Hallo zämme
Bi scho lang nüm do gsi 
Grund, bi ebbe vo Basel uf ZH züglet. und jetzt chunnt au scho mini froog.
Weiss öpper obs neume in dr gegend Dietlikon,Walisellen,Bassersdorf,Glattbrugg e Kawasaki Wärkstatt git. Oder en guet Mech wo günstig und fair isch wenns so um service, riefewächsel, etc goot. wahrschynlich wär e kawasaki verträter scho s'bescht oder?
Merci !!
Isch nid grad am Weg, aber gang doch uf Keiserstuäl. Dete isch de Ralf (d`Werkstatt heisst Bike und Custom Corner)
Er macht mit abstand die billigste Reifepriise!!!!!!
De emil-weber in Winkel isch zwar nöd für günstigi Service berüemt, er git eim aber immer en gratis ersatztöff und den ersch no ein geile. und isch au e ktm und kawavertretig
vo mir persönlich isch dä weber ned so z empfele, wie au dä moto91 nöd...
chasch mal DA go luege..
Isch was Reife und service abelangt verhältnismässig sehr günstig.
Halt eher uf Susi spezialisiert, aber macht alles (au mini Honda und am Cedi sini yami);)
ZitatOriginal von slash79
Perfekt! mini fründin wohnt grad näbedra!, das isch dä bim Kö Fitnesscenter gäll?
merci füre tipp
Ja genau, isch grad döt um dä egge ¨
ja biddeschen
Nitro
Hesch schlechti erfahrige gmacht mit de Moto91 und em Emil Weber??
Guät die bim Moto91 sind chli schräg druff aber eigentlich ganz hilfsbereit..... und bim Weber bini ersch eimal gsi...
Sägemer mal so, vom weber hani scho drohige becho will er äs puff i dä buechhaltig gha hät und s gfühl gha het dasi nani zahlt hegi (guet isch au scho ca 8 jahr her aber egal). und wänd in lade gasch und ned grad äs volls Portemonaie häsch(also nur mal wotsch luege) chönds scho rächt unfründlich sii..(moto91&weber) Und bim moto 91 mal chli in obere stock go kleider aluge gange, dän häter müese hinedristiefle zum luege obmer was chlaued oder so, und wänd ä frag häsch wieder dävoglaufe.. Oder mal gfragt obi ufs WC darf, hani dä chef im hindergrund nur ghört säge "die chömed au nur zum schisse da ane"... Und hald sust na paar sächeli wo mer ned passt händ, und priis/leistig gits einiges bessers (da chent glaub dä Cedi na äs liedli dävo singe..) i finds eifach alles in allem beides unfründlichi kapitalischte.. 
ja das mag ja scho si...
bim weber han ich au scho ghört, dass er rächt uff dä kund mit äm nötigä chligeld fixiert isch, isch ja au keis wunder als porschefahrer! dä moto91, han ich mini susi her und dä chef isch ja scho chli hochnäsig zum salop ussdruckä, doch sini mechs find ich sehr fründlich und zuvorkomment. also das mit dä ganzä negativ kritik gägä moto91 chan ich leider nöd ganz verstah! den schlussendlich han ich lieber än hochnäsigä, dä für s'bike immer top gmacht, als einä wo fründlich isch, dafür chan ich 3mal zu ihm secklä weller d'helfti nöd gmacht het....
no gschnäll wägä dä reifä, ich glaub rum züri gits kein billigerä wie dä pneuhus-wegman in dagelswangä (effretikon) für töffpneus, doch leider immer no z'tür. drum gang ich immer is dütschä. sicher 30%billiger
Wie scho gseit.... de moto91 han ich au als chli hochnässig empfunde und de Weber kenn ich hald na zwehnig.
Betreffend Pneu:
Ich chas nume wiederhole. Bike und Custom Corner in Keiserstuäl (nöchi Zurzach)
Han mer jetzt grad vorne und hinde neui Michelin Power (1x 160er und 1x 120er) druffmachela und han 520.- zahlt.
Chrigi, über bruegg ca. 5km zruggfahrä und denn hesch für s'glichä nur ca.400 - 450 .- zahlt....ja gewusst wo...
Naja... niemert isch allwüssend...
Aber Merci für de Tipp....
PS: Müstisch denn d`Gümmis nid na verzolle???
Ciao Slash.
Ich kann dir Centro Aprilia in Dietlikon wärmstens empfehlen.
Sind in der Nähe vom Pathe.
Ist zwar n Aprilia Vertragshändler, aber es werden alle Marken angenommen und der Service ist perfekt.
Kannst ja auch einfach mal auf nen Caffee bei Ihnen reinschauen.
Hab mit ner RS 125 angefangen, und kannte den Chief schon von ner anderen Garage, bevor er sich selbständig gemacht hat.
Auch meine ZX-7R ist bei Tobias immer in besten Händen.
