Politur

    Salüü zäme


    da ich jetz ja e schwarzi han, het mer de mech au vorgschlage gha öpis zum polierä z'chaufe! Er het no öpis gred gha vonere polierpaschte wo guet seg wo immer d werbig im fernseh chunt/cho isch! Da ich aber so guet wie nie fernsehluege han ich kei ahnig weli das er meint (er het de name ebe au nüme gwüsst)! Wüssed ihr ächt es guets poliermitteli vorallem für schwarzi töff!? zum bispil de donbosco? s schwarz isch würkli extrem heikel und git huere schnell chrez. mer mus nume en falsche lumpe ne und scho isch passiert! Wär froh wenn öper öpis wüsst und au woher dasi das züg überchume. und au suschtigi tips z.b. was für lümpe neh und so (ich han denkt mal alti t-shirts)?


    merci vill mal im vorus scho...

    Naja, Kratzer wird s so oder eso ge bim schwarze Farb, sogar bim Poliere wirsch Kratzer beko, zumindescht han ich die Erfahrig gmacht ka.


    Kennsch dr Marke Jemako? Wird abr nur in Dütschland verkauft, die hend gueti Sache für Töff und Auto...

    Jage nicht, was du nicht töten kannst

    ja die marke kenn ich! d mueter het es paar lümpe und zügs vo dene aber ich han kei ahnig vo dem züg...vorallem isch vom dütsche us au echli¨übertribe!


    han ja wäg de chrazer hät de mech au gmeint gha dass das züg wo er meint au grad "versiglet" denn isch ämel besser als wenn nüt dra isch...

    also ich entfehlä dir ih dä erschtä 2-3 jahr gar nüt polierä. denn dä lack bi neuiä autos/töffs sind so guet das meh kaputt machsch wie schützä. den mit polierä au mit hand, tuesch du eigentlich äh chlini lack schicht "abschliefä". drum empfehl ich dir nur wachsä, das dä lack äh chli gschütz isch, aber nüt tuet abträgä.
    was ich dir empfehlä chan isch turtelwachs vom jumbo, grüni flasch und chaschtet öpä 14.90.- isch würklich dä hammer. und du chasch GLANZ kunststoff teili au no grad dä mit machä, wird wie neu.



    den eigentlich tuet mer zerscht polierä und denn no wachsä zum versiglä.


    also ich würd d'händ vo politur lah und nur wachs...

    dä dummä g'hört d'welt.....

    jo das isch es geils thema..............mit wahrschinlich tuusigi antworte...
    e politur isch e gueti sach......markene ebe soviel....ich han meguairas(weiss nöd öps richtig gschribe isch)........ich has vom gschäft aber mer sötts au ich glaub im jumbo becho.z.b....


    wichtigschte isch das die politur nöd zu scharf isch(körnig).........sone körnigi politur chan vorallem bim töfflack schnell de lack wegmache im wahrschte sinn vom wort...............


    lieber e sanfteri zb. speedglanz heist bide meguairas........mer bringt sehr vil weg und git en schöne glanz..............


    bide lüpmpe baumwulle isch scho guet,besser sind so die vlieslümpe speziell zum poliere.........


    und nöd vergässe de zum polierendi lack muss suuber si und chalt.........
    vil späse

    lasst es mal ruhig angehen............

    Also ich Poliere nur mit NANO [SIZE=1]musch na igeh, klappt bi mir irgendwie nöd..[/SIZE] finds na guet.. :face_with_tongue:


    de cheibe turtlwachs choschtet 10.90 im migros parc und isch ja no huere guet! hät grad wider hammer glänzt und so! und es paar chrätzli wos vo dene schiis chäfer mit panzer ge hät sind au use! Isch geils züg!


    Wäg de lümpe: Ich han eifach mal es alts T-Shirt verschnitte und brucht. weiss öpper wos gueti lümpe git? Ebe us baumwulle oder de vlieszügs wo de zirc gmeint het!?

    ich bruche s100 polierwachs und entweder normals hushaltspapier oder halt so en microfaserlumpe zum poliere und bis jetzte hets no kei chratzer gäh und ich bin sehr empfindlich hehe :grinning_squinting_face:

    SUZUKI - selbst unter zweifelhaften Umständen klappt´s immer
    SUZUKI - SUche ZUverlässige KIste
    SUZUKI - Schnell und zügig um Kurven irren
    SUZUKI - So ungestüm zieht überhaupt kein Italiener

    stefan, verzell dir doch kein seich. denn ich han scho so viel autos ufpoliert und gwachst. das ich langsam diä ganz politurpaletä durä han.


    aber, wegä dä luppä. zum dä wachs ufträgä nimm ich au alti t-shirt's, dues relativ nass machä und träg den dä wachs uf. wichtig, dass wenn dir s'lümpli am bodä g'heit grad wieder es neuis näh, den diä finnä staubköndli chönd dir dä ganz lack verchratzä.


    zum abriebä, nimm ich normali polierwattä uss äm jumbo oder so. das langet vorrig, viellicht am schluss no mit äm microfasertuch pfüsseli (vo dä polierwattä) "wegriebä" und fertig.


    gruess

    dä dummä g'hört d'welt.....

    2 Mal editiert, zuletzt von sugibängel ()

    stefan


    i wörd eidütig vo dene produkt chaufe! i bruche si für mini blaui au ond si glänzt ständig :smiling_face_with_horns:
    http://www.meguiars.com/


    i ha nome de quick wax ond no en detailler wo alles zum glänze bringt!


    ond dezue es mikrofaseretuech!!!!

    wachs? turtle wax. fend ech s'best. ha nonie vell anders probiert. aber de turtle ged en wonderbare glanz ond en gueti schotzscheckt.


    turtle wax origina. ned de flössig chonsch metemene spezielle schwamm öber zom die paste uufträge. abriibe tueni nochhär entweder met microfaser tuech oder ganz eifach metemene fiine baumwoll tuech.

    Triumph - Egal ob Unterwäsche oder Motorrad :engel:

    Zitat

    Original von Peak
    wachs? turtle wax. fend ech s'best. ha nonie vell anders probiert. aber de turtle ged en wonderbare glanz ond en gueti schotzscheckt.


    turtle wax origina. ned de flössig chonsch metemene spezielle schwamm öber zom die paste uufträge. abriibe tueni nochhär entweder met microfaser tuech oder ganz eifach metemene fiine baumwoll tuech.


    Chamer Wax auf uf Plastic schmiere, dass de glänzt?

    Zitat

    Original von WEP


    Chamer Wax auf uf Plastic schmiere, dass de glänzt?


    Wetsch wachs uf d'Husa schmierä????!!!!!! :öm: Glänzt sicher scho gnueg!

    mini isch ja nöd us stahl und es hät funktioniert... aber obs binere husa sinn macht?? isch ja nöd glänzig lagiert...