verkehrssoldat in de RS

Han das au denkt, aber mit em neue führerschii sind au neui töff cho.

Als verchehrssoldat fahrt mer etzte e BMW 650GS mit 25kw.

jo das chan mer mache.

denn bisch i de RS ufere BMW 650GS unterwegs.

muesch aber a de ushebig so konzentrationstescht 4 stunde über die ergah lah. isch recht müehsam und es schaffts nüd jede. machbar isch es aber sicher. (hans ja au gschafft hehe)

en kolleg vo mir het d RS als verkehrssoldat gmacht und er hets recht langwillig gfunde.

am afang segs huere langwiilig gsi well recht viel nume roller gfahre sind und kei grossi töffe und drum bisch am afang eifach immer am dich langwiile. nachher chans mal luschtig sii wennd en uftrag hesch, aber soo toll het ers jetzte nid gfunde.

klar de gross vorteil isch die gross gschenkti prüefig. das isch echt praktisch.

Zitat

Original von DonBosco

klar de gross vorteil isch die gross gschenkti prüefig. das isch echt praktisch.

Luut dem Typ woni am Orientierigstag gha han, hend ihri BMW's uf 25kw gdrosslet, demit mer sie au ab 18i fahre dörf o_O wer het etze recht ??

ich würd mal frege am orientierigstag, doch en kolleg het genau die RS im letschte summer gmacht und de gross uswies becho.

mindeschtens en uswies kat A1 muesch hah so viel ich weiss. müsstisch also falls en A1 uswies hesch kei prüefig mache.

doch dass du verkehrspolizischt chasch mache isch nonig sicher. zersch muesch wie gseit die prüefig bestah und denn müends au no gnueg frei plätz hah. und im winter isch es denn huere verschisse....nume so zum säge

ja aso für de töfffahrer mueshc nume de b test ha und de gaht anderthalb stund und sovell mer eshc send d bmw ned drosslet.

en bekannte vo mer heds gmacht und gseit tod langwilig wennt mal chli wett guge röste wersch zäme gschisse und besch ja d hälfti zyt nume am so fuzis umewinke. vorallem bes ich id rs gange hani die gross prüefig scho fasch

cu charlie

Zitat

Original von DonBosco
ich würd mal frege am orientierigstag

Das hani gmacht, will ich au denkt gha han, dass ich nach de RS denn offe het, aber er het's verneint. Und de Offizier wo ich gha han musses wüsse, de isch hauptbrueflich Fahrlehrer -.-

dass irgend ein offizier oder susch öppert vo de ushebig öppis weiss isch leider en grosse trugschluss....

ich hett au luut em ushebigsoffizier und das isch en oberscht gsi....also de obermacker vo de ushebig.... au mis spitalpraktikum woni für's medizinstudium bruche als sanitätsfahrer chöne mache.

leider isch gar nix vomene spitalpraktikum gsi....

die verzelled meh scheiss a der ushebig als irgendwo susch i de ganze grüene organisation.

wenns gnau wetsch wüsse chan der d nummere vo es paar fahrlerhreradjutante gäh..die würdeds wüsse...

Über töfffahrä im Militär chan i nüt säge. Ich han i dem Saftladä nur glernt, das egal wend frögs isch immer drü lüüt vier meinigä....

Versprächä dünds viel, verzellä au. Schriftlich chunsch sicher niä irgendöppis über und au dänn chönds ihri Meinig immer änder, d'Reglä drähä usw... Du bisch am schluss immer dä bschissni..

Wänn i hüt nomal müäst a d'ushebig würi mi schwär is züg legä, UT z'wärdä... Spaarsch ä mängi Ziit und ärger...

Aber ich will dich natürlich nöd vonnärä Militärkarriärä abhaltä

Zitat

Original von klecks
Über töfffahrä im Militär chan i nüt säge. Ich han i dem Saftladä nur glernt, das egal wend frögs isch immer drü lüüt vier meinigä....

Versprächä dünds viel, verzellä au. Schriftlich chunsch sicher niä irgendöppis über und au dänn chönds ihri Meinig immer änder, d'Reglä drähä usw... Du bisch am schluss immer dä bschissni..

Wänn i hüt nomal müäst a d'ushebig würi mi schwär is züg legä, UT z'wärdä... Spaarsch ä mängi Ziit und ärger...

Aber ich will dich natürlich nöd vonnärä Militärkarriärä abhaltä

genau so wür igs jetzt ou mache

Gruss

Kpl SERVER

SERVER

ich bin hööcher ääätsch...

ja das mit de meinige stimmt ebe scho. Und ebe de kolleg wos im letschte jahr gmacht het het vorher Abeschränkt gha und nachher s Aunbeschränkt chöne beaträge. Ich meinti dass das immer no so isch.

Wasi höchschtens chan mache isch mal nacheluege i de fahrzügreglement und uswiesklasse vom militär. da gits so lischte wo druffe staht wele zivili uswies welem militärische entspricht und umgekehrt. da sötti das eigentli au drinn e stah.

mues mal das reglement usesueche. das isch vermuetli no die verlässlichschti quelle. nume wo hani das.....bin ja selber motfahrer bi de sani's gsi....

naja mal luege. aber was scho stimmt isch dass die blöde BMW's nüd die voll leischtig hend. glaub so140 oder so bringsch here het de kolleg gmeint. also langsam als de mercedes sprinter wo mir gha hend haha de isch 165 gloffe

Wenn ig no en WK mache bin ig ou Wachmeischter

aber das wird ig nuemme

Zitat

Original von SERVER
Wenn ig no en WK mache bin ig ou Wachmeischter

aber das wird ig nuemme

Ich wünscht, ich chönnt so zueversichtlich si!