nei mit dem hani kei erfahrige, aber i ha dä Airho Dragen und de isch
+ Sehr bequem
+ Sehr liecht
+ Gueti Qualität
- nöd dä aller liiisligscht aber i finds nöd störend
das isch mal das wo ich zum Airoh Dragen cha säge...
Gruss
RoD
Ich han de mal uf de Rüäbe gha und ehrlichgseit fühl ich mich bi dem Helm absolut nid wohl.... Mir ischer sehr unbequem gsi. Het minere Meinig na viel zwehnig Polsterig drinne. Usserdem hani de underi Rand vom Helm chöne mit de Hand zämedrucke....
Am beschte gasch mal ga probealege..... Denn gsehsch ob das was für dich isch...
Gruäss Chrigi
naja sicherheit het sicher sin pris und wenni mal dra denke, dass min AGV 900hämmer choschtet und au die meischte andere tophelm vo z.B. shoei locker über 700stei choschtet, denn chan ein 290CHF helm eifach nüd glich guet sii.
vorallem d materialwahl isch teilwis doch recht unterschiedlich. chan under umständ bimene unfall druf ah cho, öbd e polycarbonatschale hesch oder e fiberglas, carbon kevlar schale und das sind halt eifach sehr türi werchstoff.
Ir erschter Linie isches wichtig DAS du UEBERHAUPT öppis uffem Kopf hesch
also zerscht muess er sitze, dänn söll er ned z'luuti windgrüsch mache ... sitze heisst, am afang darf es au ganz wenig drucke, bis es noche git.
aber es git unterschied öb jetzt 300 stutz oder 1000 oder sogar no vel meh usgisch, aber ich dänke so ab 700+ gits numeno gueti schüssle. 
drucke?
viel spass bechumsch sofort kopfweh 
sicher wennd de helm chaufsch isch er meischtens e bitzeli z chlii.
nach eme monet träge isch denn s polschter genau a dini chopfform apasst und er sitzt wie agosse.
isch bi mim AGV au so gsi
ditto bi mim shoei, wie bim neue Arai au so 
... noch passt perfekt! Am Afang chasch bi de stirn grad so 2 finger ufeschiebe und keis bitzeli rechts und links bewege. ... süsch machsch en Custom-Helm
Airoh isch eigentlich ganz guet vom Priis/Leischtigs verhältniss. Im tv isch bi irgendenem Töffmagazin en bricht über helm cho und derte hets eifach gheisse "Wer einen Helm für 300.- kauft bekommt nicht die Sicherheit eines 800.- Helmes".
Integral han ich en Caberg mit enem zuesätzliche sunnevisir. Hanen dato bim 3w g'kauft für 699 astell vo 799.- , bis uf de fakt dasi en es bitzeli luut finde ( also vo de windgrüsch ) bini suscht top zfride.
Weli helm asuschte no günstig sind und immer guet abschniidet sind Shark Helmets. Uf jede Fall mit jedem Helm e Probefahrt à 30min-1h mache.
allerdings chasch nüd nüme uf'd marke gah
shark und au AGV hend nebed ihrne topprodukt au no e billiglinie. gseht vom design her fascht identisch us, doch sind halt us polycarbonat und s design isch meischtens nume ufkläbe. die choschtet denn au so um die 100-150euro sind aber bi wiitem nüd so guet wie ihri fasch identisch ussehende markekollege wo halt um die 450euro und meh choschtet
isch halt so, dass für gueti schutzchleidig nomal einiges muesch rechne....
Helm ca 700
Kombi ca 800-1500
Händsche 150-300
Stiefel ca 300-400
Ruggepanzer ca 100
ja das wärs glaub.
macht also nomal so 2000-3000 CHF. (alles jetzte ca. prise für doch relativ gueti schutzchleidig) mer chan aber alleige für es kombi locker 3000CHF usgäh...aberöbs denn nomal so viel sicherer isch als eis für 1500 isch halt d frag.
wichtig isch dass eifach alles super passt.
Ich han jetzte zu de Reiseenduro eifach de 2teiler, wenni denn irgendwänn e racer han ( denn nüme 25kw ) machi mal bi de aktion vom hostettler mit und lahn mer en kombi ( massgschnideret vo IXS ), helm, händsche, stifel, ruggepanzer gönne. die hend da immer e aktion also es fangt ab 2.5k ah, bekannte het letschtsjahr sis züg so gkauft für 3.5k astell vo 5.5k
greeZ
cedi
