Und jetz rotet mol worum? Will i imene Naherholigsgebiet (im Wald) mit em MTB ufeme Chiiswägli gfahre bi, und für MTBs isches nume erlaubt uf de teerete Wägli z'fahre. 
I hanem Bolizischt denn erklärt, ich wüssi das scho, aber mis MTB bruuchi nun mal Dräck und Chies unter de Pneu, das sigi artgerächti Haltig! Gnützt hets nüt: Drissig Stai hets mi koschtet, aber sehr fründlig ischer gsii. Ganz e junge Polizeigefreite, vermuetlig erscht churz ab der Police Academy choo. Dä isch nooni so vergriessgramt gsi wie vieli Basler Schugger. Ohni sini Uniform und Buessekatalog wärer mer ächt sympathisch gsi.
Was leere mer drus? 1.: Basel isch die sicherschti Stadt vo der Schwyz, denn wenns no freilaufende Drogedealer, Trickbetrüger und Iibrächer gäbti würd d'Polizei sicher DIE jaage anstatt harmlose Velofahrer abzpasse. Aber wills kaini me git hän sy Zyt für das. 2.: Mer sin in der Schwyz. Wo sunscht gits es dass es völlig unnötigs Verbot duuregsetzt wird, wos es Bitzeli Toleranz und gegesytigi Rücksichtnahm au wurd tue? 3.: Militanti Fuessgänger chönne der dr Spass am Zweirad genauso vermiese wie Büchsefahrer. Und 4.: Es git no nätti Schugger; me mues sy wäge däm nid go sueche!
Frage: Was isch die erschti Buess in eurem Läbe gsi, respektive für was händer si kriegt? Wär isch no nie büesst worde?
Und wär isch mit Glück ere Buess entchoo? Do het sicher jede e unterhaltsami Gschicht zum verzelle?!
), no z schnäll fahre oder was au immer. hrhr. Ine Kontrolle bini au erst eimol cho, und das erst no z Dütschland 
120 stutz buess.