so ihr leuts. ich wott mir en camcorder inklusive helmkamera aschaffe und bin do echli geteilter meinig resp. würdi gern chli vo euere erfahrig/meinig mit videos mache ufem töff i dem thread sammle.
also zerscht mal zu dä helmkameras (das thema hämmer zwar schomal gha aber hie nomal e uflischtig vo allne gschide hersteller woni gfunde han):
HelmetCam.com (sehr robuschti kameras inkl. recorder)
bulletcam.com (sind sehr günschtig defür bütets kein recorder aa)
archos camcorder mit accessoir minicam
also das wäred mal die minicamlösige woni weiss, wenn ihr no meh kenned, numme anne mit.
jezze isch eifach mini frag wo sich stellt. Welle camcorder ziesch dr für e helmkamera? es git 3 arte so wien ich das gsehne wie dä recorder beschaffe sii sött.
1. Analog direkt uf es band recorde
2. digital uf e integrierti feschtplatte wie z.b. bim archos
3. digital uf e memory card
so, was isch jez beschte dem? Also ich würd säge s'recorde uf e digital memory card isch die bescht variante wegg dä erschütterige wos git dänki isch da d'feschtplatte chli ufem holzwäg.
jezze aber welle player söll mr da näh? die bi helmetcam.com händ sonen recorder wo ufe memory card schriebt, isch die öbbis wert?
wie gsehts mit dä stromversogig us, welle camcorder hebt da lang durre welle nid?
was für memorycards händ ihr drinne und wie lang chönd ihr öbbe en film übere helmkamera ufnäh?
bin mal gspannt uf eui antworte 
d'camcorders söttet übrigens über AV-In und Lanc verfüege!
