Eigener Töff für den Grundkurs / Prüfung?

    moin leutz, und hallo!

    bin neu hier *verbeug*

    also ich hab noch kein töff oder roller oder sowas motorisiertes auf zwei rädern. das einzige motorisierte im haus ist das auto des bruders, und dasjenige der eltern. auf zwei rädern bin ich höchstens mit meinem rennvelo oder dem mountainbike unterwegs. also schon ein bisschen zuhause bei den zweirädrigen muskelgetriebenen :winking_face:

    also, durch meinen job den ich seit ein paar monaten habe, bin ich eher auf mobilität angewiesen. es geht auch ohne, aber mit mobilität wär ich einfach mobiler, und müsste nicht dauernd die wartezeiten etc. bei den ÖV's hinnehmen, es vergeht halt einfach eine stunde mit den ÖV's und 15 minuten mit einem eigenen motorisierten gefährt.

    ich bin 21, hab die autoprüfung erfolgreich bestanden, um nun die Kat. A zu bestehen, brauch ich ja nur noch 12 lektionen grundkurs, und die prüfung. 2-3 fahrlehrerstunden vor der prüfung sollten nach eurer meinung ja noch recht nützlich sein.

    nun meine frage nach dem gesülze:
    brauche ich für den grundkurs / prüfung einen eigenen töff? also reizen würde mich das natürlich schon :smiling_face: passen würde mir vom optischen, und vom preis her eine SUZUKI GSF 600 SU ... aber da will ich mich selbst noch mehr informieren.
    ich hab schon von leuten gehört, dass es versicherungstechnisch teuer sei (?) wenn man während der L-Zeit ne eigene maschine hat, man solle lieber eine des fahrlehrers nehmen (ergo mieten).

    les ich aber so auf den fahrlehrerseiten, dann bieten schon ein paar teure miet-preise an, aber alle im stil von "hast du noch keinen eigenen töff? kein problem..."

    ergo intepretier ich das so, dass die meisten einen eigenen töff besitzen, wenn sie beginnen zu fahren?!

    oder wie seht ihr das? graaatz! :engel:

    hallo erstmal und welcome :smiling_face:

    i weiss nur dass dä fahrlehrer bi eim dumm tah het will er kein eigete töff gha het füre kurs. aber en eigete bruchsch eigentli nöd für ad prüefig, aber ich würds dir scho nöchlegge en eigete z'chaufe wennt so öbbis vor hesch, klar choschtets viel gäld aber das isch es wert glaubs mer :D:D

    Cry mich ein river ! :ugly2:

    Also min Fahrlehrer het au gmeint, en eigne Töff seg vo Vorteil, well du kennsch dini Maschine denn...

    Isch zwar wörkli vil geld, aber es lohnt siiich :grinning_squinting_face:

    Hulftegg-Kennerin :grinning_squinting_face:

    Ja zerscht mol en eigene Döff hole und mol e chli fahre... Ich mein au wenn du eine mietesch, du söttsch jo sichr mol 1 - 2 Mönet mit dem ummefahre damit du überhaupt e Chance hesch bi de Priefig... Afänger hend nämlig 0 Chance bi de Manöver, das garantier ich dir.... Do kunnt s wirklich uff dini Skills druff ah, Kreisel und 8 er sind ganz wichtig....

    Ich mein jedesmol e Döff miete koschtet dir au gueti 200.-, do kaufsch dir lieber en bruchte odr je nach dem e neue....

    Ja das isch au richtig, du könntsch jetzt Lernfahruswis hole und denn könntsch scho go fahre mit em Lölli, hesch ja 3 - 4 Mönet Zit zum Grundkurs mache... Und wenn das gmacht hesch, wird die Zit um 8 Mönet verlängert, bis du zum Expert kasch go...

    EDIT: Zum Fahrlehrer muesch nit unbedingt go, die meischti Sache weisch eh vom Autopriefig... Ich ha au keini Fahrstunde gno und ha grad beschtande... ALso würd ich mir das spare und mol kurz mit em Kolleg go fahre hinde....

    Jage nicht, was du nicht töten kannst

    Einmal editiert, zuletzt von Ciko (1. September 2006 12:14)

    Hallo und willkomme :smiling_face:

    Für Prüefig isches uf jedefall am beschte wenn de eignig Töff häsch. Ich han e bmw gs gmietet und de Expert hät nacher gmeint Fahrdynamik segi "also schlimm" gsii, han eifach nöd chöne fahre mit dem (sorry :P) Gschwüür. Es fehlter halt eifach total dFahrpraxis ufem gmietete Töff, also Schaltig, Leischtig, Verhalte vom Fahrwerch usw. känsch nöd und das chan schomal id Hose ga.

    Wie de Ciko scho seit... Fahrpraxis isch bim Töff sA und O. Grad wenn no garkei Töfferfahrig häsch bruchsch eifach Kilometer und das chasch miteme Miettöff zimmlich vergässe. So wie du gseit häsch interessiersch du dich au eher für es Nakedbike oder sowas?! mit dem chasch au guet ad Prüefig, miteme Supersportler oder so isch das amig chli scheisse.
    Ich wür i dim Fall sicher vor de Prüefig en eigne Töff chaufe. Für de Kurs isches sicher au sinnvoll will döte chunsch ja praktisch dGrundregle biibracht über.. und am beschte chasches halt bruche wenns genau uf din nacherige Töff passt.

    Zude Fahrstunde... das chunt extrem drufaa wie du dich aastellsch :). Ich sälber han nie e Töfffahrstund ghnaa, bide 125ger und au bide grosse nacher nöd und bin bi beidne Prüefige grad durecho. Muesch dänn eifach wenn kei Fahrstunde nimsch sälber chli umelose und dir Tips gä la will gwüssi Sache chasch halt eifach nöd wüsse als Neulänker. Au guet isch wenn mit Lüüt chasch goge fahre wo dir dänn au chli chönd säge was wo und wie.

    "Ich glaub wemer aständig fahred fallts glaub nöd so uuf oder?" (Zitat: V|rus zum Yoshimura RS3)

    saletti spaghetti

    zershc mal welcome da im forum
    aso i wör au säge en eigene töff esch shco vo vorteil. well ebe du kennsch de töff vell besser und du chasch au mal echli a öbis anetaschte. plus er staht zur verfüegig wennt en bruchsch. aber ebe wüsse mueshc das sälber

    cu charlie

    Diskutiere nie mit einem Idioten. Er zieht dich auf sein Niveau herunter und schlägt dich dort um Längen...

    Zitat

    Original von Spike
    So wie du gseit häsch interessiersch du dich au eher für es Nakedbike oder sowas?! mit dem chasch au guet ad Prüefig, miteme Supersportler oder so isch das amig chli scheisse.

    ja chond drofa was für es naked-bike. also weni zom bispel en suzuki GS 500 F aluege, de gfallt die mer zemlech vom optische ond vom pris. ech weiss, ged det paar mängel bezöglech vorderfäderig etc...

    also es naked-bike... chönnt etz grad ned säge weles mer guet wörd gfaue, ha sie halt no nie rechtig real gseh. aber d'naked-version vo de 500 F fendi au ned ombedengt schlächt!

    weni dä thread etz darf benötze för e töff-empfählig :smiling_face:

    also ech wett kei 125er. ech möcht öpis, wo ganz guet id kategorie A beschränkt passt, ond au no betzli öpis häärged, wemme of unbeschränkt löse dued. ech wott kei renn-maschene!

    öb naked oder ned.... das esch e schwerigi froog. chani no ned wörkli säge. tendenziell wohl eher verschaled, aber äbe... sag niemals nie...

    vom priis här darf sie bes 8000 choschte. je gönstiger desto besser, wenn au d'leischtig stemmt (logischerwiis)

    bem verbruuch sett sie ned grad e moscht-frässer sii. so 4-5 leter wo agäblech e gs 500f suuft, töned glaub relativ guet. bem onderhalt sett sie au ned grad horränd sii...

    vom fahrverhalte setts definitiv es bike för e neulänker sii. ech ha scho vell erfahrig of 2räder vom bike ond strosse-rennvelo (be mou vell renne gfahre, könne also betz s'glichwecht of 2 räder). aber ech dänk beme töff esch das de weder ganz andersch. also sett sie wie gseid eher geignet sii för e neulänker. bes berebetzeli asprochsvoll darf sie aber scho au sii, ech be jo ke susi oder so :hmpf:

    jaa hend er ächt no e guete vorschlag?