Also ich han zwar eis aber wän am fahre bisch ect ghört ich wägem offroadhelm fast nüd.. Es länkt au ziemli ab 
han mal mit em kolleg sin funk i min helm iibaut und den während em fahre versuecht chli mitenand z'rede.
hett mich total ned überzoge... die stöpsel in helm ineztape hett scho nach bastel usgseh, den die ganz verkabelig hett mich tierisch gnervt, de knopf zum spreche isch IMMER am falsche ort gsi, das mer somit ned bed händ am lenker hett chönne lah und de allergröscht witz... d'mikrofons sind so empfindlich gsi das bis 80 gad na was verstande hesch, und alles was schneller gsi isch, hesch gar nimme müesse versueche isch eh nur na es chrose cho...
dezue z'sege isch villicht das es eis vo de billigschte system's bim polo gsi isch... also villicht giz au gschiideri system?!
Alan esch secher en gueti marke. send zueverlässig ond e de qualität au rächt guet.
das met de sensible mikrofon. es chond halt extrem of de helm drofa. wennt en helm hesch wo shco luut esch, denn chasch ab 70 nömme metenand rede. wennt eine hesch wo relativ ruhig esch, denn gots au no be 100 ond meh.
genau das woni obe gschrebe ha.
1. fonkgrät daf ned eifach eis vo de bellige sii. daf scho chli öpis choschte.
2. wenn de helm ned liislig esch, ghörsch ab 70 nüd me vom andere
aaaalso:
ich han scho verschideni Produkt gha:
1: Gegesprechaalag vo Fahrer zu Biifahrer
Irgend so es 70.-- Teil vom Küde in Fällande. Isch es Grät wo öpper uf sich treit, vorem abfahre iischalte und det dra hend denn zwei es Headset aagschlosse.
Negativ:
bisch die ganz Ziit uf empfang, hesch also immer chli d'Umgebigsgrüsch au vom Biifahrer und chasch nöd mal luut dänke wie "heb mal d'Frässe!" *lach*
Positiv: günstig.
Aber:
es bringt eigentlich nüüt. wenns wichtig isch und öppis zäge hesch, chaschs au rüefe und de ander ghörts.
2. Kenwood Funkey 446
Es Walkietalkie mit Headset und Sprechtaschte. Das heisst: wennd öppis wotsch säge, chasch uf d'Taschte trucke und schnurre. susch isch ruhig.
Negativ:
Batterie sind immer läär, Headset isch zimmli unbequem, jedesmal wennd abstigsch muesch d'Sprächtaschte vom Lenker wegneh (Klettverschluss), ewig das kabelgefummele im Kombi, s'Walkietalkie het nie Platz ime Lederkombi, sobald meh als 500m usenand fasch kei Kontakt meh
Headset het oft Wackelkontakt, will d'Kabel ultradünn und aafällig sind.
Positiv:
chasch s'Walkietalkie au so mal bruche nöd uf em Hobel, es isch günstig (ganzes Set 500.-- für beidi Höbel)
Aber:
für mich isch es z'unprofessionell gsi, hauptsächli wegem Kabelgefummle und wills Headset unbequem gsii isch.
3. beahr Dista Funkanlage
jetzt hemmer es fix installierts Funksystem vode baehr. Es Grät mit 8 kanäl, isch fix verbaut, nimmt de Strom ab em Boardstrom, wenn d'Zündig drähisch isch au de Funk us. vorem Tank chunt bi mir denn de Stecker füre. Zwüsched Helm und dem Stecker tueni es ca. 30cm langs Spiralkabel zwüschestecke und los gahts. dank de Antenne het mer au über meh als 2km jederziit Empfang. Das mit de 5km isch Utopie. vililcht ide Wüeschti, wos kei Störquelle het...
negativ:
zimmli tüür: für zwei Töff 1700.--
positiv:
nie meh Batterie wächsle, fix installierti Sprechtaschte inkl. Schalter zum liisliger und lüüter mache währed de Fahrt, top Verständlichkeit, provi-Helmiibau, keis drucke keis kneife. eifach supi.
Aber:
luege, dass d'Grät no heiss werdet. wenns zheiss sind, funzets nümm. Also nöd ide nöchi vom Motor installiere.
Wännd handwerklich zwei linki Händ hesch, muesch de Iibau mache lah. Oder zu mir cho, für paar Bier machi villes 
baer esch secher die optimal lösig. hed aber au sii priis. wenns vermasch secher s bescht.
met de pmr grät hani bes jetzt relativ gueti erfahrige gmacht. vorrusgsetzt mer nemt ned grad s belligst wos ged. daf ruhig öppe 100 CHF pro grät choschte. d verkabelig esch so e sach. das system wo mer iisetzted hed en stecker öpe 10cm vom taster wäg ond luutsprächer ond mic chamer au öber ein stecker vom helm trenne. esch en rächt gueti sach.
denn esch nor no die sach met de riichwiiti. wenns schlächt chond, ghörsch noch 100m nüt me vo desem well er hender 2 fellskantene esch. wenns guet chond, denn hesch knapp 2km riichwiiti. das esch of jede fall mini erfahrig.
