Helm runtergefallen, kaputt?

    Hallo liebe Leute


    Einer Freundin ist der Helm aus ca. 1.20m höhe auf den Boden gefallen, was meint ihr, ist der nun nicht mehr zu gebrauchen, oder kann sie ohne bedenken ein neues Visier kaufen und damit weiterfahren?


    Ihr Statement: "isch en fieberglas helm. de Shoei Raid 2 schwarz-glänzend. Isch ab em roller keit (han de fehler gmacht dass en über de lenker ta han :frowning_face: ) d strass het chiselsteinli ka und jetzt isch einersiets s visier voll hick aber au de helm. (ok gseht mer schnell mal bi schwarz-glänzend) zudem hets 2 hick wo so sind das jetzt die schwarz farb abbletteret isch (het ja e kante bim helm hine und det isch es weg) schüsch gseht mer aber nüt...."


    Der Helm hat damals € 340.- also rund Fr. 550.- gekostet, also nicht einer der billigen...

    Mit Fr.550.- liegt er im Mittelfeld.


    Ich hatte mal nen Caberg für 800.- . aus ca. 80cm runter gefalln... Also s'Polster etc. rausgenommen und siehe da, im Schaumstoff war ein Riss.


    Also Helm entsorgt und neuen gekauft.

    es chan au sie, dass mer nüt geseht und dä helm isch glich nümä sicher.


    im 3w-motorradbekeidungs gschäft in pfungä näh winterthur chasch ihn sicher teschtä lah. respktiv si lönd ihn ihschickä zum prüefä. bin aber nöd ganz sicher das es chöschtälos isch.


    also wüd ihn uff allfäll zerscht teschtä bevor ih wieder bruchsch, aber ebä es git ja sotig diä bruchät gar keinä, gäll neeri :grinning_squinting_face::face_with_tongue:

    dä dummä g'hört d'welt.....

    s problem isch dasi die nächste 2 wuche agwise bin mit em roller zum huus us zchöne. Andersch chumi ebe nöd weg, het kei öffentlichi verchehrsmittel oder so. Zudem chunt dasi absolut kei geld heti zum en neue helm zchaufe, dass heisst ufs rollerfahre verzichte müest. Jetzt weissi eifach nöd wasi mache söll, isch so en worst case fall! chan ja nöd eifach die nächste 2 wuche dihei blibe! Usserdem bini nöd dihei gsi wo das passiert isch, d.h. ich muess ja irgendwie hüt heicho.
    Was ich mir sowieso überleit han, woni de helm kauft han het mer mir gseit de vorteil a erem Fieberglashelm isch dass er eigentlich ewig hebt, also selber nöd kaputt gat wie en thermoplast oder so. (so eine hani vorher ka). Aber s Risiko dass er innert 10 Jahr mal abekeit isch ja eigentli gross, also machts sinn en Fieberglas chaufe wenn mer evt. sowieso nach erem jahr en neue brucht?


    written by Dela

    2 Mal editiert, zuletzt von forecast ()

    Würd s sofort wechsle. Mim Kolleg isch das au passiert, abegfalle, hen denkt 3 - 4 Kratzer, abr siehe da, loht uff eimol z vil Wind ine und zimli unstabil. Also weg und en neue kauft...


    Ha nit glaubt ka wo Kolleg gseit het, wenn di Helm eimol am Bode keit, kasch dir en neue kaufe. Das glaub ich mittlerwiil..

    Jage nicht, was du nicht töten kannst

    Isch amel au so das de Kunststoff obe dra bim Uufprall iitruckt wird.. nacher aber wieder id Form zrug gaht.. während sMaterial drunder iitruckt blibt. Gsetmer vo usse nöd fill aber drunder gsets nume so guet uus.


    Ich wür uf jedefall so schnäll wie möglich en neue chaufe. Ob en Fibraglas oder nöd.. chunt halt drufaa.. muesch halt eifach immer chli luege wonen hereleisch dänn sötter nöd abegheie ;).

    "Ich glaub wemer aständig fahred fallts glaub nöd so uuf oder?" (Zitat: V|rus zum Yoshimura RS3)

    s problem isch eifach dass i dem fall mini rollerkarriere beendet isch, da ich s geld für en neue nöd han. Han mir scho 3 mönet überleit ka ob chaufe oder nöd bi dem und han mi den entschiede für de welli denkt han dass es sicherer isch wenn so en türe chaufe. aber i dem fall au nöd.


    written by Dela

    Einmal editiert, zuletzt von forecast ()

    Kasch das nit irgendwie mit de Versicherig abkläre? Würde die das zahle?

    Jage nicht, was du nicht töten kannst

    d versicherig zahlt nume wenn öper andersch de helm abekeie la het und den wärs dem sini haftpflicht.. aber so.. bini halt selber blöd gsi. Danke für eui tipps... wird i dem fall sicher zu dem lade ga go de helm prüefe la, wenni wieder mal im norde bin .. evt. hani ja glück ka.. und für jetzt muen mer halt öpis ifalle la.

    Einmal editiert, zuletzt von forecast ()

    ähhh sonen bullshit, da isch villicht früener so gsi, dass dä grad hesch chönne wächsle, die hütige helm haltet da einiges meh uuus.


    isch natürli toll wemmer das chan säge, dass mr en sofort tusche mues, das kurbled s'helmgschäft echli aaa :winking_face:

    Cry mich ein river ! :ugly2:

    han hüt abig no mit em töffgschäft telefoniert (also nöd mit em gschäft, aber mit em mitarbeiter dete :smiling_face: ) und die hend au gmeint dass es ziemli sicher nüt gmacht hegi. Es chunt extrem ufs alter und ufd Qualität vom Helm a. Früener seg da richtig gsi dass mer nach so öpisem het müese wechsle wells au meistens nonig us fieberglas gsi seged nöd so verstärcht. Das es e delle git und den wieder zrugbügi wie de Spike gmeint het isch bi Fieberglas nöd möglich.
    Mir het mer jetzt agrate d Polster usenä und de Helm zkontrolliere, wenn mer nüt gsechi de die nächste 2 Wuche no zbruche und denn weni wieder i de Dütschschwiz bin go kontrolliere la.
    Wird mer jetzt all die Statements mal dur de Chopf ga la und den entscheide.
    Danke für euri Hilf


    written by Dela

    Nimm uf jede Fall mal s'Fueter use und lueg der d'Schale vo inne ah. Wenn dete öppis gsehsch würdi de Helm wechsle.


    Wenn s'Fueter nöd chasch useneh isch de Helm eh nix wert.


    Zum Thema Helmüberprüefig bim 3W..die mached der nur e Sichtprüefig ufem Ladetisch..