was händ ihr alles gmacht a euem bike?

zric · 27. Dezember 2004

normale krümmer sind rund........serpent krümmer sind oval..........strömungs optimiert

Borsty · 28. Dezember 2004

Hi Zäme
Auso, ig säge mau was gmacht isch gsi u em Motor gänderet isch. Das blibt ja bim Umbou
Motor:
-gändereti Stürzite bi de Nockewälleritzu(gschlitzt u versteut)
-gschmideti Kit-Chöube
-Zylinderchopf nachegarbeitet, vorauem poliert u de wider Glasperlstrahlt
-Plöiu u Kurbuwäue erliechteret u poliert u tariert
-Kes Pulsair, da d'ZXR us Frankrich isch
-39ger Keihinvergaser mit Dyno-Stage 3
-Remus Carbon Uspuffalag
Fahrwerk
- Öhlins-Fäderbei
- Öhlins-Gabufädere
- Kawa Wärks Magnesiumreder(hani Schwein gha wiu se vom Bolliger Rennteam übercho ha.
-Heckhöherlegig (Kurvefrässer mit kurzem Radstang)
- Aus was me cha entbere demontiert. (205kg Voutanket)
-Grüeni MRA Schibe
Ha no öppis vergässe
-Spiegler Bremsalag u natürlech o d'Brämsleitige
Was itze gänderet wird.
Z'ganze Heck it LED-Rückliecht
Kürzte Rahme usem Dütsche mit Brief damit ig die voui Leischtig cha la itrage us e Typeschin X git. Supertrapp Komplettuspuffalag, 39ger Keihin Flachschieber mit Trichter it Airbox(Damit mes nid gseht ). Rahme blau eloxiert u nachepoliert(Danke a Woufi), Heckungerzug chürze u chli apasse.
So, das isch öppe aus. Gseht, es viu Büetz u vilech gits de o a Fighter drus. Weiss no nid. Teili wäre vorhande u gmacht isches schnäu
Gruess

wr_freak · 3. Januar 2005

also mis Schätzli isch ständig im Umbau, aber momentan:

- Rückliecht Acerbis
- Mikuni Flachschiebervergaser mit BPumpe
- Auspuffendtopf KLX R
- Vollverstellbares Federbein KLX R
- Klappbarer Rückspiegel Acerbis
- 17" Supermoto Felgen als 2. Radsatz mit originalen Naben

und suss hani diverses unnützes Zeugs abmontiert (Blinker, Gepäckträger, Spritzschutz, etc.) und somit sGwicht vo 170 kg uf 155 kg abebrocht... aber sgoht no witer aber da chunt denn mol ...

ravi · 3. Januar 2005

hahahaha... es schtuk blei mit reddär

wr_freak · 3. Januar 2005

Zitat

Original von ravi
hahahaha... es schtuk blei mit reddär

naja... mis stuck blei isch wenigschtens zueverlässig und lauft immer und fascht gratis und en LC4 isch nöd wessentlich liechter wie min KLX jetz

Sändy · 3. Januar 2005

Ha au no es paar optischi Sächeli gmacht.....

- Soziusabdeckung
- Fussraster hinten weg
- Blinker alle weg, den Stromverlauf von den Blinker vorne ins Standlicht verlegt und das Standlicht anders platziert, anstatt Blinker hinten hab ich ein Rücklicht mit integrierten Blinkern
- Spiegel weg
- KZH umgebaut (ohne Rahmen)
- schwarze Scheibe
- Felgenrandkleber
- höhergelegter Stummellenker (kommt noch)
- Ganganzeige
- elektr. Schmieranlage

Jo i glob da isch vorerst mol alles!