meine meinung von BMW

    Zitat

    Original von salzwasser
    ich find d bmw töff grundsäztlich nöd würklich schön. vor allem de boxter-style find ich hässlich (generell nöd nur bi bmw). ich cha eifach nüt demit afange wen uf de siite d zylinder so usestönd. aber in punkto sicherheit sinds sicher spitze und qualität isch sicher au guet. wobi d japaner ja au mächtig zueleged vor allem bi de motore. und wend mal es paar tuusig kilometer uf afrika fahrsch isch e bmw sicher au nöd schlächt. sind ja grad geschter 2 type bim raab gsi wo mit ihrne bmws 35000 kilometer gmacht hend und nie probs gha hend.



    und du gloubsch alles was im Fernseh chunt? :winking_face:

    gib jetzt au no min senf dä zu...


    also, ich dank s'desing vo dä bmw muemer zerscht mal es gwüsses alter erreichä, denn chan ich mir vorstell das eim so es bike immer besser gfallt.
    den was mer nöd dörf vergässä, das bmw-töffs sit jahrä d'verchaufsstatistik im dutschsprachigä rum ahführt und das, nimm ich jetzt ah, nöd nur wegä dä guetä dütschä werksarbeit!


    und so wieso, chömet den diä eintä oder ander ih das alter, wo s'fahrä in vordergrund g'rückt und nöd s'posä bi dä tankstell!!!

    dä dummä g'hört d'welt.....

    Salü zusammen
    Ich glaub ned ,das eh BMW besser isch als eh Japse.
    Ich han eifach en Nachfolger für mini XT/88 gsuecht und do hets eifach nur Plastikbombene gäh. Ussert der KTM, aber die isch zwehnig standhaft. Usserdem tuet mer der Arsch noch einerer Stund weh. Jetzt chan ich 1000 Km ohne Tanke fahre und der Arsch tuet mer glich weh, aber viel später.
    Min Traum wär immer no en alte Transalpmotor imene BMW 650 Fahrwerk. :grinning_squinting_face:


    Gruess Daniel