verkehrssoldat in de RS

Zitat

Original von klecks
Über töfffahrä im Militär chan i nüt säge. Ich han i dem Saftladä nur glernt, das egal wend frögs isch immer drü lüüt vier meinigä....

Versprächä dünds viel, verzellä au. Schriftlich chunsch sicher niä irgendöppis über und au dänn chönds ihri Meinig immer änder, d'Reglä drähä usw... Du bisch am schluss immer dä bschissni..

Wänn i hüt nomal müäst a d'ushebig würi mi schwär is züg legä, UT z'wärdä... Spaarsch ä mängi Ziit und ärger...

Aber ich will dich natürlich nöd vonnärä Militärkarriärä abhaltä

Alles anzeigen

Da chan ich nur bistimme... Gahn nie vo öpisem us, wos dir versprächet. Sogar wänns schriftlich häsch. Es spielt kei rollä... Die säget dänn numme, sie chönd au nüht dafür.
Entweder öpis machä wo dir gfallt (au wänn sinnlos isch), wie z.B. Kriegspiellä i de Infanterie!!! Da häsch ä glatti Ziet und machsch öpis wod niemeh chasch neumets anderst machä. Oder dänn machsch UT aber ich find ä RS tuet jedem guet usserd bisch binerä meitli Truppe Dä WK isch dänn z'Tod beschisse, davo chasch usgah, usserd wänn kei Kollege häsch

Gruss

Oblt SOK

ja drum machich motfahrer. de hani wenigstens s lastwage und s ahängerbillet. und mache au de durchdiener de mueni nüm in WK werd en huufe geh wo mer säged ich spinni aber mues säge für mich ghörts ergendwie dezue und ebe i chan ja devo profitiere.

cu charlie

jo motfahrer isch ganz easy. lueg eifach dass'd jaaa nöd wiitermachsch...susch wird der als wachtmeischter oder löfti motfahrer so ziemli s einzig luschtige gno a dem job...nämli s fahre

VORSICHT!!!
D'Schutzusrüschtig im Militär isch schlächt oder nicht vorhanden. Du bisch quasi zwunge sälber Züüg mitbringe zum sicher unterwägs sy, falls de überhaupt dörfsch. Wenns schifft oder Winter isch, bisch erscht rächt arm dra mit däm Equipment wos der gänd.

Mitem Töff bisch der Schangli wosi für alles bruuched wo grad aafallt. Meischtens langwillisch di tierisch und denn muesch ufpasse dass de din Schlaf kriegsch. Sy chöneds so draie dass du ufem Papierli gnueg gschloofe hesch, tatsächlich aber bisch todmüed. Mitem Alkohol tüends au huere schwierig, au mitem Räschtalkohol am nächste Morge.

Ich würd hützutaag uf untauglich mache oder grad verweigere und Zivildiescht leischte - do machsch sicher öbbis Sinnvolls.

Tach zusammen!!

Also gad mol zum vorus, ich bin Verkehrssoldat.... bin Wachmeister und immer no im Dienst
Wänn du wilsch Verkehrssoldat mache, bruchsch a deer ushebig nur en Lehrnfahruswis fürs auto, und muesch natürlich die 4 stündig seich Prüefig mache

Nachane im militär fitzisch mit em BMW 650 GS ume lauft öppe 170kmh, isch zwar nöd gad vill, aber immer no z schnällsti fahrzüg i der armee Und öppe so ab der 7 wuche häsch dänn die grossi töffprüefig au im zivile!! chasch fahre wast wilsch

Zum winter und Verkehrssoldat, allso ich bin au im winter i der rs gsi, schies chalt, allso frühre isch a der tagesordnig. z einzige was würklich guet isch isch z gorotex töffkombi( Tatzfarben) isch würklich nöd schlächt und es git relativ warm, zeinzige was scheisse isch, sind d häntsche.

hoffe han chli chöne hälfe.

PS: ich finde s immer no e cooli sach als vrk dur d gägend z düsse

gruss Sulzi

Ja allso ich hans si ämel au gschafft. muesch dich halt eifach während dene paar stunde voll konzentriere und dänn isch das locker z bestah.

also ich bin jetzt grad 4 wuchä in grüän underwägs gsi als kurier. han 5218 km gmacht und muäs sägä äs isch schono geil mit äm bmw, mär chan ja s abs au abschaltä wänmär chli wot spass ha. Leider händ nöd ali vercherssoldatä s glück kurierfahrer z si.

ich han d prüäfig i dä armee 95 gha det hani nur dä fahrzüguswis müäsä zeigä und dän ischäs ok gsi. Bin dän aber no dä letschti jahrgang gsi wo dä condor gha hät. So nach ca. 6 wuchä isch dän diä theoretisch prüäfig cho und nachher isch no än inschter hinä druf ghockt und fertig. Nach ca. einärä wuchä hämär dä rosäroti fötzel übercho und händän chönä umschribä la in zivilä uswis

jo ich han die müesse mache.

hocksch paar stunde je nach ushebigsgruppe wennd oech hesch vor em znacht am abig dete und machsch de tescht.

da wennds teschte wie guet du dich chasch konzentriere. spricch muesch möglichscht viel sache glichziitig mache chöne.

also mit em einte redli muesch so es bölleli dur es labyrinth stüre, glichziitig immer e taschte drucke wennd es gwüsses bälleli unter vielne andere uftauche gsehsch und no irgend öppis.

isch zu schwierig zum beschriebe und öppis üebe chasch au nööd.

also entweder bisch geignet und bestahsch oder denn halt nööd.

ah mol ein tip: chauf der vorher öppis ztrinke. denn das chasch guet bruche i de churze pause vom tescht. susch vertröchnisch fasch i dem rum volle PC's

ach ja wege de neue armee mit dene 7wuche allgemeini grundusbildig und ersch aschlüssender funktionsusbildig chans sii, dass die praktisch prüefig chli später machsch. das heisst nach de 7 wuche. zum fahre chunsch sicher scho recht schnell.

eventuell chasch ja wennd di gschickt astellsch, was ja weniger es problem isch wenn mer scho grossi töfff fahrt scho früehner die praktisch mache, sofern die theoretisch scho häsch. die theoretisch isch eini vom militär. het also nix z tue mit de zivile.

han zwar nüd d töffliRS gmacht, doch bi Motfahrer isch das ganz ähnlich.

DonBosco:

Das mit de Früehner Prüefig mache gaht bi de Vercherssoldate nöd, aber die Zyt wo die andere ihri Grundkürs mached(die glyche 12stund wie im zivile)
chönd die wo scho A- oder sogar A händ chli eleige agh umcruise. Hät es Paar schöni Usfährtli an Greyerzersee geh. So ischs zmindschte bi euis gsi im letschte März.