ZitatOriginal von Chrigi
Nee mir sind in Bachebülach ufem Coopparkplatz gsi...
ja de isch's wer anders gsi... hett emel herzig usgseh 
-
-
Gang trotzdäm zum Cornu. Oder grad deswäge. Dert sind en Huufe Fraue praktisch in der gliiche Situation wie du. Wennds der deet kei Spass macht, denn waisi au ned wyter.
Nid uufgääh!
-
Hallöchen!
ich meld mi zrugg!sodeli soo.. ich bin letscht wuche ide ferie gsi und han det en roller gmietet kha
muss aso säge, ich hans traumhaft schön gfunde! es isch wie eh eigeni welt wo mer ihtaucht.vo dem her isch das würkli mega cool, das mobil si uf zwei redli.. s'meer isch ufsmal secundär worde
nun ja nun ja.. aber es hät au chli sini schatte siite geh! da zakynthos eh zimmlich hügeli insle isch, isches zimmlich mühesam gsi mit so wenig pfus! (es isch also numme eine gsi mit 50ccm) sobald es hügeli duruf gange isch, isch d'gschwindigkeit nur uf 5km/h uffe cho
und es isch vielfach vorcho (säg jetzt nöd wie viel mal), dassi würkli ide kurve eifach umkippt bin.
so weit so guet.. das isch ja logisch gsi! ich meine wennd en schnellere töff häsch, denn würd das nöd passiere.. aber:es isch halt scho huerre gföhrich wenn d'strasse sandig sind! ich bin am letschte tag bi de kollegin uf de roller ghocket (wege köstegründ) und ca. 5km vor em hotel häts eus bi 40km/h voll s'füdli vom roller id siite verstriche und es hät eus halt voll verbäset.
also ich han gmerkt, ich han vom 1.unfall angst kha!! und es isch mer vorcho wie wennd vom velo abekheisch nur chli schneller und du schlieferisch eifach am bode entlang! zu mim nachteil hani NUR en helm ahkha!
also wenni eh ahgmesseni usrüstig ahkha hät, wär mer rein gar nüd passiert!!!!
also ich merke: ich han numme respekt vo de gschwindigkeit und vorallem schiss wenn ich s'fahrzüg bi gwüsse situatione nüme im griff han.
;(also wenni jetzt wieder ah die 600er denke, bechumi fasch es härzkriesi über.. düdeli düüüüüüüüüüüü..
ich lass es mit de 600er würkli bliebe!fahrvergnüahge wird ich au mitere 125er ha!
grüassli jasmin
-
du chöntsch sicher au en 600er fahre isch nöd so e sach.. musch eifach so fahre das der wohl isch und wenns di mal verbäsed bisch halt umgheit.. lersch nur drus.. und wenn agmässe fahrsch und au dim chöne agmäse den wirsch villicht nödemal umgheie oder went gheisch isches nöd so schlimm...
-
aua, das tuet weh... das isch halt vorem roller fahre het keine respekt
und im tshirt wirds halt nid grad än agnehme fall aber i würd würkli au mitem 125er afo wennt so e angscht vor gschwindigkeit hesch... meh cha sich jo immerno steigere...
-
Zitat
Original von Jasy83: zu mim nachteil hani NUR en helm ahkha!
Sag i doch : GO NAKED! -
@ jasy ... mech donkts eifach du steigerisch dech do emmer wiiter i die forcht ond so vorem omflüge ine! ich säg wenn du gar ned ersch a so sache dänksch (scho klar muesch der d gfohre mol chli dore chopf go loh .. dasd weisch sand ==> rötschig ==> ned i korve legge schösch flügsch etc.) aber denn wennd weisch was die gfohre send ond wie die omgohsch denn nömme wiiters do dra dänke. also wägem omflüge meini jetzt! wenn du emmer dänksch .. jo met sovell leistig ond so hauts mi ehh 1000 mol om .. denn steigerisch die do eifach voll ine chonsch emmer meh schess öber voreme storz ond besch au nervös ond gstresst ond flügsch wörkli no om! eifach relaxed blibe :P! esch vellecht eifach gseit als gmacht aber PROBIERS! also wenns der wohler esch metere 125er denn machsches met dere ... aber au det wersch äuä d angscht ha voreme storz?!! wenns de fall esch .. ebe wie scho gseit ned emmer dänke i flüge om ond so well denn flügsch sowiso om!
-
Serscht mal uf me Töff isch uf minre Yamaha DT 125 gsie (Jahrgang 83 ;D). Han mer de Schwager vo minre Mueter gschnappt und mir sind churz ufne abglägni Landstrass. Deht het er mer alles erchlärt mit Schalte und so, chli Kuplig schliife lah und denn halt eifach mal losdüset.
Ha mi natürli dauernd verschaltet und alles, sisch aber rächt schnäll guet gange und mir hend es chlises Usfährtli gmacht.Also sone DT findi e top Sach. Liecht, nöd zvil Saft aber trotzdem gnueg, dasmer am Rotliecht zügig weg chunt, mega Länkischlag und für billig zha. Dank 11.9 KW hani demit sogar chöne di gross Prüefig (sprich A-) mache.
-
ich bin s erschtmal mit enre derbi senda 50 (aber mit 100 rennsatz) gfahre. bin bi de erschte rundene immer wider vom erschte in 2 in neutrale cho.nachher hani den mal mini ktm 64o kauft und es isch überhaupt kei problem gsi mit em fahre.
ich find mer chan problemlos mit emene grosse töff afange z fahre. mer mues eifach chli geduld ha. und s wichtigscht: öpper erfahrnigs wo der cha tipps gäh.
-
Also mini erst rundi hüt mit minnere neue Maschine, isch absolut Genial verloffe.
Nur einmal is Neutral gschalte -
Zitat
Original von salzwasser
ich bin s erschtmal mit enre derbi senda 50 (aber mit 100 rennsatz) gfahre. bin bi de erschte rundene immer wider vom erschte in 2 in neutrale cho.nachher hani den mal mini ktm 64o kauft und es isch überhaupt kei problem gsi mit em fahre.ich find mer chan problemlos mit emene grosse töff afange z fahre. mer mues eifach chli geduld ha. und s wichtigscht: öpper erfahrnigs wo der cha tipps gäh.
also ebe en grossi fahre wo drosslet esch ... i säge mol wenn eine wo no nie en gschalteti gfahre esch grad met 25 ofene 600er oder 1000er hockt ond meint er chan jetzt frisch fröhlich omenand cruise ..denn chaner grad so guet sin grabstei fang vorbereite! die het eifach z vell leistig för am afang wennd die verschaltisch/kopplig spicke lohsch oder eifach z vell gas gehsch! wobi es get halt lüt ond lüt! die eine wördes scho häre brenge ... die andere ned! teil lüt händ absolut kei problem met schalte ond all dem ... die hocke bem 1. mol ufe töff ond es fahrt ond die andere chönes nach woche noni rechtig! so esch das halt!