K7 pics

Ich find sie irgendwiä au no glatt und äbä wen dä Laby diä Gschicht id Hand nimmt, gsehn ich do jetzt scho ganz äs schöns Töffli...

also ich bin hüt mal d'1000iger K7 go probefahre. mues mal chli mini meinig dezue abgäh

Fahrverhalte +
zimmli agil i dä kurvene allerdings echli schwammig wies mi dunkt het, chönnt au am reifedruck ligge
Leischtig ++
zieht extrem geil unne use, zum wheelies mache perfekt, ich han fascht numme gmacht mit dem ding
Soundkulisse ++
seehr seeeehr geile sound, wobi er eigentli fascht dä glich isch wie bi dä 600er wennt en drucksch, muemer halt eifach mal erläbt ha
Sitzhaltig -
zimmli beschisse, ich mein ich bin ja numme 1.76 gross aber ich bin mr extrem zämequätscht vorcho, meh chönnt d'fuessraschte sicher no verstelle nur das macht s'nächschte au nid weg
Uspuff --
er gseht nid nur hässlich und nach tourer us, nei er chunnt au extrem in wäg. dä vorder teil vom fuess chasch nid uf d'raschte setze will er denn suscht am uspuff achunnt und das bedütet: it buuuuuuuuuuuurns das het mi extrem ufgregt bim kurvefahre und ich chan mr nid vorstelle wie mr mit dem teil uf dr rennstrecki fahre wott eso. do händs eifach totale shit baued. hoffemer mol dä designer wird entloh und dä neu vo yamaha grad mit

also mis fazit R1 > K7

muesi wohl au mal go probefahre.

vielicht nächscht wuche. und mues ja eh so imene halbe monet mini gixx in 12'000er service bringe. denn muesi mal luege, dasi e neui kilo als ersatztöff zum teschte bechume

wenn sie no meh druck vo une use het wie die alt, denn isch sicher ganz geil

wege de töpf und dem komische fake carbon zügs muesch halt grad als erschts nach em chauf vom töff mindeschtens nomal 3mille id händ näh, bis er guet usgseht und das isch sicher nüd so optimal....

Bin si am Dunschtig au gfahre. D Sitzpositioni find ich au echli "gwönigsbedürftig", aber de Rescht isch eifach nur top und gewaltig. Mit de Uuspuff hani kei Problem gha, han aber au zimli chliini Füess.

Wänni s Gäld hett würi mer sofort eini zuetue

hmmmm

bestaht denn vielicht d gfahr, dass ich denn mini 600er nümm wott????

glaubs denn gangi sie doch nüd go probefahre...

Die Gfahr bestaht zu ca 98.7%, leider

naja geld wirdi wohl ersch wieder für e k10 hah, wenni nüd irgendwo öppis gwünne *hoff hoff*

naja, ich weiss jo nid wo du dini füess hesch, aber ich stell dä vorder teil vo mim fuess uf d'fuessraschte idr kurve und mit schuenummer 44 heisst das burn schueh buuuuuurn. es geit eifach nid will er in wäg chunnt und drum isch dä töff au unbruchbar. wemmer no meh gäld id hand nimmt und dä topf konsequent nid hinder dä fuessraschte durrezieht hesch rächt mit dine 98%

Ja, mit Schuegrössi 39 hani das Problem halt nie. Usserd bi de neue Z 750. det isch d Fuessraschteaalag e totali Fehlkonstruktion

hm..d k7 het ja das mitem kippschalter und dene 3 modi, findi na interessant, de eint modus c isch wiene 600er vode leischtig, b isch wie 1000 aber ned so aggressivi gasanahm unds A isch full power..

aber d töpf findi eifach beschisse..aber das chan ja gänderert werde

Also ich han d'K5 vo de Probefahrt her einiges Besser gfunde. Vor allem d'Brämse sind bide neue wohl en scherz am Rand. Zieh muesch wie en blöde demit mal es bitz verzögerig wahrnimmsch. Also miini 600er K3 mit normale Brämssättel aber radialer Pumpi tuet da einiges brachialer, und da isch "nume" e originali Nissin-Radialpumpi draa!!!

Ebeso hät mi d'Power une use einiges me tunkt bi de K5 (K6). Endpower chani vo beidne nöd beurteile da ich vonnere 600er her scho extrem anders gwohnt bin

Das mit de 3 Leistigsstufe isch so e Sach...

Uf stufe C (ca100PS) weissi ned was obenuse passiert, aber unde use zieht si au denn no vill besser als e 600er. Modus B isch relativ gfährlich, denn sobald Vollgas gisch schaltet's automatisch in Modus A und denn gits en gwaltige Ruck. Also ich wür nur Modus A fahre und vilicht i de Stadt und Dörfer Modus C zum Benzin spare, vilicht au bi Räge.