Wasser im Zylinder

    salüü zämme!


    Übers weekend hets jo rächt gstürmt und hüüt morgä eschs ned besser gsi..

    Also benni ned mitm töff go schaffe!

    Be vor zwe std. haicho und mini fründin het mir no aglüte und het mir vrzellt min töff hettis umkippt! Sie hegis leider ned chönne lüpfe und i sell mol go luege.


    Da hanni vori äh gmacht und joo.., min heck esch chaputt gange, d verchleidig und dä lenker verboge!

    Dasisch jo min chliinste problem da i diversi ersatzteili han. Alles wa chaputt gange esch channi also selber ersetze!

    Ha dä töff natürli dänn äh probiert azloh, esch abr ned gange. S erste wonni überprüäft han esch cherze, benzinhahne, schlüchli und e-tronik gsi.

    Sowiit alles i.o! Dä töff hanni dänn probiert azstosse im zwoite gange, dasisch recht streng gange (süst eigentli niä so) noch öppe füf meter ghöri sones wasser tröpfle!

    Usem uspuff esch wasser usecho (lol) !

    Es het demfall drigschifet! Mit grosser wohrschindlechkeit hets äh wasser im topf und zylinder dine!

    Mini frog wär also noch grossem vrzelle!

    Wenni jetzt da wasser usleer und alles tröchne lohn und alles wieder zämmeboue öb da irgendwelchi gfahre bestöhnd ?! Cholbefrässer ?!

    Wet da efoch selber mache will i ke lust han hundertig vo franke anen mech z zahle wennis selber chönnt mache!


    Dä töff wetti eh geg dä summer verchaufe wills mi nüme reizt eh 50ccm z fahre! drum wetti JOO ned geld dra investiere müesse wenns ned nötig esch!


    merci fürs läse und eventuelli bemüähige ^^!

    Kennst du das Gefühl wenn du am Limit bist und deine Maschine kann noch viel mehr? Naai, i ha eh 50er :face_with_tongue:

    wie ish denn s wasser usem uspuff cho? nur tröpflet oder sone richtig chline bach?

    Listen to many, speak to few

    ken bach, n fluss :D!

    Nai also, s het ned nume tröpflet! S esch richtig usegflosse!

    Kennst du das Gefühl wenn du am Limit bist und deine Maschine kann noch viel mehr? Naai, i ha eh 50er :face_with_tongue:

    das isch komisch. meischtens gat s uspuffrohr vom zylinder her richtig bode und stigt nachher wider ah richtig schalldämpfer. wenns der also in uspuff schiffet, söt sichs wasser det une lagere. da bruchts scho recht vill wasser bises in zylinder ine chunt! ich tippte uf en trochne zylinder....und wenns wasser drinn hetti, chönt ich mir vorstelle dases au in motorblock gloffe isch, das heisst es heti jetzt zunderscht ide ölwanne wasser. lan mal bzeli öl ab und lueg ob reins öl oder zerscht chli wasser chunt.

    Dä töff esch jo äh glege ned gstande (heck am randstei, front geg abe)! s esch ebe scho recht viel wasser usecho! I ha mi wüüki verwunderet.

    Schätze scho sichr n liter odr meh! s wasser esch jo ersch usecho wonni dä töff agstosse han!

    Wo dänn ke wasser meh cho esch! Hanni dä töff steil uffere rampe gstellt zum luege öb no wa usechunnt! S esch zwar nüüt meh usecho esso abr velecht hets jo trotzdem no wa dine!


    Merci für dä tipp! i luege dssi da überprüäfe chan!

    Kennst du das Gefühl wenn du am Limit bist und deine Maschine kann noch viel mehr? Naai, i ha eh 50er :face_with_tongue:

    Einmal editiert, zuletzt von LiMuBai (19. März 2007 21:29)

    wennd glück hesch muesch nüüd mache, würd d kerze usenäh und luege das gar kei wasser meh im zylinder und im uspuff isch. denn tröchnisch d cherze und chasch chli benzin in zylinder tue. würd au no luege das de vergaser kei wasser im schwimmer hed. denn probiersch n eifach ganz mängisch ahzlah, denn klappts scho. isch jo en 2takter denn passiert scho nüd...

    sind scho mideme alte Post-töffli ine gunte gfahre und de ganzi motor isch under wasser gsi. denn hend mer de cheib usegholt und ufs hinderrad gstellt, sind sicher es paar liter wasser usecho. denn hend mer öpe 15min probiert ahzlah, und es isch wieder gloffe. die 50ccm sind unkompliziert und meisstens stabil ufbauet, bringsch fascht ned kaputt.

    Das stimmt die laufe und laufe gseh ich a mim ciao wo ich no haa das esch jetze 7 jährig und lauft alltag möcht ned wösse wie viel km de motor scho ufem ruuge hät :winking_face: paar 1000ig

    Greez Mige

    No Risk No Fun

    Wenn du Gott siehtst, dann solltest du bremsen

    thx fürd tipps leutz!


    ha jetzt entli mol ziit gfundä dä töff z repariere :P!

    es lauft wieder aber dä schalldämpfer dämpft nüme :grinning_face_with_smiling_eyes:

    heck no wechsle und dänn esch er vom üsserliche her legal fahrbar :winking_face:


    cYa

    Kennst du das Gefühl wenn du am Limit bist und deine Maschine kann noch viel mehr? Naai, i ha eh 50er :face_with_tongue:

    Einmal editiert, zuletzt von LiMuBai (30. März 2007 18:19)

    Salü zäme
    Der Piaggiomotor isch halt en Drehschieber. Je nach dem, wie KW stoht, cha nüt oder alles passiere.
    Und wenn, den isch der Motor und KW innerer halb Stund usbaut und d`Lager chasch i derer Zit au no uf C3 wächsle. :face_with_tongue:

    Gruss Daniel