Da das schinbar hie so gang und gäb isch, tue ig mi doch ou schnäu vorstelle... Schinbar wird hie relativ viel in Schwizerdütsch gschribe, umso besser.
Auso ds Kücken het mr dr Link vo däm Forum gschickt, do hani mi doch ou mau agmäudet.
Chume us em schöne Kanton Bärn, wo aus no chlei langsamer geit. Bi 29 Jahr jung und bi am Weekend ging öppe uf em Töff azträffe; äntwäder i de Päss, im Jura, Elsass, Vogese oder im Schwarzwald. Ha mer schö öppe müese lo säge, sobald ig en Töff unde em Arsch heig, merk me nüt me dass ig Bärner sig 
Agfange hani anno 1995 mit em Füdlezwänzger, mittlerwile si über 200'000km zäme cho mit em Töff.
We no Frage si, immer use dermit.
Blüemlipflücker isch übrigens so gmeint, dass me versuecht d blüemli i Schräglag z pflücke 
