Rechts überhole lohnt sich denn au nöd...

    Zitat

    Auf Grund der vorliegenden Akten sehen wir uns veranlasst, unabhängig von einem allfälligen Strafverfahren, ein Administrativverfahren einzuleiten (Entzug des Führer-/Lernfahrausweises)


    Begründung:
    Vorfall vom 07. Oktober 2006 in Neuenhof / Autobahn A1
    - Rechtsüberholen auf einer Autobahn



    Ich hoff das die uf min Wunschtermin igönd und ich s'Permi erscht im Februar abgeh muen, den chani no d'Autoprüefig mache ( Fahrlehrer het mi scho agmolde ).


    Ich wott ke Mitleid oder so, hans einfach use lah müsse :face_with_tongue:

    uuuuuups do het de cedi aber öpis illegals gmacht :ugly: nei das tuet mer leid wegem entzug

    Ja und hend dich unseri Kollege gfilmt odr het s eine uffgno odr wie isch es dazue ko ?


    Und grad Uswisentzug? Die spinne doch langsam....

    Jage nicht, was du nicht töten kannst

    Zivile rote Golf 5 GTI mit AG Nummere, Spoilerkit nöd lackiert, g'tönti schiibe -.-



    Sind mer hinterher gfahre und hend mi denn usegholt. Uf d'frag ob's es Video hettet, het er's mir verneint.


    Han's jetzte mal de Rechtsschutz geh, söllet die sich mit dene striite.

    Ja sind abr zu 2. gse odr??


    Sunscht isch es jo Ussag gege Ussag, abr wenn s Zivil sind, hesch schlechti Karte, obwohl wie gseit, Beweismittel hend si jo au nit....


    Sogar mit eme 5 er GTI und Spoilerkit, ma muess echt uffpasse hützutag....

    Jage nicht, was du nicht töten kannst

    de rot golf kenni ond passet au uf wenn der en dunkelblau opel vectra (neueres modell) gsänd! das esch au e bullewage met 300ps!

    Jetzt bruchsch wenigstens kei Gäld meh für Most...und chasch der viellicht es aständigs Gschoss kaufä. Soviel wie du wotsch i dies Moped investiere, spahrsch dir lieber :winking_face:
    Immer die positive Sache ussezhie, us somenä Ereigniss.


    SOK

    Zitat

    Original von Cedi
    Bin gad am überlege ob ich de Töff ganz verchaufe söll...


    Han en Audi A3 1.8T gfunde wo mer gfallt...



    Weiss nöd ob sich das lohnt...Ich würd min töff nie verkaufe für es Auto und scho gar nöd für en A3. Vorher würd ich es billigers Auto fahrä. Übrigens: Bruchsch ja i nächster Ziet gar keis Auto. :face_with_tongue:


    SOK

    ja aber cedi jetzt häsch doch so intensiv für en wintertöff gluegt und gsuecht und jetzt chasch nödemal fahre wenns richtig beschisse winter isch uf de strasse... het sich nöd glohnt hetsches dir lieber gspart (ja klugscheisser bla bla bla :face_with_tongue: )

    Zitat

    Original von Cedi
    SOK 5'500.- für en 97er Jg. mit S-Line Usstattig und passende Felge, also ke ufdringlichi, eifach eleganti :face_with_tongue:


    Ja easy mach was d'wotsch. Würd mer das Gäld ufbhalte

    ach cedi was machsch au für sache.....



    aber wegem golf und dene sogenante böse zivile polizeifahrzüg....



    e kollegin schaffed bi de argauer bulle. vorher bi de zürcher und han sie denn ebe au mal gfräged wie das so isch mit de zivil wäge.


    D bulle hend scho es paar zivil wäge mit videokameras drinne zum raser jage. aber susch derfeds zum go blitze gah usw au ihri private wäge näh. drum gits kein typische zivilbullewage wie die grusige opel omegas meh.


    also au en ferrari chan en bullewage sii, wenn sich de bull de charre leischte chan und grad mal demit uf temposünderjagdt isch. sie müend eifach z zweite sii wenns kein video an bord hend.


    die woni kenne fahrt au amigs mit ihrem BMW cabrio uf raserjagdt.


    also lieber luege öb eine oder zwei drinne hocket...und no besser fiach kei illegals zügs mache.


    dass es de uswiesentzug verschiebed damit du d prüefig mache chasch denki eher nööd.....


    wär irgendwie unlogisch, wenns eim wos de uswies entzieh müend well er scheisse baut het no ermögliched e anderi prüefig z mache.



    und wegem auto....


    audi's sind gueti langlebigi auto's, doch genau de 1.8T würdi mer nie chaufe, well das mit abstand de am heftigschte quälti motor isch wod imene audi chach chaufe.


    denn lieber irgend en 2liter oder grad de 3.2liter. isch halt einiges türer, doch das sind die standfeschte audimotore wo au guet mal 250'000 und meh kilometer wunderbar ohni irgendwelchi reparature laufed.


    de A6 3.0 quattro vo de eltere lauft wie neu het aber scho 2.5 jahr und 70'000km uf em buggel

    SUZUKI - selbst unter zweifelhaften Umständen klappt´s immer
    SUZUKI - SUche ZUverlässige KIste
    SUZUKI - Schnell und zügig um Kurven irren
    SUZUKI - So ungestüm zieht überhaupt kein Italiener

    Einmal editiert, zuletzt von DonBosco ()