Cholbering wechsel an sich, bringt nid sehr viel. Wenn's wechslisch, denn mach de ganzi Kolbe. Wenn du en neue Kolbering uf en alte Kolbe montiersch chan der de Kolbering bi der Montag lichti unebeheite asetzt = 100% Fresser.
Bi der Montage vom Kolbe mitem neue Kolbering muesch de Kolbering genau in der richtige Stellig uffe Kolbe druffesetzte und de Kolbe richtig in Zylinder ifühere, ansuschte hesch au bald en Fresser.
Wenn das ganzi ussenand hesch, uf jedefall ä neui (evtl. apassti) Zylinderfuess-Dichtig innesetzte und nid allzufescht d' Schrube azüche (scho einigermasse, aber nid würge) nach 1000 KM (was öppe der Ifahrzit vom neue Ring/Kolbe entspricht) d' Schrube am Zylinderkopf es bizeli nachzüche.
Bim erneute Ibau vo allem immer nass-bau mache, d.h. bi allem und überall im guet ifette (nid extrem viel).
Druffe achte, dass ganz sicher de genau glichi Kolberinghersteller verwendisch, wie vorher druffe kah hesch.
De Schieber vo de Uslassstürig mues mitem korrekte Abstand wider zämäbaut werde, suscht hesch au en Fresser. (Bi de Mito mues z.B. genau 7 zentel mm Rum zwüschet Kolbe und Schieber vo der Us-Lassstürig sie, suscht gaht mer z' Risiko vom klemmer i ...
Grues Robi
i wot weder de cholbe, no de zelender bearbeite, es häd mer halt scho zwoi mol de moke glöpft, well d`cholbereng dore gsie send.
jetzt staht mini dt zereit i de garage ond ich mues no bes am ziestig warte, bes ändli die cholbereng chömet...es werd warschienlech zieschtig, häd de mech gseit! 
be mer am öberlegge, öbi grad söll d`öberströhm kanäl echli useschliefe, wäni schomol de zelender weg han...häsch du ahnig vo dem?
Öberström-Kanäl z'schliefe bringt leischtigsmässig nünt. Sie sind scho so gross, dass ä chlini Abschliefig in kem Verhältniss zunnere Leischtigs-steigerig staht.
Sinnvoll isch es, wenn die Kanäl stark verruest sind (2mm und meh) und die Ruespartikel-Ablagerige abtreit würed. Denn lauft das ganzi wider besser.
so... mini dt lauft weder 1A!
jetzt musi nor no das müesame iifahre fertig brenge... 
ZitatOriginal von Töbi
jetzt musi nor no das müesame iifahre fertig brenge...
das isch s'Schlimschte a allem findi. Wenn gad aafangsch fahre gahts ja na so aber wenn eigednlich voll heitze wettisch und da musch uf 4000 umewürge isch scho huere kacke, känes leider nume zu guet.
isch bi mir original so. han dänn mal es 17er ritzel drufgmacht will mi das ständige schalte gnervt hät aber dänn isch de motor wider zschwach gsii und es hät dütlich a saft gfehlt.
Lieber echli me Schalte ond deför hesch en rächte azog. Be dene 125er gheisch doch öbere, went be de Beschlünigong ned alles useholsch, was de Mocke mag lefere.
