Yamaha R-Fun day stage 2 9/10 Aug @Dijon

    also leutz ha gad mal gphoned mit em herr mazanares und er meint 1 boxe würdi öppä so um die 70euro zahle... ich denke mit 7töffe drinn plus gepäck chönt mer sich also heimelig iirichte mit ligestüehl etc.


    also für mich isch die box wahrschindlich die schlaf, usruebmöglichkeit wonich wird wähle. hotel gaggt mi ah na det usefahre und den na soviel kohle liege lah. bruche ned würklich viel komfort für die 2 nächt :winking_face:



    wenn ihr wend, würd ich die böx organisiere, schriibed mer doch e pn.

    Bremsen ist die Umwandlung hochwertiger Geschwindigkeit in sinnlose Wärme. :pinch:

    also ich mues au keis hotel haa zum übernachte. luftmatraze + schlafsack und guet isch. i bin debiii bi dr box!!


    maini, bisch du demfall jez definitiv debiii?

    Cry mich ein river ! :ugly2:

    Einmal editiert, zuletzt von Hypi ()

    Ich han scho alläs usgfüllt, sobald einä seit er chunt definitiv, bin ich däbi...

    RACING IS LIFE...ANYTHING THAT HAPPENS BEFOR OR AFTER... IS JUST WAITING

    sodeli, de herr mazanares isch also scho en flotte typ, hett d'finazfrag gad na definitiv abklärt und es gseht wie folgt us.


    1box für die 2täg hett letscht jahr 250 euro koschtet. es bestaht d'möglichkeit das mer nur die halb box mietet und den halt es anders grüppli na i de box isch. ich denke wenn mer 10 lüüt sind, den chönted mer doch gad e ganzi box miete. (brüchtet mer also nur na 7 :grinning_squinting_face: )


    wie gsehnd ihrs eigendlich mit usefahre?


    ich han letscht jahr gmerkt s'optimalste währ am 8te z'aabig usetätsche und am 11te am morge wider hei fahre. aber wend erscht am 11te wider hei fahrsch hesch 1ferietag meh wod verbrucht hesch :ugly5:
    ich wirdes wahrschindlich wider so mache das mer am voraabig usefahred. wies den am 10te zaabig usgseht weiss ich nanig...


    was ich eigendlich han welle sege... muen glaub na abkläre öb mer d'nacht vom 9te uf de 10ti scho chönnt die box als übernachtigsmöglichkeit benuze, will suscht sind mer ja wider vor em gliche problem... wo penne?



    also ich bin leider nanig definitiv debii, da bi min neue brötchengeber lüt mit chinder schaffed, hend die i de summerferie en gwüsse vorrang mit ferie iizieh. (isch ja a verständlich) drum wird ich das sobald ich wider gsund bin mit em chef etc. bespreche und den weiss ich seb au definitiv :mad:

    Bremsen ist die Umwandlung hochwertiger Geschwindigkeit in sinnlose Wärme. :pinch:

    also ich bin definitiv debiii, han das nomal mit dä ferie abchecked, i wird hüt dä zeddel usfülle und morn abschicke


    nimmsch du jez äs hotelzimmer?


    maini: grats zur neue stell wenn ich das jez richtig verstande han :). da sött ja scho öbbis z'mache sii wäge denne 3 täg ferie.


    also ich würds au so mache erscht am 11te am morge heifahre, händs jo scho z'anneau gmerkt dass mr am abig völlig futsch sind :winking_face:

    Cry mich ein river ! :ugly2:

    Einmal editiert, zuletzt von Hypi ()

    Hmmm jo das mitäm Hotel isch jetzt äbä d'Frog, aber wenns möglich isch i dä Box z'pennä denk ich penn ich i dä Box. Usäfahrä würd ich au scho am 8te. und dä 11ti isch jo den sowiso Samstig, also nüüt mit Feriä machä. :winking_face: (guät je noch dem wo und was das schaffsch). Ich weiss nonig, aber ich werd versuächä am Fritig obig also am 10te wieder hei z'fahrä, usser mir bilded ä gwüssi Fahrgmeinschaft.
    Uf all fäll schick ich jetzt dä Zettel morn ab und reserviärä mol no keis Hotelzimmer, das chönt mä jo ev. nochträglich no, oder halt grad selber falls diä Gschicht mit dä Boxä nöd würd klappä.
    Also ich bin definitiv ahgmoldä ab morn. :winking_face:

    RACING IS LIFE...ANYTHING THAT HAPPENS BEFOR OR AFTER... IS JUST WAITING

    No ä Frog, wo trägäd ihr eu ih wägä dä Gschwindigkeit?
    Ich han denkt ich wählä mol zügig also s'langsamschte, kennä jo d'Strecki eh nonig und döt wirds jo doch dä eint oder ander Raser däbi ha. :winking_face:

    RACING IS LIFE...ANYTHING THAT HAPPENS BEFOR OR AFTER... IS JUST WAITING

    hmmmm, i bin mr do noni sicher, aber i glaub i nimme sport. uf anneau isch mr idr langsamschte gruppe eifach zviel im wäg ummegstande, aber racing mues es denn au nid grad siii ;). chan mi ja wahrschinli immer no abestufe lah falls es z'krassi racer drin het.


    ich dänke scho, dass mr wieder e fahrergmeinschaft bildet, isch emmel sinnvoller als das alli einzeln gönd.

    Cry mich ein river ! :ugly2:

    Jo äbä ich han denkt falls den z'vill Verkehr hät, wechsle ich den Gruppe halt no. Aber äbä für dä erscht Tag tuäts zügig wohrschindlich scho. :winking_face:

    RACING IS LIFE...ANYTHING THAT HAPPENS BEFOR OR AFTER... IS JUST WAITING

    stimmt... da isch ja dunstig friitig... das würd ja voll fägig passe. mittwuch aabig nach em schaffe schnell abedüse und ga penne, dunstig fritig race und am samstig gmüetlich hei fahre... muen mer den halt nur na luege wo mer die 2 nächt chan verbringe.


    weg de gschwindigkeit... mir sind letscht jahr all zeme i de zügig gruppe gfahre und ich hans gad optimöse gfunde. evt chönnt mers bi de sportlich probiere, aber rennsportlich die gönd den scho anders ab.


    luschtigerwiis hends mer letscht jahr es chläbi vo de rennsportliche geh, zum glück hend mers voranne gmerkt gha :mad:

    Bremsen ist die Umwandlung hochwertiger Geschwindigkeit in sinnlose Wärme. :pinch:

    ja aber ich denke mittlerwilä wirsch ja wohl scho zu dä sport fahrer chönne nid? i wott eifach nid immer lüt überholä wo kein plan händ wie mr einigermasse gschid id kurve liiit. isch das i dinere gruppe letschtmal denne nid so gsi??

    Cry mich ein river ! :ugly2:

    Äbä wiä gseit ich han mich bi zügig ahgmoldä für dä Ahfang und wen ich den d'Strecki kennä und mir immer alli würäd im Weg stoh wächslä ich vor Ort, aber äbä ich chum sowit au allai zrecht, wenn ihr Sport fahräd, isch mir das au recht. :winking_face:


    Wägä dä zwei Nächt vor Akunft und abreis, muäs mä halt luägä villicht wär döt den glich äs Hotel ahbrocht.

    RACING IS LIFE...ANYTHING THAT HAPPENS BEFOR OR AFTER... IS JUST WAITING

    Wäg dr Box, ir Regel ischs so dass d Box am Vorabig chasch bezieh. Am letschte Verastaltigstag am Abe mues si jewils wieder grumt wärde.


    Süsch nachefrage bim Hoschi.