1. Töfffahrt war ein flop.

    Hallo Zämme


    Letschte SO bini s'erstmal selber mit em töff (bandit 600er) gfahre. und ich ha jetzt echli gmischti gfühl.. bzw. nach de erste 2rundene bim parkplatz hani so es chnü-schlottere becho, dass ich de töff kheie lah han wo ich abgstande bin. (sorry chrigi)
    und wo ich denn wieder han welle ahfahre, hani gas und kuplig voll nüme im griff kha.. und bi recht verschrocke, da de töff wie en speedi gonzales davo isch!


    eigendli bini recht erstund, dass d'maschine en guete halt hät bim fahre.. aber doch hani echli angst vom rest-restrisiko wo no passiere chönt.. vorallem, denn wenn mer khei erfahrig hät.


    ich wür gern wüsse wie's eui so gange isch, wo ihr s'erstmal ufem töff ghocket sind?? bzw. wie händ ihr das ganze ahpackt??


    merci für eues verständnis ( bi halt voll de ahfänger :face_with_tongue: )


    grüassli


    jasy83

    Han mi serstemol uf mim Hobel au nöd würki wohlgfühlt..aber das chunnt schnell glaub mer..und uf eimol bisch süchtig... :winking_face: Das isch alles wani däzue cha sägä... :winking_face:

    The World is yours...

    Jo do chani mitrede, i bi mit mim 125er (ha jo vorher en Roller gha = kei Kumplig und kei Gäng) sicher 20x is Gras inegfloge. Legg du mir, i ha döt schön gfluechet gha, wells nöd gange isch wie ich ha welle... X(


    Aber ebe, i glaub bi nit di einzig*knurr*

    Hulftegg-Kennerin :grinning_squinting_face:

    ech wörd der empfähle, dass du die zwöite versüech ofemen grosse meh oder mender lääre gländ machsch. flogplaz oder so wär do ideal.


    so ha ech das gmacht. dete chasch chli hin ond här fahre ond es paar körvli mache ohni dass öpis e wäg chond.


    es esch fascht emer so, dass mer sech am afang ned so sehr wohl fühlt. aber das chond met de ziit (es werd au ned vell ziit bruuche).


    ond vo wäge rästrisiko.
    1. musch guet luege.
    2. met em chopf fahre ond ned met em gas
    ond 3. esch über d stross zlaufe genau so gförlech :winking_face:

    Triumph - Egal ob Unterwäsche oder Motorrad :engel:

    vo mir eifach de Tipp. blib nöd uh lang uf dene Parkplätz, das hani au gmacht, do chunsch uf d'Krise, irgendwenn muesch afoch uf d'Stross, da gaht denn vo ellei..(i red us erfahrig!)

    Hulftegg-Kennerin :grinning_squinting_face:

    macht dir kei sorge das esch glaub be allne so wenn me s'1. mol ufem töff hockt!!! aber i säge immer muesch respekt ha vor dim töff aber uf kei fall angst!!!!

    ich weis ja nöd was du für erfahrigä hesch als sozius (hinädruff hockä) aber mir hets enorm viel bracht, dass ich vor uff d'strass gah mal am brüeder han chönä hinä druff hockä. aber nöd eifach hinä druff hockä und äh chli gägend ah lueggä, sondern ufmerksam lueggä wie er zbsp. kurvä ahfahrt etc.


    was sicher au kein seich wär, mal is strassenverkehrsamt, zbsp. winti ah chli gogä brämsä lernä (find ich sehr wichtig das mer würklich chan gut brämsä und nöd nur weis wo mer si am töff findet), kurväfahrä und grad no bergahfahrä chöntisch det au nochli übä.


    wie au immer, wünsch dir viel spass....

    dä dummä g'hört d'welt.....

    händ ihr denn vo 0 uf 100 ahfange??
    oder händer zerst eh chlineri maschiene kha??
    ich meine.. isch das vielecht nid doch chli überstürtzt, dassi grad mitere 600er will ahfange?


    ich selber ha kein töff..drum isch chli blöd weggem lerne.. ich mun mich zerst entscheide was ich möcht, bevor ich öpis kaufe.. :wand:

    gugus,
    umgfloge bini nöd grad, aber es doofs gfühl isches scho gsii.
    ich han aber scho mit 3 lüütlis, wo no nie ufem töff ghocket sind, die erschte versüech begleitet, eifach vo de eifachschte sache aagfange. das isch bi dene guet aacho. isch halt wichtig, dassd nöd alles zäme machsch und das dir öpper chli chan säge wie, wo, was, werum.


    wennd niemert hesch us familie, fründe oder so, mäld di doch da mal. irgendöpper wird der sicher hälfe.

    spitzbueb: ja de chrigi hät mer es paar tipps geh und hät mer zeiget wies gaht..


    @sunibängel: ja bin erst 2 mal hinde druff ghocket.. isch glaub eh gueti idee! ich mun ja no nüd über stürtze.. mun glaubs würkli zerst es gfühl für de töff entwickle..

    ja, ischer debii gsii, wo du dini erschte versüech gmacht hesch?


    zb. am aafang eifach ohni schalte nur im erschte gang aaaafahre, brämse, aaaafahre, brämse...
    etc??

    spitzbueb:


    ja er isch dabi gsi.. hät mer zerst de töff erklärt.. denn hät er mir zeiget wie ich ahfahre, bremse und schalte mun..


    has 1 mal versuecht.. isch super gange..
    2te mal versuecht isch super gange..
    bim 3te mal isch mer de töff abekheit willi s'glichgwicht verlore und weichi knüh kha han..
    han denn grad es päuseli brucht.. und han denkt, isch doch en blöde abschluss! und bin nomal druff.. 4mal ischer mir abgsoffe.. und denn bim letschte versuech hani fasch en schwarze ligge lah.. und bin so fest verschrocke..dass mer s'herz id hose grutscht isch! :wand:


    und das gfühl hät sich halt immer noni recht gleit..


    eigendli findi so sache mega cool! bin au scho go snowmobile und go squad fahre.. aber de töff isch es spüüührli wiit anderst zum fahre..


    ich denke au, dass ich halt eifach angst han.. da min fründ scho 3töff unfäll macht hät.. und ich's eigendlich nöd so luschtig gfunde han. :böse:

    Zitat

    Original von Jasy83
    @ jay b: ;( ich han angst.. drum die hämmige..



    muesch kei angst ha ond echli meh selbstvertroue ha
    :smiling_face_with_horns:


    i ha vo 0 uf 100 agfange also chasch du das au :grinning_squinting_face:

    hmm.. ja also ich denke da chamer nüme so viel dazue säge.. oder?
    ich glaub ich versuechs nomal das weekend.. gibe denn nöd grad nach 5 rundene uf sondern übe das züg.. ich denke da döff mer eifach nöd überstürtze...