abr die het nid 35kw und drum chanr ou nid drmit ad prüefig, dasch sone gugus mitem nöiee gsetz..

Spike: Dass du mit de ZXR nöd a d'A Prüefig chasch lit nöd am Leischtigsgwicht, sondern will mer für da e Maschine mit mind. 35 kW brucht. Gwicht isch wurscht.

http://www.stva.zh.ch/internet…rer/kategorien/kat_a.html

Damit du e Maschine mit > 25 kW oder > 0.16 kW/kg fahre dörfsch, bruchsch du d'Kategorie A.
Für'd Prüefig isch aber s'Leischtigsgwicht wurscht, d'Maschine brucht eifach mindestens 35kW.

Isch im Prinzip völlig dämlich dass zwüsched de 25 und de 35 kW e Lücke isch, weis au nöd was die gschtudiert hend...

Häää, das isch aber neu dass das so döte staht (oder ich han das immer überläse 8o). Also das mitem Prüefigsfahrzüg.

Aber yeah, geil ich chan wäge 2kW nöd ad Prüefig, wie absurd
Ich findes echt langsam peinlich mit dere Regelig.

die lücke isch wahrschinlich damit gnueg pfupf hesch mit em experte uf em sozius.

isch jo frühner au so gsi. du hesch mindestens 250ccm brucht, obwohl s'billet für alles über 125ccm gsi esch.

Da sind aber di alte Töff dine gsii im Gegesatz zu de hüttige Regelig.